San Juan 15:15 - Ti Baro a Naimbag a Damag Biblia

¹⁵ Saankayon nga ibilang nga adipen, ta saan nga ammo ti adipen ti ar-aramiden ti apona. Ngem ibilangkayo a gagayyem ta impakaammok kadakayo ti amin a nangngegko ken ni Amak.

Ti Biblia (1973)

¹⁵ Dicay naganenen ti adadipen, ta ti adipen dina ammo ti aramiden ni apona: ngem ninagancayo ti pagpagayam, ta isu-amin dagiti nangngegco ken Amac, impacaammoc cadacayo.

San Juan 15:15 Iomraidhean Croise

Dagiti Salmo 25:14

Gagayyem ni Yahweh dagiti agtulnog kenkuana, ket patalgedanna kadakuada ti tulagna.

Dagiti Proverbio 18:24

Adda tattao nga agpammarang a gayyem, ngem adda gayyem a nadekdekket pay ngem ti kakabsat.

Amos 3:7

Saan nga aramiden ni Apo Dios ti panggepna no dina ipakaammo nga umuna kadagiti babaonenna a profeta.

San Mateo 13:11

Simmungbat ni Jesus, “Naited kadakayo ti panangammo kadagiti palimed ti Pagarian ti Langit, ngem kadakuada, saan.

San Lucas 10:23

Simmango ni Jesus kadagiti adalan ket kinunana a sililimed, “Nagasatkayo gapu kadagiti makitkitayo ita!

San Juan 12:26

Ti siasinoman nga agtarigagay nga agserbi kaniak, masapul a surotennak. Ta no sadino ti ayanko, addanto met sadiay ti adipenko. Ket padayawan ti Ama ti siasinoman nga agserbi kaniak.”

San Juan 13:16

Ibagak ti pudno kadakayo: Saan a natantan-ok ti adipen ngem ti apona. Saan met a natantan-ok ti naibaon ngem ti nangibaon kenkuana.

San Juan 15:20

Laglagipenyo ti imbagak kadakayo: ‘Saan a natantan-ok ti adipen ngem ti apona.’ No indadanesdak, idadanesdakayto met. No tinungpalda ti saok, tungpalendanto met ti saoyo.

San Juan 16:12

“Adu pay ti ibagak kadakayo, ngem diyo pay kabaelan nga awaten ita.

San Juan 17:26

Impakaammoka kadakuada, ket diak mamingga a mangipakaammo tapno ti ayatmo kaniak adda kadakuada ket addaak met kadakuada.”

San Juan 20:17

“Dinak iggaman, ta diak pay nagsubli ken ni Ama,” kinuna ni Jesus. “Ngem inka ibaga kadagiti kakabsatko nga agsubliakto iti Amak nga Amayo met, iti Diosko a Diosyo met.”

San Juan 4:19

“Apo,” kinuna ti babai, “mabigbigko a profetaka.

San Juan 8:26

No maipapan kadakayo, adu ti masaok ken babalawek. Ngem pudno ti nangibaon kaniak, ket ibagak iti lubong ti nangngegko kenkuana,” insungbat ni Jesus.

Dagiti Aramid 20:27

Ta diak nagliway a nangipakpakaammo kadakayo iti amin a panggep ti Dios.

Taga-Roma 7:15

Diak maawatan ti ar-aramidek. Ta diak aramiden dagiti kayatko nga aramiden. Aramidek ketdi dagiti kagurak.

1 Taga-Corinto 2:16

Kas kuna ti Nasantoan a Surat, “Siasino ti makaammo iti panunot ti Apo? Siasino ti makabalin a mangbagbaga kenkuana?” Nupay kasta, ammotayo ti panunot ni Cristo.

Taga-Galacia 4:6

Tapno maipakita nga annaknakayo ti Dios, imbaonna ti Espiritu ti Anakna iti puspusotayo. Daytoy ti Espiritu nga umawag iti “Ama! Tatangko!”

Taga-Efeso 1:9

inaramidna ti pinanggepna. Impakaammona kadatayo ti nalimed a planona nga inkeddengna a tungpalen babaen ken ni Cristo.

Taga-Efeso 3:5

Saan a naipakaammo idi daytoy a palimed iti sangkataoan, ngem imparangarangen ti Dios babaen iti Espiritu kadagiti nasantoan nga apostoles ken profetana.

Taga-Colosas 1:26

Nailimed idi daytoy a mensahe kadagiti adu a kaputotan, ngem naipakaammo itan kadagiti tattaona.

Filemon 1:16

Ket itan, saan laengen a kas tagabu, no di ket nangatngato pay ngem tagabu: Maysan a napateg a kabsat ken ni Cristo. Napateg unay kaniak, ket ad-adda pay koma ti panangipategmo kenkuana a kas tao itan ta kabsatmo iti Apo.

Santiago 1:1

Patgek a Kakabsat: Kablaawankay amin a tattao ti Dios a naiwaraswaras iti entero a lubong. Siak, ni Santiago nga agserserbi iti Dios ken ni Apo Jesu-Cristo, ti naggapuan daytoy a surat.

Santiago 2:23

Ket pimmudno ti maysa a paset ti Nasantoan a Surat: “Namati ni Abraham iti Dios, ket imbilang ti Dios a nalinteg gapu iti pammatina.” Isut' gapuna a naawagan ni Abraham a “gayyem ti Dios.”

1 Pedro 1:11

Inkagumaanda idi nga ammoen no kaano ken kasano ti pannakapasamakna. Daytoy ti tiempo nga imbagbaga ti Espiritu ni Cristo nga adda kadakuada, idi impakaammoda dagiti panagsagaba a lak-amen ni Cristo ken ti dayag nga umay kalpasanna.

2 Pedro 1:1

Patgek a Kakabsat: Kablaawankayo, dakayo a naaddaan iti pammati a napateg kas iti pammati nga adda kadakami. Naawattayo ti maymaysa a pammati gapu ta nalinteg ti Dios ken ni Jesu-Cristo a Mangisalakan kadatayo. Sapay koma ta umad-adu ti paraburyo ken maikkankay iti talna iti pannakaammoyo iti Dios ken ni Jesus nga Apotayo. Naggapu kaniak daytoy a surat—ni Simon Pedro nga adipen ken apostol ni Jesu-Cristo.

San Judas 1:1

Kadakayo nga inayaban ti Dios ken agbibiag iti ayat ti Dios Ama ken iti panangsalaknib ni Jesu-Cristo: Sapay koma ta adda kadakayo ti naan-anay nga asi, talna ken ayat. Naggapu daytoy a surat ken ni Judas nga adipen ni Jesu-Cristo ken kabsat ni Santiago.

Paltiing 1:1

Nailanad iti daytoy a libro dagiti impaltiing ti Dios ken ni Jesu-Cristo. Naipaltiing dagitoy kenkuana tapno ipakitana kadagiti adipen ti Dios dagiti masapul a mapasamak iti mabiit. Impakaammo ni Cristo dagitoy ken ni adipenna a Juan babaen iti panangibaonna iti anghelna,