San Juan 15:22 - Ti Baro a Naimbag a Damag Biblia

²² Awan koma ti pakabasolanda no saanak nga immay ken nagsao kadakuada. Ngem ita, awanen ti pagpambarda kadagiti basbasolda.

Ti Biblia (1973)

²² No saanac coma nga immay ken diac coma kinasao ida, awan coma ti basolda; ngem ita awan ti pagpambarda iti basolda.

San Juan 15:22 Iomraidhean Croise

Ezekiel 2:5

Dumngegda man kenka wenno saan, maammoandanto nga adda profeta a naibaon kadakuada.

San Lucas 12:46

Dumtengto ti amongna iti aldaw a dina ipagpagarup ken iti oras a dina ammo. Dusaento ti amongna ket ipalak-amnanto kenkuana ti kaikarian dagiti saan a mapagtalkan.

San Juan 12:48

Adda mangukom iti mangumsi kaniak ken iti di umawat iti mensahek. Ti sao nga imbalikasko ti mangukomto kenkuana iti maudi nga aldaw!

San Juan 15:23

Ti gumura kaniak, guraenna met ti Amak.

San Juan 15:24

Awan koma ti pakabasolanda no diak inaramid iti imatangda dagiti banag nga awan sabali a makaaramid. Ngem ita, nakitadan ti inaramidko ket guraendakami a dua ken ni Amak.

San Juan 16:9

Nagbiddutda maipapan iti basol, agsipud ta saanda a mamati kaniak.

San Juan 19:11

“Awan koma ti pannakabalinmo kaniak no saan nga inted kenka ti Dios,” insungbat ni Jesus. “Isut' gapuna a nakarkaro ti basol ti tao a nangyawat kaniak.”

San Juan 9:41

“No bulsekkayo, awan koma ti pakabasolanyo,” insungbat ni Jesus. “Ngem gapu ta kunayo met a makakitakayo, kayatna a sawen nga adda latta basolyo.”

Dagiti Aramid 17:30

Pinalabas ti Dios dagiti tiempo a di pannakaammo kenkuana ti tao. Ngem ita, bilinenna ti amin a tattao a tallikudanda ti kinadakesda.

Taga-Roma 1:20

Manipud pay idi pinarsua ti Dios daytoy lubong, ti agnanayon a pannakabalin ken kinadiosna, uray saan a makita, mabigbig ken nalawag a makita babaen kadagiti gapuananna. Isut' gapuna a pulos nga awan ti mabalinda a pagpambar.

Taga-Roma 2:1

Gayyem, uray ania ti katataom, awan a pulos ti panggapuam a mangukom iti sabali. No ukomem dagiti sabsabali, ngem aramidem met dagiti ar-aramidenda, ta bagim met laeng ti uk-ukomem.

Santiago 4:17

Ngarud, agbasol ti tao a di mangaramid iti naimbag nga ammona a masapul nga aramidenna.

1 Pedro 2:16

Agbiagkayo a kas tattao a nawayawayaan, ngem diyo aramaten ti wayawayayo a pangkalub iti aniaman a dakes. Agbiagkayo ketdi a kas tagabu ti Dios.