San Juan 14:26 - Ti Baro a Naimbag a Damag Biblia

²⁶ Ti Mammagbaga nga ibaonto ti Ama iti naganko, isu ti Espiritu Santo. Isuronakayto iti amin a banag ken ipalagipnanto dagiti amin nga imbagak kadakayo.

Ti Biblia (1973)

²⁶ Ngem ti Manangliwliwa, ti Espiritu Santo, nga ibaonto ni Ama iti naganco, isu isuronanto cadacayo dagiti amin a banag, ket ipalagipnanto cadacayo dagiti isu-amin nga imbagac cadacayo.

San Juan 14:26 Iomraidhean Croise

Dagiti Salmo 51:11

dinak pagtalawen iti imatangmo; dimo ipanaw kaniak ti Espiritu Santo.

Isaias 54:13

“Siakto ti mangisuro kadagiti tattaom; paraburakto ida ket rumang-ayda, addanto kappia iti sidongda.

Isaias 63:10

Ngem nagsukirda kenkuana ket pinagladingitda. Ngarud, nagbalin ti Apo a kabusorda ket isu a mismo ti nakiranget kadakuada.

San Mateo 1:18

Kastoy ti pakasaritaan ti pannakayanak ni Jesu-Cristo: Naitulag ni Maria nga inana a mayasawa ken ni Jose. Ngem sakbay ti panagkasarda, naammoan a masikogen ni Maria babaen iti pannakabalin ti Espiritu Santo.

San Mateo 1:20

Ngem idi pampanunotenna daytoy, nagparang kenkuana ti anghel ti Apo iti maysa a tagtagainep. Kinunana, “Jose nga anak ni David, dika agamak a mangikasar ken ni Maria, ta aramid ti Espiritu Santo ti sikogna.

San Mateo 28:19

Inkay ngarud kadagiti amin a tattao iti amin a lugar, ket pagbalinenyo ida nga adalak: buniaganyo ida iti nagan ti Ama, ti Anak ken ti Espiritu Santo,

San Mateo 3:11

Buniagankayo iti danum kas pakakitaan ti panagbalbaliwyo. Ngem ti umay a sumarsaruno kaniak buniagannakayto iti Espiritu Santo ken iti apuy. Dakdakkel ti pannakabalinna ngem siak; diak pay maikari a mangbitbit iti sandaliasna.

San Marcos 12:36

Kinuna ni David met laeng, babaen iti paltiing ti Espiritu Santo: ‘Kinuna ti Apo iti Apok: Agtugawka ditoy makannawanko, Agingga a maparmekko dagiti kabusormo. Ket addada iti babaem.’

San Marcos 13:11

No matiliw ken maidarumkayo, saanyo a pakadanagan no anianto ti sawenyo. Maipaltiing kadakayo iti dayta a kanito. Ta dagiti isaoyonto saan nga agtaud kadakayo no di ket iti Espiritu Santo.

San Lucas 1:15

Ta naindaklanto a tao iti imatang ti Apo. Masapul a dinto uminum iti arak wenno uray ania a makabartek. Mapnonto iti Espiritu Santo uray adda pay laeng iti tian

San Lucas 1:35

“Umayto kenka ti Espiritu Santo,” insungbat ti anghel. “Salinongannakanto ti pannakabalin ti Dios. Daytoy ti gapuna a nasantoanto ti ubing, ket maawaganto iti Anak ti Dios.

San Lucas 1:41

Apaman a nangngeg ni Elisabet ti kablaaw ni Maria, naggaraw ti ubing iti tianna. Napno ni Elisabet iti Espiritu Santo.

San Lucas 1:67

Napno iti Espiritu Santo ni Zacarias nga ama ni Juan ket imbagana ti mensahe ti Dios:

San Lucas 11:13

No dakayo, idinto a dakeskayo, ammoyo ti mangted iti naimbag kadagiti annakyo, dinto ket ad-addan ti pannangted ti Ama sadi langit iti Espiritu Santo kadagiti agdawat kenkuana!”

San Lucas 2:25

Iti dayta a tiempo, adda lakay nga agnagan Simeon nga agnaed idiay Jerusalem. Naimbag ken managbuteng iti Dios ket padpadaananna ti pannakaisalakan ti Israel. Adda kenkuana ti Espiritu Santo.

