San Juan 13:29 - Ti Baro a Naimbag a Damag Biblia

²⁹ Agsipud ta ni Judas ti agig-iggem iti kuarta, impagarup dagiti dadduma kadagiti adalan nga imbaga ni Jesus kenkuana a mapan gumatang iti kasapulanda iti fiesta. Adda met dagiti nangipagarup a mapan mangted ni Judas iti kuarta kadagiti napanglaw.

Ti Biblia (1973)

²⁹ Ta dagiti dadduma ipappapanda idi nga agsipud ta ni Judas ti agiggem idi ti supot ti cuarta, kinuna ni Jesus kencuana; Gatangem ti masapultayo a maipaay iti fiesta: wenno iccanna coma idi ti bassit dagiti napanglaw.

San Juan 13:29 Iomraidhean Croise

San Juan 13:1

Bisperas idi ti Fiesta ti Paskua. Ammo ni Jesus a dimtengen ti oras nga ipapanawna ditoy lubong ken isusublina iti Ama. Inay-ayatna dagiti tattaona ditoy lubong. Wen, ay-ayatenna ida agingga iti panungpalan.

San Juan 13:28

Saan a naawatan dagiti sisasango iti lamisaan no apay a kasta ti imbaga ni Jesus ken ni Judas.

Taga-Galacia 2:10

Ti laeng dinawatda isu ti pananglaglagipmi kadagiti napanglaw kadakuada. Isu met ti inkagkagumaak nga ar-aramiden.

Taga-Efeso 4:28

Ti mannanakaw, isardengnan ti agtakaw. Agtrabaho ketdi tapno mangged a sitatakneng iti kuarta nga agpaay kenkuana ket makatulong met kadagiti napanglaw.