San Juan 14:21 - Ti Baro a Naimbag a Damag Biblia

²¹ “Ti umawat ken mangtungpal kadagiti bilbilinko, isu ti agayat kaniak. Ti agayat kaniak, ayatento ni Amak; ayatekto met ken agparangakto kenkuana.”

Ti Biblia (1973)

²¹ Ti addaan cadagiti bilbilinco ket tungpalenna, ida isu dayta ti agayat caniac, ket ti agayat caniac, ayatento ni Amac, ken isu ayatecto, ket agparangacto kencuana.

San Juan 14:21 Iomraidhean Croise

2 Ar-ari 18:6

Napudno ken ni Yahweh ket pulos a di nagsukir kenkuana; saanna a sinalungasing dagiti bilin nga inted ni Yahweh ken ni Moises.

Dagiti Salmo 35:27

Agdir-i koma a sirarag-o iti mamin-adu dagiti maragsakan iti pannakawayawayak. Kunada koma, “Naindaklan ti Apo; agragsak iti panagballigi ti adipenna!”

Exodo 33:18

Indawat ni Moises, “Pangngaasim ta ipakitam kaniak ti makasisirap a lawag a pagilasinan ti kaaddam.”

Dagiti Proverbio 8:17

Ay-ayatek dagiti agayat kaniak, masarakannak ti mangsapul kaniak.

Jeremias 31:31

Kuna ni Yahweh, “Dumtengen ti tiempo a mangaramidak iti baro a katulagak kadagiti Israelita ken kadagiti tattao ti Juda.

Sofonias 3:17

Adda ti Apo a Diosmo iti dennam; ti bilegna ti mangted kenka iti balligi. Agrag-onto ket sika ti pagragsakanna, Ikkannakanto iti baro a biag ta ay-ayatennaka. Agkantanto a siraragsak gapu kenka,

San Lucas 11:28

“Wen, ngem nagasgasat pay dagiti dumngeg ken mangtungpal iti sao ti Dios!” insungbat ni Jesus.

San Juan 14:15

Intuloy ni Jesus ti nagsao: “No ayatendak, tungpalenyo dagiti bilbilinko.

San Juan 14:18

“Inton pumanawak, saankayto a panawan a kasla ulila. Agsubliakto met laeng kadakayo.

San Juan 15:14

Ket dakayo dagiti gagayyemko no tungpalenyo ti ibilinko.

San Juan 16:14

Itan-oknakto, ta idanonnanto ti kayatko nga ibaga kadakayo.

San Juan 16:27

Ay-ayatennakayo a mismo ti Ama, agsipud ta ay-ayatendak ken patienyo a naggapuak iti Dios.

San Juan 17:23

Addaak kadakuada ket addaka kaniak tapno naan-anay ti panagmaymaysada. Iti kasta, maammoan ti lubong nga imbaonnak ken kasta met nga ay-ayatem ida a kas iti panagayatmo kaniak.

Dagiti Aramid 22:18

Nagparang idi ti Apo ket kinunana, ‘Darasem! Pumanawka a dagus ditoy Jerusalem; saan nga awaten dagiti tattao ditoy ti pammaneknekmo maipapan kaniak.’

2 Taga-Corinto 12:8

Namitlo a nagdawatak iti Apo nga ikkatenna kaniak daytoy.

2 Taga-Corinto 3:18

Ngarud, datayo amin nga awan abbong ti rupana, ipakitatayo ti dayag ti Apo. Balbaliwannatayo dayta met laeng a dayag nga aggapu iti Apo nga isu ti Espiritu tapno umaspingtayo kenkuana iti naranraniag pay a dayag.

2 Taga-Corinto 4:6

Ti Dios a nagkuna, “Agraniag ti silaw manipud iti kasipngetan!” ket isu met laeng ti Dios a nangted iti silawna kadagiti pusomi tapno maammoanmi ti dayag ti Dios iti rupa ni Cristo.

Deuteronomio 11:13

“No pudno a tungpalenyo dagiti imbilinko kadakayo ita nga aldaw; no ayatenyo ti Apo a Diosyo ken agserbikayo kenkuana iti amin a puso ken kararuayo,

Deuteronomio 7:13

Ayaten, bendisionan ken paaduennakayto; paraburannakayto iti nawadwad nga apit, arak ken lana ti olibo. Ket bendisionannakayto babaen iti pannangtedna kadakayo iti adu a baka ken karnero. Ipaaynanto kadakayo amin dagitoy a parabur iti daga nga inkarina kadagidi kapuonanyo.

2 Taga-Tesalonica 2:16

Sapay koma ta ni Apotayo a Jesu-Cristo a mismo ken ti Dios nga Amatayo, a nagayat ken mangted kadatayo iti agnanayon a tured ken nasayaat a namnama babaen iti paraburna,

2 Timoteo 4:22

Sapay koma ta adda ti Apo iti espiritum. Sapay koma ta adda kadakayo amin ti parabur ti Dios.

1 Juan 2:5

Ngem ti mangtungpal iti sao ti Dios, ipakitana a naan-anay ti ayatna iti Dios. Ti pakapnekan nga agbibiagtayo iti Dios isu daytoy:

1 Juan 3:1

Kitaenyo no kasano ti kadakkel ti panagayat ti Ama kadatayo! Wen, kasta unay ti panagayatna kadatayo ta maawagantayo nga annak ti Dios, ket pudno a kastatayo. Dinatayo bigbigen ti lubong agsipud ta dina binigbig ti Dios.

1 Juan 5:3

Ta no ayatentayo ti Dios, kayatna a sawen a tungpalentayo dagiti bilbilinna. Saan a narigat a tungpalen dagiti bilbilinna,

2 Juan 1:6

Ti kaipapanan ti ayat a sarsaritaek isu ti panagtungpal kadagiti bilbilin ti Dios. Ti bilin a nangngegyo amin manipud idi damo isu daytoy: Agbiagkayo iti ayat.

Paltiing 2:17

“No adda pannakaawatyo, denggenyo ngarud ti kuna ti Espiritu kadagiti iglesia: “Ti agballigi, ikkakto iti naidulin a taraon. Ikkakto pay ti tunggal maysa iti puraw a bato a nakaimalditan ti baro a nagan nga awan ti makaammo malaksid ti umawat.”

Paltiing 22:14

Nagasat dagiti mangdalus kadagiti kawesda ta maikkanda iti kalintegan a sumrek iti siudad ken mangan iti bunga ti puon ti kayo a mangted iti biag.

Paltiing 3:20

Denggem, addaak nga agtatakder iti ruar ket agtuktuktokak iti ruangan. No adda makangngeg iti timekko ket luktanna ti ruangan, sumrekakto iti balayna ket agkalanglangkamto a mangan.