San Juan 14:10 - Ti Baro a Naimbag a Damag Biblia

¹⁰ Dimo kad patien nga addaak iti Ama ket ti Ama adda kaniak? Saan a naggapu kaniak dagiti insaok kadakayo. Ti Ama nga agtaeng kaniak, aramidenna dagiti aramidna.

Ti Biblia (1973)

¹⁰ Dica patien aya nga addaac ken Ama ket ni Ama adda caniac? Dagiti sao a saoec cadacayo, saanco a saoen a sisiac: ngem ni Ama idinto nga adda caniac: aramidenna dagiti aramidna.

San Juan 14:10 Iomraidhean Croise

San Juan 10:30

Siak ken ti Ama, maymaysakami.”

San Juan 10:38

Ngem no aramidek ida, uray no didak patien, patienyo koma dagiti ar-aramidko tapno mapaneknekanyo nga adda ti Ama kaniak, ket addaak iti Ama.”

San Juan 11:26

Ket ti siasinoman nga agbiag ken mamati kaniak, pulos a dinto matay. Patiem daytoy?”

San Juan 12:49

Wen, ta diak nagsao iti bukbukodko a turay no di ket imbilin ti Ama a nangibaon kaniak no ania ti sawek ken ibagak.

San Juan 14:11

Mamatikayo nga addaak iti Ama ket adda met ni Ama kaniak; no saan, mamatikayo gapu kadagitoy nga aramid.

San Juan 14:20

Inton dumteng dayta nga aldaw, maammoanyonto nga addaak ken ni Amak, ket addakayo met kaniak, kas iti kaaddak kadakayo.

San Juan 14:24

Ti di agayat kaniak, dina tungpalen dagiti saok. Saan a nagtaud kaniak ti sao a nangngegyo, no di ket naggapu iti Ama a nangibaon kaniak.

San Juan 17:8

Intedko kadakuada ti mensahe nga intedmo kaniak, ket inawatda. Ammoda a pudno a naggapuak kenka ket patienda nga imbaonnak.

San Juan 3:2

Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

San Juan 5:17

Kinuna ni Jesus kadakuada, “Agtartrabaho ni Amak agingga ita, ket masapul met nga agtrabahoak.”

San Juan 5:19

Isut' gapuna a kinuna ni Jesus kadakuada, “Ibagak ti pudno kadakayo: Awan ti maaramid ti Anak a bukbukodna, no di laeng ti makitana nga ar-aramiden ti Ama. Ta ti aniaman nga aramiden ti Ama, aramiden met ti Anak.

San Juan 7:16

“Saanko a bukod a pannursuro ti isursurok, no di ket agtaud iti Dios a nangibaon kaniak,” insungbat ni Jesus.

San Juan 8:28

Iti kasta, kinuna ni Jesus kadakuada, “Inton maibayogyo ti Anak ti Tao, maammoanyonton a ‘Siak’ ti ibagbagak. Kasta met nga awan ti aramidek a sisiak, ngem sawek laeng ti insuro kaniak ti Ama.

San Juan 8:38

Sawek dagiti impakita kaniak ni Amak, ngem dakayo, aramidenyo dagiti insuro kadakayo ni amayo.”

San Juan 8:40

Awan ti inaramidko no di imbagak laeng kadakayo ti pudno a nangngegko iti Dios. Nupay kasta, kayatdak a papatayen. Awan ti kasta nga inaramid ni Abraham.

Dagiti Aramid 10:38

“Ammoyo ti maipapan ken ni Jesus a taga-Nazaret, ken ti panangkonsagrar ti Dios kenkuana babaen iti pannangtedna kenkuana iti Espiritu Santo ken pannakabalin. Iti sadinoman a lugar a napanan ni Jesus, nagar-aramid iti naimbag ken nangpapaimbag kadagiti pinarparigat ti Diablo, gapu ta adda kenkuana ti Dios.

2 Taga-Corinto 5:19

Daytoy ti mensahemi: Nakikappia ti Dios iti amin a tattao babaen ken ni Cristo. Saan nga imbilang ti Dios dagiti basolda a maibusor kadakuada ket intalekna kadakami ti mensahe a mangibaga no kasano ti pannakikappiana kadakuada.

Taga-Colosas 1:19

Ta inkeddeng ti Dios nga agtaeng ti naan-anay a galadna iti Anak.

Taga-Colosas 2:9

Ngamin, agtaeng ken Cristo a kas tao ti amin a galad ti Dios,

1 Juan 5:7

Tallo ti mangpaneknek: