San Juan 15:2 - Ti Baro a Naimbag a Damag Biblia

² Putdenna amin a sanga a di agbunga ken dalusanna dagiti agbungbunga a sanga tapno ad-adu pay ti bungada.

Ti Biblia (1973)

² Isu-amin a santacco a di agbunga iccatennanto: ket amin dagiti sanga nga agbunga isu ti dalusanna, tapno mangted coma ti adadu a bunga.

San Juan 15:2 Iomraidhean Croise

Ti Libro ni Job 17:9

Dagiti agkuna a nataknengda, umad-adda ti panangipapanda a nalintegda.

Dagiti Salmo 92:14

Uray no lallakaydan, nabungada latta, ket kanayon a nalangto ken nakiredda.

Dagiti Proverbio 4:18

Mayarig iti bannawag ti dalan a pagnaan dagiti nalinteg. Rumaniag a rumaniag agingga a makatangkayagen ti init.

Isaias 27:9

Ngem dinto mapakawan dagiti basol ti Israel agingga a matumtumek dagiti amin a bato kadagiti altar dagiti pagano ken awanen mabati nga adigi ni Asera wenno altar a pagpuoran iti insenso.

Isaias 29:19

Masarakanto manen dagiti napanglaw ken napakumbaba a tattao ti ragsak nga ited ti Nasantoan a Dios ti Israel.

Daniel 11:35

Mapapatayto ti dadduma kadagiti masirib, ngem gapu iti daytoy, magugoran ken madalusanto dagiti tattao. Agtuloyto daytoy agingga a dumteng ti panungpalan, ti tiempo nga intuding ti Dios.

Oseas 6:3

Agpakumbabatayo iti imatang ti Apo. Ikagumaantayo ti mangbigbig kenkuana. Awan duadua ti yaayna kadatayo, kas iti idadateng ti parbangon, kas iti damo a tudo a mangsibog iti daga.”

Malakias 3:3

Umayto a mangukom, ket dalusannanto dagiti papadi a kas iti pannakagugor ti pirak ken ti balitok tapno idatagda iti Apo ti umisu a daton.

San Mateo 13:12

Ta ti addaan, maikkanto pay iti ad-adu tapno aglaplapusanan ngem ti awanan, maikkatto pay uray ti bassit nga adda kenkuana.

San Mateo 13:33

Adda pay sabali a pangngarig nga insarita ni Jesus kadakuada. Kinunana, “Mayarig ti Pagarian ti Langit iti sumaganad: Mangala ti maysa a babai iti lebadura sana igamay iti uppat a pulo a litro nga arina. Gapu iti lebadura, bumsog ti entero a masa.”

San Mateo 15:13

“Tunggal mula a saan nga immula ni Amak sadi langit, maparutto,” insungbat ni Jesus.

San Mateo 21:19

Nakitana ti maysa a kayo nga igos iti igid ti dalan. Inasitganna ngem awan nakitana a bunga no di laeng bulong. Iti kasta, kinunana iti kayo, “Saankanton nga agbunga!” Dagus a nagango ti kayo.

San Mateo 25:29

Ta ad-adunto ti maited iti addaan ket agsobsobraanto; ngem iti awanan, uray pay ti bassit nga adda kenkuana, maikkatto.

San Mateo 3:10

Naisaganan ti wasay a pangpukan kadagiti kayo agingga iti ramut; mapukan ket maipuor amin a kayo a di agbunga iti nasayaat.

San Mateo 3:12

Adda kenkuana ti bigao a pangtaep iti irik. Urnongen ken idulinnanto ti irikna iti kamalig; ngem puorannanto ti taep iti apuy a di maiddep.”

San Mateo 7:19

Ti kayo a saan nga agbunga iti nasayaat, mapukan ket maisungrod.

San Marcos 4:20

Ngem dagiti dadduma a tattao, mayarigda kadagiti bukel a nagdisso iti nadam-eg a daga. Ipapusoda a denggen ti sao, ket agbungada: adda agbunga iti tallopulo, adda met innem a pulo ken adda pay sangagasut.”

