San Juan 15:14 - Ti Baro a Naimbag a Damag Biblia

¹⁴ Ket dakayo dagiti gagayyemko no tungpalenyo ti ibilinko.

Ti Biblia (1973)

¹⁴ Dacayo ti gagayemco, no aramidenyo dagiti ibilinco cadacayo.

San Juan 15:14 Iomraidhean Croise

1 Ar-ari 4:5

Pangulo dagiti agtuturay iti probinsia: ni Azaria nga anak ni Natan Mammagbaga iti ari: ni Zabud a padi nga anak ni Natan

2 Ar-ari 18:6

Napudno ken ni Yahweh ket pulos a di nagsukir kenkuana; saanna a sinalungasing dagiti bilin nga inted ni Yahweh ken ni Moises.

2 Cronicas 20:7

Sika ti Diosmi. Idi dumteng dagiti tattaom nga Israelita iti daytoy a daga, pinagtalawmo dagiti agnanaed ditoy samo inted ti daga kadagiti kaputotan ni Abraham a gayyemmo tapno tagikuaenda iti agnanayon.

Exodo 7:6

Tinungpal da Moises ken Aaron ti imbilin ti Apo.

Dagiti Proverbio 18:24

Adda tattao nga agpammarang a gayyem, ngem adda gayyem a nadekdekket pay ngem ti kakabsat.

Kanta ni Solomon 5:1

“Addaak iti hardinko, ay-ayatek ken nobiak. Agal-alaak iti mirra ken balsamok; kankanek ti rara ken ti dirok, in-inumek ti arak ken gatasko.” “Mangan ken uminumkayo, agayan-ayat, agingga a mabartekkayo iti ayat!”

Isaias 41:8

“Ngem sika, Israel nga adipenko, sika, Jacob a pinilik, dagiti kaputotan ni Abraham a gayyemko.

Jeremias 32:23

Ngem idi immayda iti daytoy a daga ket tinagikuada, dida nagtulnog kadagiti bilinmo wenno nagbiag a mayannurot kadagiti pannursurom. Awan tinungpalda kadagiti imbilinmo nga aramidenda. Daytoy ti gapuna nga inyegmo kadakuada amin dagitoy a pannakadadael.

Ezekiel 12:7

Tinungpalko ti imbilin ti Apo kaniak. Iti dayta nga aldaw idi agsipngeten, insaganak ti awitko a kasla mapagtalaw a balud ket binutbutak ti bakud. Kitkitaenda ti panangibaklayko iti awitko ket rimmuarak.

San Mateo 12:50

Ti siasinoman nga agaramid iti pagayatan ni Amak sadi langit, isu ti kabsatko ken ti inak.”

San Lucas 12:4

“Ibagak kadakayo, gagayyemko: Dikay agbuteng kadagiti mangpapatay iti bagi ngem awanen ti dakdakes a mabalinda nga aramiden.

San Juan 13:17

Ita, ammoyon daytoy a kinapudno. Nagasatkayo no aramidenyo!

San Juan 14:15

Intuloy ni Jesus ti nagsao: “No ayatendak, tungpalenyo dagiti bilbilinko.

San Juan 14:21

“Ti umawat ken mangtungpal kadagiti bilbilinko, isu ti agayat kaniak. Ti agayat kaniak, ayatento ni Amak; ayatekto met ken agparangakto kenkuana.”

San Juan 14:28

Nangngegyo ti imbagbagak kadakayo a pumanawak ngem agsubliakto met laeng kadakayo. No inay-ayatdak, agragsakkayo koma ta mapanak iti Ama, ta natantan-ok ti Ama ngem siak.

San Juan 2:5

Kinuna ti ina ni Jesus kadagiti agserserbi, “Aramidenyo ti aniaman nga ibagana kadakayo.”

Santiago 2:23

Ket pimmudno ti maysa a paset ti Nasantoan a Surat: “Namati ni Abraham iti Dios, ket imbilang ti Dios a nalinteg gapu iti pammatina.” Isut' gapuna a naawagan ni Abraham a “gayyem ti Dios.”

1 Juan 5:3

Ta no ayatentayo ti Dios, kayatna a sawen a tungpalentayo dagiti bilbilinna. Saan a narigat a tungpalen dagiti bilbilinna,

Ruth 3:6

Napan ni Ruth iti pagirikan ket inaramidna amin nga imbilin ti katuganganna.