San Juan 14:13 - Ti Baro a Naimbag a Damag Biblia

¹³ Aramidekto ti aniaman a dawatenyo iti naganko tapno maitan-ok ti Ama babaen iti Anak.

Ti Biblia (1973)

¹³ Ket ti aniaman a dawatenyonto iti naganco, dayta ti aramidecto, tapno ni Ama maidaydayaw iti Anac.

San Juan 14:13 Iomraidhean Croise

San Mateo 21:22

No adda pammatiyo, awatenyonto ti aniaman a dawatenyo iti kararagyo.”

San Mateo 7:7

“Agdawatkayo ket maikkankayto; agsapulkayo ket makabirokkayto; agtuktokkayo ket mailukatto ti ruangan kadakayo.

San Marcos 11:24

Gapu iti daytoy, ibagak kadakayo: Tunggal agkararagkayo ket adda dawatenyo, patienyo a naawatyon, ket maitedto ti aniaman a dawatenyo.

San Lucas 11:9

“Ibagak ngarud kadakayo: Agdawatkayo ket maikkankayto. Agsapulkayo ket makabirokkayto. Agtugtogkayo ket mailukatto kadakayo ti ruangan.

San Juan 10:30

Siak ken ti Ama, maymaysakami.”

San Juan 12:44

Kinuna ni Jesus iti napigsa a timek, “Ti mamati kaniak, saan la a sisiak ti patienna, no di pay ket ti nangibaon kaniak.

San Juan 13:31

Kalpasan ti ipapanaw ni Judas, kinuna ni Jesus, “Ita, dandanin maitan-ok ti Anak ti Tao, ket maitan-ok met ti Dios kenkuana.

San Juan 14:14

Aniaman a dawatenyo iti naganko, aramidekto.”

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

San Juan 15:16

Saan a dakayo ti nangpili kaniak, no di ket siak ti nangpili kadakayo. Imbaonkayo a mapan ken agbunga iti adu, ket manayon koma ti bungayo. Iti kasta, itedto ti Ama kadakayo ti aniaman a dawatenyo kenkuana iti naganko.

San Juan 15:7

No agtaengkayo kaniak, ket agtaeng dagiti saok kadakayo, dawatenyo ti aniaman a kayatyo, ket maitedto kadakayo.

San Juan 16:23

“Inton dumteng dayta nga aldaw, saanton a siak ti pagdawatanyo. Ibagak ti pudno kadakayo: Ited ti Ama ti aniaman a dawatenyo kenkuana iti naganko.

San Juan 16:26

Inton dumteng dayta nga aldaw, agdawatkayto kenkuana iti naganko. Diak ibaga nga idawdawatankayto kenkuana.

San Juan 16:7

Ngem ibagak ti pudno kadakayo: Pagimbaganyo met laeng no pumanawak, ta no diak pumanaw, dinto umay kadakayo ti Mammagbaga. Ngem no pumanawak, ibaonkonto kadakayo.

San Juan 4:10

“No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum,” insungbat ni Jesus.

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

San Juan 5:19

Isut' gapuna a kinuna ni Jesus kadakuada, “Ibagak ti pudno kadakayo: Awan ti maaramid ti Anak a bukbukodna, no di laeng ti makitana nga ar-aramiden ti Ama. Ta ti aniaman nga aramiden ti Ama, aramiden met ti Anak.

San Juan 7:37

Iti maudi ken kangrunaan nga aldaw ti fiesta, nagtakder ni Jesus ket kinunana iti napigsa a timek, “Ti siasinoman a mawaw, umay kaniak tapno uminum.

1 Taga-Corinto 14:13

Ngarud, ti tao nga agsao iti karkarna a pagsasao, nasken nga agdawat iti pannakabalin a mangilawlawag iti kayatna a sawen.

Taga-Efeso 2:18

Gapu ken Cristo, mabalintay amin ti umasideg iti Ama, Judio man wenno Hentil, babaen iti maymaysa nga Espiritu.

Taga-Efeso 3:12

Gapu iti pannakipagmaymaysatayo kenkuana ken gapu ta agtalektayo kenkuana, saantayo nga agbuteng nga umasideg a sitatalged iti sangoanan ti Dios.

Taga-Efeso 3:14

Daytoy ti gapuna nga agparintumengak iti sangoanan ti Ama a paggapuan ti pudno a nagan ti tunggal familia sadi langit ken ditoy daga.

Taga-Filipos 4:13

Kabaelak a sarangten ti aniaman a banag babaen iti pannakabalin nga ited kaniak ni Cristo.

Taga-Colosas 3:17

Ngarud, amin nga aramiden ken sawenyo, aramidenyo iti nagan ni Apo Jesus. Agyamankayo iti Dios Ama babaen kenkuana.

Hebreo 13:15

Ngarud, masapul a kanayon nga agdaydayawtayo iti Dios a kas datontayo kenkuana babaen ken ni Jesus—ti daton nga agtaud iti bibig no ipakaammotayo ti dayag ti naganna.

Hebreo 4:15

Maawatan ti Kangatoan a Padi nga agserserbi kadatayo ti kinakapuytayo. Kas kadatayo, napadas iti amin a kita ti sulisog ngem saan a nagbasol.

Hebreo 7:25

Isut' gapuna a kabaelanna nga isalakan dagiti umasideg iti Dios babaen kenkuana agsipud ta agbiag nga agnanayon a mangibabaet kadakuada iti Dios.

Santiago 1:5

Ngem no agkurang ti siasinoman kadakayo iti kinasirib, agkararag koma iti Dios ket maikkanto. Ngamin, managparabur ti Dios ken siaayat a mangted kadagiti amin a tattao.

Santiago 5:16

Ngarud, ipudnoyo dagiti basbasolyo iti tunggal maysa. Ikarkararaganyo ti tunggal maysa tapno maagasankayto. Adda nabileg a pannakabalin a parnuayen ti kararag ti nalinteg a tao.

1 Pedro 2:5

Umasidegkayo a kas sibibiag a batbato a maaramat iti pannakabangon ti naespirituan a templo. Agserbikayo a kas nasantoan a papadi a mangipaay iti daton a naespirituan ken makaay-ayo iti Dios babaen ken Jesu-Cristo.

1 Juan 3:22

Ikkannatayo iti aniaman a dawatentayo, agsipud ta tungpalentayo dagiti bilbilinna ken aramidentayo ti pakaragsakanna.

1 Juan 5:14

Ditayo bumdeng nga umasideg iti Dios agsipud ta ammotayo nga itedna ti aniaman a dawatentayo no la ket mayannurot iti pagayatanna.