San Juan 15:16 - Ti Baro a Naimbag a Damag Biblia

¹⁶ Saan a dakayo ti nangpili kaniak, no di ket siak ti nangpili kadakayo. Imbaonkayo a mapan ken agbunga iti adu, ket manayon koma ti bungayo. Iti kasta, itedto ti Ama kadakayo ti aniaman a dawatenyo kenkuana iti naganko.

Ti Biblia (1973)

¹⁶ Dacayo didac pinili, ngem siac pinilicayo; ken incabilcayo tapno incayo ket agbungacayo coma: ket ti bungayo manayon coma: tapno ti amin a dawatenyonto ken Ama iti naganco, itdenna coma cadacayo.

San Juan 15:16 Iomraidhean Croise

Genesis 18:18

Agbalinto dagiti kaputotanna a naindaklan ken nabileg a nasion. Agdawatto dagiti amin a nasion ti lubong a bendisionak ida a kas iti panangbendisionko kenkuana.

Dagiti Salmo 145:4

Maidaydayawto dagiti aramidmo iti tunggal kaputotan; ipakaammodanto dagiti gapuanam a naindaklan.

Dagiti Salmo 71:18

Itan, ta lakayakon nga ub-ubanan, O Dios, dinak kadi baybay-an, tapno ti bileg ken pannakabalinmo ipakaammok kadagiti sumarsaruno a kaputotan.

Dagiti Proverbio 11:30

Biag ti ited ti kinalinteg, ngem babaen iti kinaranggas, maikkat ti biag.

Isaias 27:6

Iti dayta nga aldaw, kaslanto kayo nga agramut dagiti Israelita a kaputotan ni Jacob, ket agbusel ken agsabongdanto. Mapnonto ti lubong iti bungada.

Mikias 5:7

Addanto dagiti makalasat kadagiti kaputotan ni Jacob. Mayarigdanto iti makapabang-ar a linnaaw nga aggapu iti Apo a maipaay kadagiti adu a nasion, kas iti arbis a mangbisibis kadagiti agtubtubo a mula. Agpannuraydanto iti Dios, saan nga iti tao.

San Mateo 21:22

No adda pammatiyo, awatenyonto ti aniaman a dawatenyo iti kararagyo.”

San Mateo 7:7

“Agdawatkayo ket maikkankayto; agsapulkayo ket makabirokkayto; agtuktokkayo ket mailukatto ti ruangan kadakayo.

San Lucas 6:13

Kabigatanna, inayabanna dagiti adalanna ket pimmili iti sangapulo ket dua kadakuada a dinutokanna nga apostoles:

San Juan 13:18

“Saan a dakay amin ti pakaiturongan dagiti sasawek. Ammok dagiti pinilik. Ngem masapul a matungpal ti adda a naisurat, ‘Kinugtarannak ti nakipangan kaniak.’

San Juan 15:19

No kukuanakayo ti lubong, ayatennakayo koma ti lubong a kas kukuana. Ngem saannakayo a kukua ti lubong. Pinilikayo a panawanyo ti lubong ket daytoy ti gapuna a guraennakayo ti lubong.

San Juan 15:5

“Siak ti puon ti ubas, dakayo dagiti sanga. Ti agtaeng kaniak ket agtaengak met kenkuana, adunto ti maibungana. Ta no awanak, awan ti maaramidyo.

San Juan 6:70

“Saankay aya a sangapulo ket dua a pinilik?” insungbat ni Jesus kadakuada. “Nupay kasta, maysa kadakayo ti diablo.”

Dagiti Aramid 1:24

Kalpasanna, inkararagda, “Apo, ammom ti pampanunoten ti tunggal maysa. Ipakitam koma kadakami no siasino kadagiti dua ti pinilim

Dagiti Aramid 1:8

Ngem inton umay kadakayo ti Espiritu Santo, maikkankayto iti pannakabalin. Dakayto ti mangpaneknek iti maipapan kaniak idiay Jerusalem, iti entero a Judea ken Samaria, agingga iti amin a suli ti daga.”

Dagiti Aramid 10:41

saan a kadagiti amin a tattao no di kadakami laeng a saksi a pinili ti Dios—dakami a nakilanglang kenkuana iti panganan kalpasan ti panagungarna.

Dagiti Aramid 22:14

“‘Pinilinaka ti Dios dagiti kapuonantayo,’ kinunana, ‘tapno maammoam ti pagayatanna, tapno makitam ti nalinteg nga Adipenna ken tapno mangngegmo ti mismo a timekna.

Dagiti Aramid 9:15

Kinuna ti Apo kenkuana, “Mapanka, ta isu ti pinilik nga agserbi kaniak, tapno ipakaammona ti naganko kadagiti Hentil, kadagiti ari ken kadagiti Israelita.

