San Juan 13:8 - Ti Baro a Naimbag a Damag Biblia

⁸ Kinuna ni Pedro, “Uray kaano, dimonto buggoan dagiti sakak!” “No diak buggoan dagiti sakam, saankan a maibilang nga adalak,” insungbat ni Jesus.

Ti Biblia (1973)

⁸ Cuna kencuana ni Pedro: Uray caano dicanto buggoan dagitoy sacsacac. Ni Jesus simmungbat kencuana: No saanca a buggoan, awanto ti pannacabagim canian.

San Juan 13:8 Iomraidhean Croise

Genesis 42:38

Ngem kinuna ni Jacob, “Saan a mabalin a kumuyog kadakayo ti anakko. Natayen ti kabsatna ket isu laengen ti nabati. Iti daytoy a kinalakayko, matayak la ketdi iti ladingit no adda mapasamak kenkuana iti dalan.”

2 Samuel 20:1

Nairana nga adda idiay Gilgal ti maysa a tao nga awan dayawna. Isu ni Siba a nagtaud iti tribu ti Benjamin ken anak ni Bikri. Pinagunina ti trumpeta ket impukkawna, “Agawidtayon, padak nga Israelita! Awan bingaytayo ken ni David. Awan tawidtayo iti anak ni Jesse!”

1 Ar-ari 12:16

Idi mabigbig dagiti tattao a saan nga ipangag ti ari ida, inyikkisda, “Marpuog koma ni David ken ti familiana! Ania kadi ti naipaayda kadatayo? Agawidtayon, tattao ti Israel! Bay-anyo a ni Rehoboam ti makaammo iti bagbagina!” Nagawid ngarud dagiti Israelita.

Dagiti Salmo 51:2

Ugasam a mamimpinsan ti kinadakesko, ket dalusannak kadagiti basbasolko!

Dagiti Salmo 51:7

Ugasannak iti basolko tapno nadalusak; buggoannak ket napudpudawakto ngem kapas.

Isaias 4:4

Usarento ni Yahweh ti pannakabalinna a mangukom ken mangdalus iti nasion ket mapakawan ti basol ti Jerusalem ken maikkat ti dara a naibuyat sadiay.

Ezekiel 36:25

Warsiankayto iti nadalus a danum ket madalusankayto iti amin nga didiosen ken amin a nangtulaw kadakayo.

Zacarias 13:1

Kuna ni Yahweh a Mannakabalin-amin, “Inton dumteng dayta a tiempo, addanto ubbog a maluktan nga agpaay kadagiti kaputotan ni David ken dagiti tattao iti Jerusalem tapno maugasan ti basol ken kinarugitda.

San Mateo 16:22

Inyadayo bassit ni Pedro ni Jesus sana binabalaw. “Apo, saan koma a kasta ti sasawem,” kinunana. “Saanto a maaramid kenka dayta.”

San Mateo 21:29

“‘Diak kayat,’ kinuna ti anak, ngem kalpasanna, nagbabawi ket napan met laeng.

San Mateo 26:33

“Uray panawandakanto amin,” kinuna ni Pedro, “dikanto panawan.”

San Mateo 26:35

“Uray matayak a mairaman kenka,” insungbat ni Pedro, “pulos a dikanto ilibak.” Kasta met ti kinuna dagiti amin nga adalan.

San Juan 13:6

Idi dumanon ni Jesus ken ni Simon Pedro, kinuna ni Pedro, “Apo, buggoam aya dagiti sakak?”

San Juan 13:9

“Apo,” kinuna ni Simon Pedro, “saan la ngarud a dagitoy sakak ti buggoam. Buggoam pay dagiti imak ken ti ulok!”

San Juan 3:5

“Ibagak kenka ti pudno,” insungbat ni Jesus. “Awan ti makastrek iti Pagarian ti Dios malaksid no mayanak iti danum ken iti Espiritu.

Dagiti Aramid 22:16

Ket ita, ania pay la ti urayem? Tumakderka. Awagam ti naganna ket pabuniaganka ken dawatem ti pannakapakawan dagiti basbasolmo.’”

1 Taga-Corinto 6:11

Kasta ti sumagmamano kadakayo idi. Ngem naugasankayon iti basol, naidatonkayon iti Dios, napalintegkayon iti imatang ti Dios babaen iti nagan ni Apotayo a Jesu-Cristo ken babaen iti Espiritu ti Diostayo.

Taga-Efeso 5:26

Inaramidna daytoy tapno pasantoenna ti iglesia iti Dios babaen iti panangugasna iti danum ken saona,

Deuteronomio 12:12

Agraragsakkayto sadiay iti imatangna, dakayo ken dagiti annakyo, dagiti adipenyo agraman dagiti Levita nga agnaed iti iliyo. Laglagipenyo nga awan ti naited a daga dagiti Levita.

Taga-Colosas 2:18

Diyo ipalubos nga adda mangsaur kadakayo iti gunggonayo, isu a mangibagbaga nga ad-adda a nangnangruna ngem dagiti dadduma gapu kadagiti parmatana ken mangipapilit iti panagimpapakumbaba ken iti panagdayaw kadagiti angheles. Napalangguad nga awan gapuna ti kasta a tao. Nailubongan ti panagpampanunotna.

Taga-Colosas 2:23

Agpayso a kasla naibatay iti kinasirib dagitoy nga annuroten: inkapilitan a panagdayaw kadagiti angheles, panagimpapakumbaba, ken nakaro a panangparigat iti bagi. Ngem awan serserbida ta dida kabaelan a tenglen ti panaggartem ti bagi.

Tito 3:5

insalakannatayo, saan a gapu iti aniaman a nasayaat nga inaramidtayo no di ket gapu iti asina kadatayo. Wen, naisalakantayo babaen iti panangugasna iti danum, ket gapu iti daytoy, naipasngaytay iti baro a biag babaen iti Espiritu Santo.

Hebreo 10:22

Umasidegtayo ngarud iti Dios iti napudno a puso ken natalged a pammati. Wen, umasidegtayo a nadalus ti pusotayo—nadalusan iti dakes a konsensia—ken ti bagitayo a naugasan iti nadalus a danum.

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.

Paltiing 7:14

“Diak ammo, apo! Sika ti makaammo,” insungbatko. Kinunana kaniak: “Isuda dagiti nakalasat iti napalalo a pannakaidadanes. Linabaanda dagiti pagan-anayda ket pinapudawda ida babaen iti dara ti Kordero.