San Lucas 24:49

Ita, ibaonko kadakayo ti inkari ni Amak. Dikayo ngarud pumampanaw iti siudad agingga iti maawatyo ti pannakabalin nga aggapu sadi langit.”

San Lucas 3:22

ket bimmaba kenkuana ti Espiritu Santo a kas maysa a kalapati. Adda timek a naggapu sadi langit. “Sika ti dungdungngoek nga Anakko,” kinunana. “Maay-ayoak unay kenka.”

San Juan 1:33

Diak pay am-ammo idi no siasino, ngem ti Dios a nangibaon kaniak a mamuniag iti danum, kinunana kaniak, ‘Makitamto ti Espiritu a bumaba ken agdisso iti maysa a tao. Daytoy ti mamuniag iti Espiritu Santo.’

San Juan 12:16

Iti dayta a tiempo, saan a naawatan dagiti adalanna ti kaipapanan daytoy, ngem idi naitan-oken ni Jesus, nalagipda a naisurat maipapan kenkuana ket naaramid daytoy.

San Juan 14:16

Agdawatakto iti Ama ket ikkannakayto iti sabali a Mammagbaga nga agtaeng kadakayo iti agnanayon.

San Juan 14:25

“Imbagak daytoy ta addaak pay kadakayo.

San Juan 15:26

“Umayto ti Mammagbaga—ti Espiritu ti kinapudno manipud iti Ama. Ibaonkonto kadakayo manipud iti Ama, ket agsaonto a mangpaneknek iti maipapan kaniak.

San Juan 16:7

Ngem ibagak ti pudno kadakayo: Pagimbaganyo met laeng no pumanawak, ta no diak pumanaw, dinto umay kadakayo ti Mammagbaga. Ngem no pumanawak, ibaonkonto kadakayo.

San Juan 2:22

Isut' gapuna nga idi napagungaren ni Jesus, nalagip dagiti adalanna a sinaona daytoy. Ket namatida iti Nasantoan a Surat ken iti insao ni Jesus.

San Juan 20:22

Idi masaonan daytoy, sinang-awanna ida ket kinunana, “Awatenyo ti Espiritu Santo.

San Juan 6:45

Insurat dagiti profeta: ‘Isuronto ti Dios dagiti amin a tattao.’ Umay kaniak ti dumngeg ken makasursuro iti Ama.

San Juan 7:39

(Sinao daytoy ni Jesus maipapan iti Espiritu ti Dios a dandanin awaten dagiti namati kenkuana. Ta iti dayta a tiempo, saan pay a naited ti Espiritu, agsipud ta di pay naitan-ok ni Jesus.)

Dagiti Aramid 1:2

agingga iti aldaw a yuulina sadi langit. Sakbay ti yuulina babaen iti pannakabalin ti Espiritu Santo, binilinna dagiti pinilina nga apostoles.

Dagiti Aramid 1:4

Idi naguurnongda, imbilin ni Jesus kadakuada: “Dikayo pumampanaw ditoy Jerusalem, ta urayenyo ti inkari ti Ama kas imbagak kadakayo.

Dagiti Aramid 1:8

Ngem inton umay kadakayo ti Espiritu Santo, maikkankayto iti pannakabalin. Dakayto ti mangpaneknek iti maipapan kaniak idiay Jerusalem, iti entero a Judea ken Samaria, agingga iti amin a suli ti daga.”

Dagiti Aramid 11:16

Nalagipko ti kinuna ti Apo, ‘Namuniag ni Juan iti danum, ngem mabuniagankayto iti Espiritu Santo.’

Dagiti Aramid 13:2

Kabayatan ti panagdaydayawda iti Apo ken panagay-ayunarda, kinuna ti Espiritu Santo kadakuada, “Ilasinyo da Bernabe ken Saulo. Isuda ti pinilik a mangaramid iti trabaho a naituding kadakuada.”

Dagiti Aramid 13:4

Iti kasta, simmalog idiay Seleucia da Bernabe ken Saulo nga imbaon ti Espiritu Santo. Manipud sadiay, nagbarkoda a nagturong iti isla ti Chipre.

Dagiti Aramid 15:28

Ta inkeddeng ti Espiritu Santo, ken inkeddengmi met a saandakayo a padagsenan malaksid dagitoy nasken nga alagaden:

Dagiti Aramid 15:8

Ket ti Dios a makaammo iti pampanunoten ti amin, impakitana ti yaanamongna kadagiti Hentil babaen iti pannangtedna kadakuada iti Espiritu Santo a kas iti pannangtedna kadatayo.