Taga-Roma 1:13

Kakabsat, kayatko a maammoanyo koma a namin-adun a pinanggepko ti sumarungkar kadakayo ngem adda latta makalapped kaniak. Tarigagayak ngamin nga adda met koma mapasurotko kadakayo a kas iti kaadda dagiti Hentil a napasurotkon.

Taga-Roma 1:5

Gapu kenkuana, inted ti Dios kaniak ti gunda-way nga agbalin nga apostol iti nagan ni Cristo, tapno idalanko amin a tattao a mamati ken agtulnog.

Taga-Roma 15:4

Ta amin nga adda iti Nasantoan a Surat, naisuratda tapno isurodatayo a mangnamnama babaen iti anus ken pammaregta nga ited ti Nasantoan a Surat.

Taga-Roma 9:21

Kinaagpaysona, adda kalintegan ti agdamdamili a mangusar iti daga iti kayatna a pangusaran. Adda kalinteganna a mangaramid iti isu met laeng a nagamay a daga iti dua a damili: ti maysa agpaay iti naisangsangayan nga okasion, ket ti sabali, iti gagangay a pannakaaramat.

1 Taga-Corinto 10:11

Napasamak dagitoy kadakuada a pagulidanan dagiti dadduma, ket naisuratda a kas pakaballaagantayo. Ta dandanin ti kanibusanan ti tiempo.

Taga-Galacia 1:15

Ngem uray idi saanak pay a nayanak, pinilinak ti Dios babaen iti paraburna, ket inayabannak nga agserbi kenkuana.

Taga-Efeso 2:10

Datayo ti aramid ti Dios, ket iti pannakikaysatayo ken ni Cristo Jesus, pinarsuanatayo nga agaramid iti naimbag bayat ti panagbiagtayo nga intudingna idi.

Taga-Colosas 1:23

Masapul ngarud nga agtalinaedkayo a natibker ken natalged iti pammati. Diyo itulok a magunggonkayo ket mapukawyo ti namnama a nagun-odyo idi nangngegyo ti ebanghelio. Daytoy ti ebanghelio a naikaskasaba kadagiti amin a tattao ditoy lubong. Daytoy ti gapuna a siak, ni Pablo, nagbalinak nga adipen.

Taga-Colosas 1:6

Mangted ti ebanghelio kadagiti bendision ket agsaksaknap iti entero a lubong. Maar-aramid met daytoy kadakayo manipud idi damoyo a mangngeg ti maipapan iti parabur ti Dios ket naammoanyo ti kinapudno daytoy a parabur.

1 Timoteo 2:7

Daytoy ti gapuna a naibaonak a kas apostol, tapno ipakaammok ti Naimbag a Damag kadagiti Hentil, ket isurok kadakuada ti pudno a pammati. Saanak nga agul-ulbod. Pudno ti ibagbagak.

2 Timoteo 1:11

Dinutokannak ti Dios a kas apostol ken maestro a mangikasaba iti Naimbag a Damag.

2 Timoteo 2:2

Ikumitmo kadagiti tattao a mapagtalkan dagiti pannursuro a nangngegmo nga inkasabak iti sangoanan ti adu a saksi. Isudanto met ti mangisuro kadagiti sabali.

Tito 1:5

Imbatika dita Creta tapno urnosem dagiti amin a masapul a maurnos ket mangdutokka kadagiti panglakayen ti iglesia iti tunggal ili. Laglagipem ti imbalakadko:

Hebreo 11:4

Gapu ta adda pammati ni Abel, nangipaay iti Dios iti nasaysayaat a daton ngem ti daton ni Cain. Babaen iti pammatina, nagun-odna ti yaanamong ti Dios kas nalinteg a tao agsipud ta inawat ti Dios dagiti sagutna. Gapu iti pammati ni Abel, agsasao pay laeng uray no natayen.

Santiago 3:18

Kinaimbag met ti apiten dagiti mamagkakappia manipud kadagiti bukel nga itukitda iti nagan ti kappia.

1 Pedro 3:15

Ngem iti pusoyo, raemenyo ni Cristo a kas Apo. Sisasaganakayo koma a kanayon nga agpalawag no saludsodenda maipapan iti namnama nga adda kadakayo, ngem agsaokayo a sipapakumbaba ken napnoan dayaw. Pagtalinaedenyo a nadalus ti konsensiayo tapno mabainan dagiti nangibagbaga a dakes dagiti aramidyo kas pasurot ni Cristo.

1 Pedro 3:2

ta makitadanto ti kinasingpet ken kinatakneng ti panagbiagyo.

1 Juan 4:10

Daytoy ti pudno a kaipapanan ti ayat: Saan a gapu ta inayattayo ti Dios, no di ket inayatnatayo, ta imbaonna ti Anakna a pakapakawanan dagiti basbasoltayo.

1 Juan 4:19

Agayattayo agsipud ta immuna nga inayatnatayo ti Dios.