San Juan 15:19 - Ti Baro a Naimbag a Damag Biblia

¹⁹ No kukuanakayo ti lubong, ayatennakayo koma ti lubong a kas kukuana. Ngem saannakayo a kukua ti lubong. Pinilikayo a panawanyo ti lubong ket daytoy ti gapuna a guraennakayo ti lubong.

Ti Biblia (1973)

¹⁹ No taga lubongcay coma, ti lubong ayatenna coma ti cucuana; ngem gapu ta saancay a taga lubong, no di ket pinilicayo iti lubong, gapuna guraennacay ti lubong.

San Juan 15:19 Iomraidhean Croise

San Mateo 10:22

Guraendakayto dagiti tattao gapu kaniak. Ngem ti siasinoman a makaibtur agingga iti panungpalan, maisalakanto.

San Mateo 24:9

“Matiliw ken mayawatkayto a madusa. Mapapataykayto. Guraendakayto dagiti amin a tattao gapu kaniak.

San Lucas 6:32

“No dagiti laeng agayat kadakayo ti ayatenyo, adda aya magunggonayo? Uray dagiti managbasol, ayatenda met dagiti agayat kadakuada.

San Juan 13:18

“Saan a dakay amin ti pakaiturongan dagiti sasawek. Ammok dagiti pinilik. Ngem masapul a matungpal ti adda a naisurat, ‘Kinugtarannak ti nakipangan kaniak.’

San Juan 15:16

Saan a dakayo ti nangpili kaniak, no di ket siak ti nangpili kadakayo. Imbaonkayo a mapan ken agbunga iti adu, ket manayon koma ti bungayo. Iti kasta, itedto ti Ama kadakayo ti aniaman a dawatenyo kenkuana iti naganko.

San Juan 6:70

“Saankay aya a sangapulo ket dua a pinilik?” insungbat ni Jesus kadakuada. “Nupay kasta, maysa kadakayo ti diablo.”

Santiago 4:4

Tattao a di mapagtalkan! Diyo kad ammo a maibusor iti Dios ti pannakigayyem iti lubong? Wen, siasinoman a makigayyem iti lubong, maibilang metten a kabusor ti Dios.

1 Pedro 4:3

Masapul a diyo aramidenen dagidi inar-aramidyo iti napalabas—dagiti pagay-ayat dagiti Hentil nga aramiden. Iwaksiyon ti kinarugit, kinaderrep, panagbartek, kinabuklis, aglablabes a panagrarambak ken ti makarimon a panagrukbab kadagiti didiosen.

1 Juan 3:12

Saantayo nga agbalin a kas ken ni Cain a pinaiturayan iti Managdakdakes ket pinatayna ni Abel a kabsatna. Apay a pinatayna? Gapu ta dakes dagiti aramid ni Cain, ket nalinteg dagiti aramid ti kabsatna.

Paltiing 12:17

Gapu iti pungtot ti dragon, napanna ginubat dagiti nabati nga annak ti babai, dagiti amin nga agtungtungpal kadagiti bilbilin ti Dios ken mangsaksaksi iti pudno nga impaltiing ni Jesus.

Paltiing 12:9

Naitappuak ti dakkel a dragon, daydi uleg idi ugma a managan Diablo wenno Satanas, a mangal-allilaw iti entero a lubong. Naitappuak ditoy daga agraman dagiti anghelesna.