Dagiti Aramid 16:6

Dinalliasatda ti sakup ti Frigia ken Galacia, ta saan a pinalubosan ida ti Espiritu Santo a mangikasaba iti mensahe iti probinsia ti Asia.

Dagiti Aramid 2:33

Naitan-ok iti makannawan ti Dios nga Amana ket inawatna kenkuana ti Espiritu Santo kas inkarina. Daytoy ti imbuyatna kas makitkita ken mangmangngegyo ita.

Dagiti Aramid 2:4

Iti kasta, napnoda amin iti Espiritu Santo ket nangrugida nga agsao iti nadumaduma a pagsasao, kas inted ti Espiritu kadakuada.

Dagiti Aramid 20:28

Annadanyo ngarud ti bagbagiyo ken ti amin nga arban nga impaaywan ti Espiritu Santo kadakayo. Wen, aywananyo ti iglesia ti Dios a ginatangna babaen iti dara ti Anakna.

Dagiti Aramid 20:35

Iti kastoy, impakitak kadakayo a babaen iti napasnek a panagtrabaho, masapul a tulongantayo dagiti nakapuy. Laglagipentayo ti kinuna ni Apo Jesus, ‘Nagasgasat ti mangted ngem ti umawat.’”

Dagiti Aramid 28:25

Pimmanawda ngarud nga agsusuppiat, kalpasan ti panagkuna ni Pablo iti daytoy: “Pudno unay ti panagsao ti Espiritu Santo kadagiti kapuonantayo babaen ken ni profeta Isaias.

Dagiti Aramid 5:3

Kinuna ni Pedro, “Ananias, apay a pinaiturayanka ken ni Satanas ket inulbodmo ti Espiritu Santo babaen iti panangilemmengmo iti dadduma a naglakoam?

Dagiti Aramid 7:51

“Nagtangken met ti uloyon! Kaskayo la agpuspuso a pagano! Anian a kinatulengyo iti mensahe ti Dios! Awan dumayo kadagiti kapuonanyo. Kanayon a sukirenyo met ti Espiritu Santo.

Dagiti Aramid 7:55

Ngem napno ni Esteban iti Espiritu Santo. Timmangad sadi langit ket nakitana ti dayag ti Dios ken ni Jesus nga agtaktakder iti makannawan ti Dios.

Taga-Roma 14:17

Ta ti Pagarian ti Dios saan a maipapan iti pannangan ken panaginum no di ket maipapan iti kinalinteg, kappia ken rag-o nga ited ti Espiritu Santo.

Taga-Roma 15:13

Sapay koma ta ti Dios a paggapuan ti namnama, punnoennakayo iti amin a rag-o ken talna iti pammatiyo kenkuana tapno dumakkel a dumakkel ti namnamayo iti pannakabalin ti Espiritu Santo.

Taga-Roma 15:16

kas adipen ni Cristo Jesus nga agtrabaho kadagiti Hentil. Agserbiak a kas padi a mangikaskasaba kadakuada ti Naimbag a Damag nga aggapu iti Dios, tapno agbalin dagiti Hentil a daton a makaay-ayo iti Dios, ken naidaton kenkuana babaen iti Espiritu Santo.

Taga-Roma 5:5

Saannatayo a paayen daytoy a namnama ta imbukbok ti Dios ti ayatna kadagiti pusotayo babaen iti Espiritu Santo a sagutna kadatayo.

1 Taga-Corinto 12:3

Kayatko a maammoanyo a ti tao nga idalan ti Espiritu ti Dios, dina mabalin a kuna, “Mailunod ni Jesus!” Awan ti makabalin nga agsao, “Ni Jesus ket Apo,” malaksid no idalan ti Espiritu Santo.

1 Taga-Corinto 6:19

Diyo kadi ammo a ti bagiyo ket templo ti Espiritu Santo? Diyo kadi ammo nga agtaeng kadakayo daytoy nga Espiritu nga inted ti Dios? Saanyo a kukua ti bagiyo, no di ket kukua ti Dios.

