San Juan 15:20 - Ti Baro a Naimbag a Damag Biblia

²⁰ Laglagipenyo ti imbagak kadakayo: ‘Saan a natantan-ok ti adipen ngem ti apona.’ No indadanesdak, idadanesdakayto met. No tinungpalda ti saok, tungpalendanto met ti saoyo.

Ti Biblia (1973)

²⁰ Laglagipenyo ti sao nga imbagac cadacayo: Saan a dacdackel ti adipen ngem ti apona. No inrurumendac, irurumendacayto met: no sinalimetmetanda ti saoc, salimetmetandanto met ti saoyo,

San Juan 15:20 Iomraidhean Croise

Ezekiel 3:7

Ngem awanto kadagiti Israelita ti mayat a dumngeg kenka. Didak pay ipangag. Natangken ti uloda ken natangsitda amin.

San Mateo 10:24

“Saan a natantan-ok ti agad-adal ngem ti maestrona; saan met a naturturay ti adipen ngem ti apona.

San Marcos 10:39

“Wen, kabaelanmi,” insungbatda. Kinuna ni Jesus kadakuada, “Kabaelanyo ti uminum iti kopa a paginumak ken mabuniagan a kas iti pannakabuniagko.

San Lucas 2:34

Binendisionan ida ni Simeon. “Pinili ti Dios daytoy nga ubing a pakadadaelan ken pakaisalakanan ti adu iti Israel,” kinunana ken ni Maria. “Naituding a pagilasinan a suppiatento ti adu a tattao.

San Lucas 6:40

Saan a nangatngato ti agad-adal ngem ti maestrona. Ngem no maturposnan ti adalna, agbalinton a kas iti maestrona.

San Juan 10:31

Pimmidut manen dagiti tattao kadagiti batbato a panguborda kenkuana.

San Juan 11:57

Imbilin dagiti panguloen a papadi ken dagiti Fariseo a no adda makaammo iti ayan ni Jesus, ipakaammona koma kadakuada tapno patiliwda.

San Juan 13:16

Ibagak ti pudno kadakayo: Saan a natantan-ok ti adipen ngem ti apona. Saan met a natantan-ok ti naibaon ngem ti nangibaon kenkuana.

San Juan 5:16

Gapu iti daytoy, rinugianda nga indadanes ni Jesus agsipud ta nangpaimbag iti Aldaw a Panaginana.

San Juan 7:32

Nangngeg dagiti Fariseo ti sao dagiti tattao maipapan ken ni Jesus. Iti kasta, isuda ken dagiti panguloen a papadi imbaonda dagiti guardia ti Templo a mangtiliw kenkuana.

San Juan 8:51

Ibagak ti pudno kadakayo: Dinto matay ti siasinoman a mangtungpal iti saok.”

San Juan 8:52

“Ita, mapnekkamin nga adda demoniom!” kinuna dagiti Judio. “Natay ni Abraham kasta met dagiti profeta, ngem kunam a dinto matay ti siasinoman a mangtungpal iti saom.

San Juan 8:59

Nagpidut dagiti tattao kadagiti bato a pangubor ken ni Jesus, ngem naglemmeng ket rimmuar iti Templo.

Dagiti Aramid 14:22

Pinatibkerda dagiti mamati ket binalakadanda ida nga agtalinaed a sipupudno iti pammati. Imbagada, “Masapul nga aglasattay iti adu a rigat sakbay a sumrektay iti Pagarian ti Dios.”

1 Taga-Corinto 4:12

Igaedmi ti agtrabaho tapno agbiagkami. No mailunodkami, mangbendisionkami ketdi. No maidadaneskami, ibturanmi.

2 Taga-Corinto 4:9

Adu ti kabusor, ngem adda latta gayyemmi. Uray no nakaro ti pannakakabilmi, saankami a matay.

1 Taga-Tesalonica 2:15

Pinapatayda ni Apo Jesus ken dagiti profeta, ket indadanesdakami met. Saanda a makaay-ayo iti Dios! Busorenda dagiti amin a tattao!

2 Timoteo 3:12

Maidadanesto ti amin nga agtarigagay nga agbiag iti nadiosan a panagbiag ken ni Cristo Jesus.

1 Samuel 8:7

“Ipangagmo ti amin nga ibaga dagiti tattao kenka, ta saan a sika ti linaksidda no di ket siak ta didakon kayat a mangituray kadakuada.