San Juan 15:18 - Ti Baro a Naimbag a Damag Biblia

¹⁸ “No guraennakayo ti lubong, laglagipenyo a siak ti immuna a ginurana.

Ti Biblia (1973)

¹⁸ No ti lubong guraennacayo, ammoyo a ginuranac nga immun-una ngem dacayo.

San Juan 15:18 Iomraidhean Croise

1 Ar-ari 22:8

“Adda pay maysa,” insungbat ni Ahab. “Isu ni Micaias nga anak ni Imla. Ngem kagurgurak ta awan pay naimbag nga impadtona maipapan kaniak; pasig a dakes.” “Saan a rumbeng a sawem dayta!” kinuna ni Jehosafat.

Dagiti Proverbio 29:27

Guraen dagiti nalinteg a tao dagiti managdakdakes. Guraen met dagiti managdakdakes dagiti nalinteg.

Isaias 49:7

Kuna ti Nasantoan a Dios ken mangisalakan iti Israel iti tao a mauy-uyaw unay, gurguraen dagiti nasion ken adipen dagiti agtuturay: “Makitadakanto dagiti ar-ari ket tumakderda a mangipakita iti panagraemda kenka. Makitanto met daytoy dagiti prinsipe, ket agtameddanto a mangpadayaw kenka.” Matungpalto daytoy gapu ta pinili ti Apo ti adipenna; tungpalen ti nasantoan a Dios ti Israel dagiti karina.

Isaias 53:3

Inuy-uyaw ken saanmi nga inawat, inibturanna ti rigat ken panagsagaba. Awan kimmita kenkuana— dimi inkaskaso a kasla awan serserbina.

Isaias 66:5

Dakayo nga agbuteng ken agtulnog iti Apo, denggenyo ti kunana, “Agsipud ta napudnokayo kaniak, guraendakayo ti sumagmamano kadagiti kailianyo, ket awan ti panangikankanoda kadakayo. Rabrabakendakayo ket kunada, ‘Kayatmi a makita a naragsakkayo; ngarud, ipakita koma ti Apo ti kinatan-okna ket isalakannakayo.’ Ngem isudanto ti maibabain!

Zacarias 11:8

Iti las-ud ti maysa a bulan, pinapanawko dagiti tallo nga agpaspastor a nanggura kaniak ta napukawko ti anusko kadakuada.

San Mateo 10:22

Guraendakayto dagiti tattao gapu kaniak. Ngem ti siasinoman a makaibtur agingga iti panungpalan, maisalakanto.

San Mateo 24:9

“Matiliw ken mayawatkayto a madusa. Mapapataykayto. Guraendakayto dagiti amin a tattao gapu kaniak.

San Mateo 5:11

“Nagasatkayo no mapabpabainan, maidaddadanes ken mapadpadakeskayo gapu kaniak.

San Marcos 13:13

Guraendakayto dagiti amin a tattao gapu kaniak. Ngem maisalakanto ti siasinoman a makaibtur agingga iti panungpalan.”

San Lucas 6:22

“Nagasatkayo no guraendakayo dagiti tattao, no didakay awaten, no pabainandakayo, no kunada a dakeskayo, gapu iti Anak ti Tao!

San Juan 16:1

“Imbagak daytoy kadakayo tapno diyonto tallikudan ti pammatiyo.

San Juan 16:33

Imbagak daytoy kadakayo tapno adda talnayo iti pannakikaduayo kaniak. Parigatennakayto ti lubong. Ngem papigsaenyo ti nakemyo! Naparmekkon ti lubong!”

San Juan 3:20

Ti siasinoman nga agaramid iti dakes, kagurana ti lawag ket saan nga umasideg iti silaw agsipud ta dina kayat a maipakita dagiti dakes nga aramidna.

San Juan 7:7

Dinakay mabalin a guraen ti lubong, ngem guraennak ta ibagbagak a dakes dagiti aramidna.

Dagiti Aramid 14:22

Pinatibkerda dagiti mamati ket binalakadanda ida nga agtalinaed a sipupudno iti pammati. Imbagada, “Masapul nga aglasattay iti adu a rigat sakbay a sumrektay iti Pagarian ti Dios.”

Hebreo 12:2

Ditay isinsina ti matatayo ken ni Jesus a pangulo ken mangpunno iti pammati. Saan a naupay ni Jesus gapu iti krus. Ngem gapu iti rag-o nga agur-uray kenkuana, dina pinampanunot ti pannakaibabain iti ipapatay iti krus. Adda itan a situtugaw iti makannawan ti trono ti Dios.

Santiago 4:4

Tattao a di mapagtalkan! Diyo kad ammo a maibusor iti Dios ti pannakigayyem iti lubong? Wen, siasinoman a makigayyem iti lubong, maibilang metten a kabusor ti Dios.

1 Juan 3:1

Kitaenyo no kasano ti kadakkel ti panagayat ti Ama kadatayo! Wen, kasta unay ti panagayatna kadatayo ta maawagantayo nga annak ti Dios, ket pudno a kastatayo. Dinatayo bigbigen ti lubong agsipud ta dina binigbig ti Dios.

1 Juan 3:13

Kakabsatko, dikay masdaaw no guraennakayo ti lubong.

1 Juan 3:3

Tunggal maysa nga addaan iti daytoy a namnama ken ni Cristo, masapul nga agbiag a nadalus a kas ken ni Cristo a nadalus.