2 Taga-Corinto 6:6

Babaen iti kinadalus, pannakaammo iti pudno, kinaanus ken kinamanangngaasi, naipamatmatmin nga adipennakami ti Dios; babaen iti Espiritu Santo, babaen iti napudno nga ayatmi,

Taga-Efeso 1:13

Nagbalinkayo met a tattao ti Dios idi nangngegyo ti pudno a mensahe, ti Naimbag a Damag a nangyeg iti pannakaisalakanyo. Namatikayo ken Cristo ket minarkannakayo ti Dios babaen iti pannangtedna iti Espiritu Santo nga inkarina kas pakakitaan iti panangtagikuana kadakayo.

Taga-Efeso 1:17

ket idawdawatko iti nagloriaan nga Ama ken Dios ni Apotayo a Jesu-Cristo, nga itedna kadakayo ti Espiritu a mangted iti sirib ken mangiparangarang iti Dios kadakayo tapno maammoanyo ti pudno maipapan kenkuana.

Taga-Efeso 4:30

Ket diyo pagleddaangen ti Espiritu Santo ti Dios, ta isu ti marka ti Dios iti panangtagikuana kadatayo, maysa a pammatalged a dumtengto ti Aldaw a panangwayawaya ti Dios kadatayo.

1 Taga-Tesalonica 4:8

Ngarud, ti sumukir iti daytoy a pannursuro, saan a tao ti sukirenna, no di ket ti Dios a mangted kadakayo iti Espiritu Santona.

2 Timoteo 1:14

Babaen iti bileg ti Espiritu Santo nga agtaeng kadatayo, salluadam a naimbag dagiti natan-ok a banag a naitalek kenka.

Tito 3:5

insalakannatayo, saan a gapu iti aniaman a nasayaat nga inaramidtayo no di ket gapu iti asina kadatayo. Wen, naisalakantayo babaen iti panangugasna iti danum, ket gapu iti daytoy, naipasngaytay iti baro a biag babaen iti Espiritu Santo.

Hebreo 10:15

Paneknekan met daytoy kadatayo ti Espiritu Santo. Umuna, kunana:

Hebreo 2:4

Kasta met nga innayon ti Dios ti pammaneknekna babaen kadagiti inaramidna a datdatlag ken nakaskasdaaw a pagilasinan ken kadagiti nadumaduma a kita ti milagro. Nagibunong pay kadagiti sagsagut ti Espiritu Santo kas mayannurot iti pagayatanna.

Hebreo 3:7

Ngarud, kas kuna ti Espiritu Santo: “Ita nga aldaw, no mangngegyo ti timek ti Dios,

Hebreo 9:8

Silalawag nga impaawat ti Espiritu Santo babaen kadagitoy a pagannurotan a saan pay a naluktan ti dalan nga agturong iti Kasasantoan a Disso, bayat ti kaadda pay laeng ti akinruar a paset ti tabernakulo.

1 Pedro 1:12

Impakaammo ti Dios kadagitoy a profeta a saan nga agpaay a pagimbaganda dagiti ar-aramidenda no di ket agpaay a pagimbaganyo. Naibagan kadakayo ti maipapan kadagitoy a bambanag. Impakaammo ida dagiti nangikasaba iti Naimbag a Damag, isuda nga indalan ti Espiritu Santo a naibaon manipud langit. Dagitoy dagiti bambanag a kayat a maawatan uray pay dagiti angheles.

2 Pedro 1:21

Ta awan a pulos ti padto a nagtaud iti nakem ti tao. Indalan ketdi ti Espiritu Santo dagiti tattao nga agsao iti mensahe ti Dios.

1 Juan 2:20

Ngem addan kadakayo ti Espiritu Santo nga inted ni Cristo, isu nga ammoyo amin ti pudno.

1 Juan 2:27

Ngem no maipapan kadakayo, agtalinaed ti Espiritu nga inted ni Cristo ket saanyon a masapul ti sabali a mangisuro. Ta ti Espirituna ti mangisuro kadakayo iti amin. Pudno ti isurona, saan a kinaulbod. Ngarud, kas mayannurot iti pannursurona, agtalinaedkayo ken ni Cristo.

1 Juan 5:7

Tallo ti mangpaneknek:

San Judas 1:20

Ngem dakayo, ay-ayatek a gagayyem, pumigsakayo iti nasantoan a pammatiyo. Agkararagkayo babaen iti pannakabalin ti Espiritu Santo.

Paltiing 2:11

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, malisiannanto ti maikadua nga ipapatay.”