San Juan 15:11 - Ti Baro a Naimbag a Damag Biblia

¹¹ “Imbagak daytoy tapno ti ragsakko adda koma kadakayo ket naan-anay koma ti ragsakyo.

Ti Biblia (1973)

¹¹ Dagitoy sinaoc cadacayo, tapno ti rag-oc agtaeng coma cadacayo, ket ti rag-oyo agdanunan coma.

San Juan 15:11 Iomraidhean Croise

Isaias 53:11

Agrag-onto manen kalpasan ti panagtutuokna; maammoannanto nga adda serbi ti panagsagabana. Isu ti nalinteg nga adipenko, awitennanto ti dusa dagiti adu, ket gapu kenkuana pakawanekto ida.

Isaias 62:4

Saankanton a maawagan iti “Nabaybay-an,” dinto met maawagan ti dagam iti “Asawa a Napanawan.” Baro a naganmonto ti “Isu ti Ipangpangruna ti Dios.” Maawaganto ti dagam iti “Naragsak a Naasawaan,” gapu ta maragsakan ti Apo kenka, ket ibilangnanto ti dagam a kas asawa.

Jeremias 32:41

Pagragsakakto ti agaramid kadakuada iti naimbag. Iti amin a puso ken kararuak, pagnaedekto ida iti agnanayon iti daytoy a daga.

Jeremias 33:9

Pagtangsitkonton ti Jerusalem ket isunton ti gubbuayan ti ragsak ken dayawko. Agbuteng ken agkintayegto dagiti amin a nasion ditoy daga a makadamag kadagiti imbag nga ipaayko kadagiti tattao ti Jerusalem ken ti rang-ay nga yegko iti siudad.”

Sofonias 3:17

Adda ti Apo a Diosmo iti dennam; ti bilegna ti mangted kenka iti balligi. Agrag-onto ket sika ti pagragsakanna, Ikkannakanto iti baro a biag ta ay-ayatennaka. Agkantanto a siraragsak gapu kenka,

San Lucas 15:23

Inkay alaen ti napalukmeg a baka ket partienyo. Agrambaktayo!

San Lucas 15:32

Ngem masapul nga agrambak ken agragsaktayo, ta natay ti kabsatmo ngem nagungar. Napukaw ngem nasapulan met laeng.’”

San Lucas 15:5

No masarakannan, kasta unay ti ragsakna ket baklayenna

San Lucas 15:9

Apaman a masarakanna, ayabanna dagiti gagayyem ken kaarrubana. ‘Agrambaktayo,’ kunana kadakuada, ‘ta nasapulak met laeng ti napukawko a kuarta.’

San Juan 16:24

Agpapan ita, awan pay ti dinawatyo iti naganko. Agdawatkayo ket umawatkayto tapno naan-anay ti ragsakyo.”

San Juan 16:33

Imbagak daytoy kadakayo tapno adda talnayo iti pannakikaduayo kaniak. Parigatennakayto ti lubong. Ngem papigsaenyo ti nakemyo! Naparmekkon ti lubong!”

San Juan 17:13

Ita, umayakon kenka, ket sawek dagitoy ditoy lubong tapno adda kadakuada ti naan-anay a ragsakko.

San Juan 3:29

Ti nobio ti akinkukua iti nobia; ti gayyem ti nobio agsiput ken agdengngeg ket maragsakan no mangngegna ti timek ti nobio. Ngarud, naan-anayen ti ragsakko.

Taga-Roma 15:13

Sapay koma ta ti Dios a paggapuan ti namnama, punnoennakayo iti amin a rag-o ken talna iti pammatiyo kenkuana tapno dumakkel a dumakkel ti namnamayo iti pannakabalin ti Espiritu Santo.

2 Taga-Corinto 1:24

Dimi panggep nga ibaga kadakayo no ania ti masapul a patienyo; natibkerkayon iti pammati. Agtartrabahokami ketdi kadakayo para iti bukodyo a pagragsakan.

Taga-Efeso 5:18

Dikay agbarbartek ta isut' pakadadaelanyo. Ikagumaanyo koma ketdi nga agtaeng kadakayo ti Espiritu.

Taga-Filipos 1:25

Awan duaduak iti daytoy; isut' gapuna nga ammok nga agbiagak pay. Makipagbiagak pay kadakayo amin tapno nayonak ti panagrang-ay ken panagrag-oyo iti pammati.

1 Taga-Tesalonica 5:16

Kanayon nga agragsakkayo.

1 Pedro 1:8

Ay-ayatenyo nupay diyo nakita. Uray ita, mamatikayo kenkuana nupay saanyo a makita, ket agrag-okayo iti dakkel ken nagloriaan a ragsak a di mayebkas,

1 Juan 1:4

Isuratmi daytoy tapno naan-anay ti rag-omi.

2 Juan 1:12

Adu pay koma ti ibagak kadakayo, ngem diak kayat nga isurat iti papel ken tinta. Uray ta panggepko ti sumarungkar kadakayo ket kasaokayto laengen a personal tapno naan-anay ti ragsaktayo.