San Juan 13:13 - Ti Baro a Naimbag a Damag Biblia

¹³ “Awagandak iti ‘Maestro’ ken ‘Apo,’ ket pudno la ketdi ti kunayo.

Ti Biblia (1973)

¹³ Dacayo naganendac ti Mannursuro ken Apo: ket naimbag ti panagcunayo: ta siac a pudno.

San Juan 13:13 Iomraidhean Croise

Jeremias 1:12

Kinuna ngarud ti Apo kaniak, “Agpayso ta kunam, ket sisisiputak no matungpal met laeng ti saok wenno saan.”

San Mateo 20:28

a kas iti Anak ti Tao a saan nga immay a paserbian no di ket tapno agserbi ken yawatna ti biagna a pangsubbot kadagiti adu a tattao.”

San Lucas 10:28

“Husto ti insungbatmo,” kinuna ni Jesus. “Aramidem daytoy ket agbiagkanto.”

San Lucas 6:46

“Apay nga awagandak iti ‘Apo, Apo,’ ngem diyo met aramiden ti ibagak?

San Lucas 7:43

Insungbat ni Simon, “Pagarupek a ti tao nga ad-adu ti napakawan nga utangna.” “Pudno ta kunam,” kinuna ni Jesus.

San Juan 11:2

Daytoy Maria a kabsat ti masakit ti nangibukbok idi iti bangbanglo kadagiti saka ti Apo sana pinunasan iti buokna.)

San Juan 11:28

Apaman a naisao ni Marta daytoy, nagsubli ket inayabanna a sililimed ni Maria a kabsatna. “Adda ni Maestro,” kinunana, “ket paayabannaka.”

San Juan 11:3

Nangibaon ngarud dagiti agkabsat iti mangipakaammo ken ni Jesus. “Apo,” pinaibagada, “masakit ti patpatgem a gayyem.”

1 Taga-Corinto 12:3

Kayatko a maammoanyo a ti tao nga idalan ti Espiritu ti Dios, dina mabalin a kuna, “Mailunod ni Jesus!” Awan ti makabalin nga agsao, “Ni Jesus ket Apo,” malaksid no idalan ti Espiritu Santo.

1 Taga-Corinto 8:6

ngem kadatayo, maymaysa laeng ti Dios. Isu ti Ama a namarsua iti amin a banag ket gapu kenkuana, agbiagtayo. Maymaysa met ti Apo nga isu ni Jesu-Cristo. Naparsua ti amin a banag babaen kenkuana ket agbiagtayo gapu kenkuana.

Taga-Efeso 6:9

Dakayo nga appo, kasta met koma ti umno a pannakilangenyo kadagiti tagabuyo. Isardengyon a butbutngen ida. Laglagipenyo a dakayo ken dagiti tagabuyo, agpapadakayo nga agserserbi iti maymaysa nga Apo sadi langit nga awan ti idumdumana.

Taga-Filipos 2:11

Ket silalatak nga ipablaak ti amin a tao a ni Jesu-Cristo isu ti Apo, a pakaidaydayawan ti Dios Ama.

Taga-Filipos 3:8

Wen, ibilangko amin a pukaw tapno magun-odko ti napatpateg nga isu ti pannakaammo ken ni Cristo Jesus nga Apok. Gapu kenkuana, binaybay-akon ti amin a masansan idi nga aramidek. Imbellengko aminen ida a kas rugit tapno, kas kunadan, magun-odko ni Cristo,

Santiago 2:19

Mamatikayo kadi a maymaysa ti Dios? Nasayaat! Ngem laglagipenyo a mamati met dagiti demonio—ket agpigergerda pay iti buteng.