San Juan 14:23 - Ti Baro a Naimbag a Damag Biblia

²³ “Ti agayat kaniak, tungpalennanto dagiti saok,” insungbat ni Jesus. “Ayatento ni Amak, ket siak ken ti Ama umaykamto agtaeng kenkuana.

Ti Biblia (1973)

²³ Simmungbat ni Jesus, ket kinunana kencuana: No adda agayat caniac, salimetmetannanto ti saoc ket ni Amac ayatennanto, ket umaycamto kencuana, ket makipagiancamto kencuana.

San Juan 14:23 Iomraidhean Croise

Genesis 1:26

Kalpasanna, kinuna ti Dios, “Ita, aramidentayo ti tao. Umaspingdanto kadatayo, ket kalanglangatayto ida. Iturayandanto dagiti ikan, dagiti tumatayab, ken amin nga animal a naamo ken naatap, dadakkel ken babassit.”

Genesis 11:7

Bumabatayo ket kirokiroentayo ti pagsasaoda tapno dida agkikinnaawatan.”

Dagiti Salmo 90:1

Sika, O Apo, ti nagkamanganmi iti amin a kaputotan.

Dagiti Salmo 91:1

Ti agnaed iti salinong ti Kangatoan ken iti pannalaknib ti Mannakabalin-amin,

Isaias 57:15

“Siak ti nangato ken Nasantoan a Dios nga agbiag iti agnanayon. Agnaedak iti nangato ken nasantoan a lugar ngem makipagnaedak met kadagiti tattao a napakumbaba ken nakakaasi, tapno mapasublik ti panagtalek ken namnamada.

San Juan 10:30

Siak ken ti Ama, maymaysakami.”

San Juan 14:15

Intuloy ni Jesus ti nagsao: “No ayatendak, tungpalenyo dagiti bilbilinko.

San Juan 14:17

Isu ti Espiritu a mangipakaammo iti kinapudno maipapan iti Dios. Saan a mabalin nga awaten ti lubong daytoy nga Espiritu, agsipud ta saanna a makita wenno am-ammo. Ngem am-ammoyo, ta agtaeng kadakayo ket adda kadakayo.

San Juan 14:21

“Ti umawat ken mangtungpal kadagiti bilbilinko, isu ti agayat kaniak. Ti agayat kaniak, ayatento ni Amak; ayatekto met ken agparangakto kenkuana.”

San Juan 14:24

Ti di agayat kaniak, dina tungpalen dagiti saok. Saan a nagtaud kaniak ti sao a nangngegyo, no di ket naggapu iti Ama a nangibaon kaniak.

San Juan 15:10

Kas iti panangtungpalko kadagiti bilbilin ni Amak ket agtaengak iti ayatna, agtalinaedkayo met iti ayatko no tungpalenyo dagiti bilbilinko.

San Juan 16:27

Ay-ayatennakayo a mismo ti Ama, agsipud ta ay-ayatendak ken patienyo a naggapuak iti Dios.

San Juan 6:56

Ti mangan iti lasagko ken uminum iti darak agtaeng kaniak, ket agtaengak met kenkuana.

San Juan 8:51

Ibagak ti pudno kadakayo: Dinto matay ti siasinoman a mangtungpal iti saok.”

San Juan 8:52

“Ita, mapnekkamin nga adda demoniom!” kinuna dagiti Judio. “Natay ni Abraham kasta met dagiti profeta, ngem kunam a dinto matay ti siasinoman a mangtungpal iti saom.

2 Taga-Corinto 6:16

Kasano nga agkappia ti templo ti Dios ken dagiti didiosen? Ta datayo ti templo ti sibibiag a Dios. Kas kuna ti mismo a Dios: “Agyanakto iti sidongda ket makipagnaedakto kadakuada, Siakto ti Diosda ket isudanto dagiti tattaok.”

Taga-Efeso 3:17

Agnaed koma a kanayon ni Cristo iti pusoyo babaen iti pammatiyo kenkuana. Ikararagko a mairamut ken maipasdekkayo iti ayat

1 Juan 2:24

Ngarud, italimengyo iti pusoyo ti nangngegyo manipud idi damo. No salimetmetanyo daytoy a mensahe, awan duadua a makipagtaengkayo nga agnanayon iti Anak ken iti Ama,

1 Juan 2:5

Ngem ti mangtungpal iti sao ti Dios, ipakitana a naan-anay ti ayatna iti Dios. Ti pakapnekan nga agbibiagtayo iti Dios isu daytoy:

1 Juan 4:4

Ngem kukuanakayo ti Dios, annakko, ket naparmekyon dagiti sinan-profeta, agsipud ta nabilbileg ti Espiritu nga adda kadakayo ngem ti espiritu nga adda kadagiti taga-lubong.

1 Juan 5:3

Ta no ayatentayo ti Dios, kayatna a sawen a tungpalentayo dagiti bilbilinna. Saan a narigat a tungpalen dagiti bilbilinna,

2 Juan 1:6

Ti kaipapanan ti ayat a sarsaritaek isu ti panagtungpal kadagiti bilbilin ti Dios. Ti bilin a nangngegyo amin manipud idi damo isu daytoy: Agbiagkayo iti ayat.

Paltiing 21:22

Nadlawko nga awan templo iti siudad agsipud ta ni Apo Dios a Mannakabalin-amin ken ti Kordero ti pannakatemplona.

Paltiing 21:3

Nakangngegak iti napigsa a timek a naggapu iti trono. Kunana: “Agnaeden ti Dios iti sidong dagiti tattao! Makipagtaengto kadakuada ket isudanto ti ilina. Kaduadanto ti Dios, ket isunto ti Diosda.

Paltiing 22:3

Awan sadiay ti aniaman nga inlunod ti Dios. Masarakan iti siudad ti trono ti Dios ken ti Kordero ket agdaydayawto kenkuana dagiti adipenna.