San Lucas 8:13

Dagiti nagdisso iti kabatoan, iladawanda dagiti tattao a dumngeg iti mensahe ken awatenda a siraragsak. Ngem saan nga umuneg ti mensahe kadakuada. Mamatida iti apagbiit, ngem suminada no dumteng ti tiempo a pannakasuot.

San Juan 15:1

Intuloy ni Jesus ti nagsao: “Siak ti pudno a puon ti ubas, ket ni Amak ti agay-aywan.

San Juan 15:16

Saan a dakayo ti nangpili kaniak, no di ket siak ti nangpili kadakayo. Imbaonkayo a mapan ken agbunga iti adu, ket manayon koma ti bungayo. Iti kasta, itedto ti Ama kadakayo ti aniaman a dawatenyo kenkuana iti naganko.

San Juan 15:3

Nadaluskayon gapu iti pannursurok kadakayo.

San Juan 15:6

Ti saan nga agtaeng kaniak, maibelleng a kas iti sanga ket magango. Maurnong dagiti kakasta a sanga ket maipuorda.

San Juan 15:8

No agbungakayo iti adu, maidaydayaw ni Amak, ket iti kasta, agbalinkayo nga adalak.

San Juan 17:12

Bayat ti kaaddak kadakuada, inaywanak ida babaen iti pannakabalin ti naganmo nga intedmo kaniak. Sinalaknibak ida, ket awan ti uray maysa kadakuada a napukaw, malaksid daydi tao a naituding a mapukaw tapno matungpal ti Nasantoan a Surat.

Taga-Roma 11:17

Nasip-ak ti sumagmamano a sanga ti natartaripato nga olibo, ket naisulbong iti daytoy a kayo ti sanga ti balang nga olibo. Sika a Hentil, mayarigka iti dayta balang nga olibo, ket mairanudka ita iti natibker ken nabunga a biag dagiti Judio.

Taga-Roma 11:22

Makitatayo ngarud ti kinamanangngaasi ken kinainget ti Dios. Nainget kadagiti natnag, ngem naasi kenka no la ket kankanayon nga agtalinaedka iti kinamanangngaasina. Ta no saan, uray sika, masip-akkanto met.

Taga-Roma 8:28

Ammotayo a kadagiti amin a banag, agtartrabaho ti Dios para iti pagimbagan a kaduana dagiti agayat kenkuana, isuda nga inayabanna kas mayannurot iti panggepna.

1 Taga-Corinto 13:1

Uray no makasaoak kadagiti pagsasao dagiti tattao wenno dagiti angheles, ngem no awan ayatko, awan serserbi ti panagsaritak ket awan dumak iti makatitileng nga aweng ti gansa wenno naringgor nga uni ti piangpiang.

Tito 2:14

Inyawatna ti biagna gapu kadatayo tapno isalakannatay iti amin a kinadakes ket pagbalinennatayo a nadalus a tattao nga agpaay kenkuana ken napasnek nga agaramid iti naimbag.

Hebreo 12:15

Agannadkayo tapno awan ti mangtallikud iti managparabur a Dios. Kitaenyo nga awan ti agbalin a kas iti napait a mula nga agtubo ken mangdadael iti biag ti tunggal maysa. Awan koma ti agbalin nga immoral wenno di agraem kadagiti nasantoan a bambanag a kas ken ni Esau. Insukat ni Esau iti sangamalukong a linugaw ti kalinteganna a kas inauna nga anak.

1 Juan 2:19

Nupay no kaduatayo idi dagitoy a tattao, pinanawandatayo agsipud ta iti kinapudnona, saantayo a kadua ida. No kaduatayo ida, nakipagtaengda koma kadatayo. Ngem pimmanawda tapno nalawag a makita nga awan kaduatayo kadakuada.

Paltiing 3:19

Babalawek ken dusaek ti amin nga ay-ayatek. Agregtaka ngarud ket agbabawika kadagiti basbasolmo.