San Juan 14:2 - Ti Baro a Naimbag a Damag Biblia

² Adu ti kuarto idiay balay ni Amak, ket innak mangisagana iti pagyananyo. Diak koma ibaga daytoy kadakayo no saan a pudno.

Ti Biblia (1973)

² Idiay balay ni Amac adda adu a pagianan: no coma no saan a casta, kinunac coma cadacayo, ta innac isaganaancayo ti pagianan.

San Juan 14:2 Iomraidhean Croise

San Lucas 14:22

“Iti saan a nabayag, kinuna ti adipen, ‘Apo, natungpal ti bilinmo ngem adu pay laeng ti pagyanan.’

San Juan 13:33

Annakko, bassit laengen a tiempo ti kaaddak kadakayo. Sapulendakto, ket kas iti imbagak kadagiti agtuturay a Judio, kunak met ita kadakayo, ‘Dikay makaumay iti papanak.’

San Juan 13:36

“Apo,” sinaludsod ni Simon Pedro ken ni Jesus, “sadino ti papanam?” “Dimo mabalin ita ti sumurot kaniak, ngem sumurotkanto met laeng,” insungbat ni Jesus.

San Juan 14:28

Nangngegyo ti imbagbagak kadakayo a pumanawak ngem agsubliakto met laeng kadakayo. No inay-ayatdak, agragsakkayo koma ta mapanak iti Ama, ta natantan-ok ti Ama ngem siak.

San Juan 16:4

Ngem imbagak daytoy kadakayo tapno inton dumteng ti tiempo a panangaramidda kadagitoy, malagipyonto a naisaokon kadakayo.” “Diak insigsigud nga imbaga dagitoy kadakayo, agsipud ta addaak pay idi kadakayo.

San Juan 17:24

“Ama, intedmo ida kaniak, ket kayatko a no sadinoman ti ayanko, addada met koma sadiay tapno makitada ti dayagko. Wen, ti dayag nga intedmo kaniak, ta inayatnak sakbay a naparsua ti lubong.

Dagiti Aramid 9:16

Ipakitakto kenkuana dagiti amin a masapul a sagabaenna gapu kaniak.”

2 Taga-Corinto 5:1

Ammomi nga inton marakrak daytoy kalapaw a pagnaedantayo, nga isu ti bagitayo ditoy daga, addanto balay nga ited ti Dios a pagnaedantayo idiay langit, balay nga isu a mismo ti nangaramid ken agpaut iti agnanayon.

1 Taga-Tesalonica 5:9

Saannatay a pinili ti Dios tapno agsagabatayo iti pungtotna, no di ket tapno magun-odtayo ti pannakaisalakan babaen ken ni Apotayo a Jesu-Cristo

Hebreo 11:10

Ta paspasungaden idi ni Abraham ti siudad a binangon ken inaramid ti Dios—ti siudad a nabangon iti mataginayon a fondasion.

Hebreo 13:14

Ta awan ti permanente a siudadtayo ditoy daga. Birbirokentayo ti maysa a siudad nga umayto iti masakbayan.

Hebreo 6:20

Tapno matulongannatayo, immun-una ni Jesus ngem datayo a simrek sadiay agsipud ta nagbalin a Kangatoan a Padi iti agnanayon a kas ken ni Melkisedec a padi.

Hebreo 9:8

Silalawag nga impaawat ti Espiritu Santo babaen kadagitoy a pagannurotan a saan pay a naluktan ti dalan nga agturong iti Kasasantoan a Disso, bayat ti kaadda pay laeng ti akinruar a paset ti tabernakulo.

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.

Paltiing 21:2

Ket nakitak ti Nasantoan a Siudad, ti baro a Jerusalem, a bumabbaba manipud langit nga aggapu iti Dios, a kas iti babai a nakawesan nga agkasar ken mangpadpadaan iti lalaki a mangikallaysa kenkuana.

Paltiing 3:12

“Ti agballigi, pagbalinekto a maysa kadagiti adigi iti templo ti Diosko, ket agyanto sadiay iti agnanayon. Ikitikitkonto kenkuana ti nagan ti Diosko ken ti nagan ti siudad ti Diosko, ti baro a Jerusalem a bumabanto manipud langit ken aggapu iti Diosko. Ikitikitkonto met kenkuana ti baro a naganko.

Paltiing 3:21

“Ti agballigi, ikkakto iti kalintegan nga agtugaw iti dennak iti tronok, kas kaniak a nagballigi, ket ita, agtugtugawak iti abay ni Amak iti tronona.