San Juan 13:31 - Ti Baro a Naimbag a Damag Biblia

³¹ Kalpasan ti ipapanaw ni Judas, kinuna ni Jesus, “Ita, dandanin maitan-ok ti Anak ti Tao, ket maitan-ok met ti Dios kenkuana.

Ti Biblia (1973)

³¹ Idi ngarud rimmuaren, cuna ni Jesus: Ita maidaydayaw ti Anac ti tao, ket ti Dios maidaydayaw kencuana;

San Juan 13:31 Iomraidhean Croise

San Mateo 8:20

Simmungbat ni Jesus kenkuana, “Adda rukib dagiti musang, ken adda umok dagiti tumatayab, ngem awan pagiddaan ken paginanaan ti Anak ti Tao.”

San Lucas 12:50

Adda buniag a masapul nga awatek, ket anian a dukotko agingga a di matungpal.

San Juan 11:4

Idi mangngeg ni Jesus daytoy, kinunana, “Saan nga ipatay ni Lazaro ti sakitna. Maaramid daytoy tapno maidaydayaw ti Dios, ket isunto met ti pakaidayawan ti Anak ti Dios.”

San Juan 12:23

Kinuna ni Jesus kadakuada, “Dimtengen ti oras a maitan-ok ti Anak ti Tao.

San Juan 12:28

O Ama, itan-okmo ti naganmo!” Ket kinuna ti maysa a timek a naggapu sadi langit, “Intan-okkon, ket itan-okkonto manen!”

San Juan 14:13

Aramidekto ti aniaman a dawatenyo iti naganko tapno maitan-ok ti Ama babaen iti Anak.

San Juan 16:14

Itan-oknakto, ta idanonnanto ti kayatko nga ibaga kadakayo.

San Juan 7:39

(Sinao daytoy ni Jesus maipapan iti Espiritu ti Dios a dandanin awaten dagiti namati kenkuana. Ta iti dayta a tiempo, saan pay a naited ti Espiritu, agsipud ta di pay naitan-ok ni Jesus.)

Dagiti Aramid 2:36

“Ammoen ngarud ti amin a tattao iti Israel nga awan duadua a daytoy Jesus nga inlansayo iti krus ket pinagbalin ti Dios nga Apo ken Cristo!”

Dagiti Aramid 3:13

Ti Dios da Abraham, Isaac ken Jacob—ti Dios dagiti kapuonantayo—intan-okna ni Jesus nga adipenna, ni Jesus nga inyawatyo kadagiti agtuturay, ket linaksidyo iti saklang ni Pilato uray idi nalpasnan nga inkeddeng ti pannakawayawayana.

2 Taga-Corinto 3:18

Ngarud, datayo amin nga awan abbong ti rupana, ipakitatayo ti dayag ti Apo. Balbaliwannatayo dayta met laeng a dayag nga aggapu iti Apo nga isu ti Espiritu tapno umaspingtayo kenkuana iti naranraniag pay a dayag.

Taga-Efeso 1:12

Idaydayawtayo ngarud ti nadayag a Dios, datayo nga immun-una a nanginanama ken ni Cristo.

Taga-Efeso 2:7

Inaramidna daytoy tapno, iti amin a tiempo iti masakbayan, iparangna ti naisalsalumina ken saan a matukod a kinamanangngaasina iti panagayatna kadatayo babaen ken Cristo Jesus.

Taga-Efeso 3:10

Ita, babaen iti iglesia, maammoan dagiti agtuturay ken dagiti pannakabalin sadi langit ti kinasirib ti Dios iti nadumaduma a pannakaiparangarangna.

Taga-Filipos 2:11

Ket silalatak nga ipablaak ti amin a tao a ni Jesu-Cristo isu ti Apo, a pakaidaydayawan ti Dios Ama.

1 Pedro 1:21

Gapu ta namatikayo kenkuana, nagtalekkay iti Dios a namagungar ken namagbalin kenkuana a mannakabalin unay. Naiturong iti Dios ti pammati ken namnamayo.

1 Pedro 2:12

Agbiagkayo koma a natakneng iti imatang dagiti Hentil. Uray no kunada a managdakdakeskayo, mabigbigdanto met laeng dagiti naimbag nga aramidyo ket idaydayawdanto ti Dios inton dumteng ti Aldaw a yaayna.

1 Pedro 4:11

Siasinoman a mangasaba, masapul nga ikasabana ti sao ti Dios. Siasinoman nga agserbi, masapul nga agserbi babaen iti pigsa nga inted ti Dios kenkuana. Iti kasta, iti amin a banag, maidaydayaw koma ti Dios babaen ken ni Jesu-Cristo, nga addaan iti dayag ken pannakabalin iti agnanayon nga awan inggana. Amen.