San Juan 15:21 - Ti Baro a Naimbag a Damag Biblia

²¹ Ngem aramidendanto amin daytoy kadakayo ta kukuakayo. Saanda ngamin nga ammo ti nangibaon kaniak.

Ti Biblia (1973)

²¹ Ngem amin dagitoy aramidendanto cadacayo gapu iti naganco, ta dida ammo ti nangibaon caniac.

San Juan 15:21 Iomraidhean Croise

Dagiti Salmo 69:7

Sika ti gapuna a naum-umsiak, ket iti bain nalapunosak.

Isaias 66:5

Dakayo nga agbuteng ken agtulnog iti Apo, denggenyo ti kunana, “Agsipud ta napudnokayo kaniak, guraendakayo ti sumagmamano kadagiti kailianyo, ket awan ti panangikankanoda kadakayo. Rabrabakendakayo ket kunada, ‘Kayatmi a makita a naragsakkayo; ngarud, ipakita koma ti Apo ti kinatan-okna ket isalakannakayo.’ Ngem isudanto ti maibabain!

San Mateo 10:18

Gapu kaniak, maisaklangkayto iti sangoanan dagiti agtuturay ken ar-ari tapno paneknekanyo kadakuada ken kadagiti Hentil ti Naimbag a Damag.

San Mateo 10:22

Guraendakayto dagiti tattao gapu kaniak. Ngem ti siasinoman a makaibtur agingga iti panungpalan, maisalakanto.

San Mateo 10:39

Siasinoman a mangipangpangruna iti biagna, mapukawnanto; ket ti makapukaw iti biagna gapu kaniak, masarakannanto.”

San Mateo 24:9

“Matiliw ken mayawatkayto a madusa. Mapapataykayto. Guraendakayto dagiti amin a tattao gapu kaniak.

San Mateo 5:11

“Nagasatkayo no mapabpabainan, maidaddadanes ken mapadpadakeskayo gapu kaniak.

San Marcos 13:13

Guraendakayto dagiti amin a tattao gapu kaniak. Ngem maisalakanto ti siasinoman a makaibtur agingga iti panungpalan.”

San Lucas 21:12

“Ngem sakbay a mapasamak dagitoy, tiliwendakayto dagiti tattao ket idadanesdakayto. Maidarumkayto ket mausigkayto iti uneg dagiti sinagoga, ket maibaludkayto. Gapu kaniak, maisaklangkayto kadagiti ar-ari ken agtuturay.

San Lucas 21:17

Guraendakayto dagiti amin a tattao gapu kaniak,

San Lucas 6:22

“Nagasatkayo no guraendakayo dagiti tattao, no didakay awaten, no pabainandakayo, no kunada a dakeskayo, gapu iti Anak ti Tao!

San Juan 15:24

Awan koma ti pakabasolanda no diak inaramid iti imatangda dagiti banag nga awan sabali a makaaramid. Ngem ita, nakitadan ti inaramidko ket guraendakami a dua ken ni Amak.

San Juan 16:3

Aramidendanto dagitoy kadakayo ta didak am-ammo, kasta met ti Ama.

San Juan 17:25

Nalinteg nga Ama, saannaka nga am-ammo ti lubong, ngem am-ammoka, ket ammoda nga imbaonnak.

San Juan 8:19

“Sadino ti ayan ni amam?” sinaludsodda. “Saandak nga am-ammo,” insungbat ni Jesus, “ket diyo met am-ammo ni Amak. No am-ammodak koma, am-ammoyo met koma ni Amak.”

San Juan 8:54

“No idaydayawko ti bagik a mismo,” insungbat ni Jesus, “awan serserbi dayta a pammadayaw. Ti mangidayaw kaniak isu ni Amak a kunayo a Diosyo.

San Juan 8:55

Saanyo nga am-ammo, ngem am-ammok. No kunak a diak am-ammo, ulbodak a kas kadakayo. Ngem am-ammok ket tungpalek ti saona.

Dagiti Aramid 17:23

Ta iti panagpasiarko iti siudadyo ken pannakakitak kadagiti disso a pagdaydayawanyo, nasarakak ti maysa nga altar a nakaisuratan ti kastoy: ‘Maipaay iti Dios a di Am-ammo.’ Nupay diyo am-ammo dayta a pagdaydayawanyo, isu ita ti ipakaammok kadakayo.

Dagiti Aramid 26:9

“Uray siak, impagarupko idi damo a masapul nga aramidek ti amin a kabaelak a mangdadael iti nagan ni Jesus a taga-Nazaret.

Dagiti Aramid 3:17

“Kakabsatko, ammok a diyo ammo ti inaramidyo, kasta met dagiti turayenyo.

Dagiti Aramid 4:17

Ngem tapno matiped ti ad-adda a panagwaras daytoy a banag, masapul a ballaagantay ida a didan agsao iti siasinoman iti nagan ni Jesus.”

Dagiti Aramid 5:41

Pimmanaw dagiti apostoles iti saklang ti Sanhedrin. Kasta unay ti ragsakda ta imbilang ida ti Dios a maikari nga agsagaba iti pannakaibabain gapu ken ni Jesus.

Dagiti Aramid 9:14

Immay ditoy Damasco nga addaan pammalubos dagiti panguloen a papadi tapno tiliwenna dagiti amin nga agdaydayaw kenka.”

Dagiti Aramid 9:16

Ipakitakto kenkuana dagiti amin a masapul a sagabaenna gapu kaniak.”

Taga-Roma 1:28

Agsipud ta di bigbigen dagita a tattao ti kinapudno maipapan iti Dios, binaybay-an ida ti Dios nga agpanunot iti dakes ken agaramid kadagiti saan a maiparbeng.

1 Taga-Corinto 15:34

Agsublikay iti nasayaat a panunotyo ket dikay agbasolen. Ibagak nga agbain koma ti sumagmamano kadakayo a di makaammo iti Dios.

1 Taga-Corinto 2:8

Awan kadagiti agtuturay iti lubong ti makaammo iti daytoy a kinasirib. Ta no naammoanda, dida koman inlansa iti krus ti nadayag nga Apo.

2 Taga-Tesalonica 1:8

Babaen iti gumilgil-ayab nga apuy, dusaennanto dagiti di mangbigbig iti Dios ken dagiti di agtulnog iti Naimbag a Damag maipapan ken ni Apotayo a Jesus.

1 Juan 3:1

Kitaenyo no kasano ti kadakkel ti panagayat ti Ama kadatayo! Wen, kasta unay ti panagayatna kadatayo ta maawagantayo nga annak ti Dios, ket pudno a kastatayo. Dinatayo bigbigen ti lubong agsipud ta dina binigbig ti Dios.

3 Juan 1:7

Ta nagluasda gapu iti panagserbi ken ni Cristo. Saanda nga umawat iti tulong dagiti Hentil.

Paltiing 2:3

Ammok a naanuska. Inturedmo dagiti rigat gapu kaniak ket saanka a naupay.