San Juan 13:11 - Ti Baro a Naimbag a Damag Biblia

¹¹ Ammon ni Jesus ti mangliput kenkuana, isu a kinunana, “Nadaluskay aminen malaksid iti maysa.”)

Ti Biblia (1973)

¹¹ Ta ammona idi no siasino ti mangliputto kencuana; gapuna kinunana: Saancayo a nadalus amin.

San Juan 13:11 Iomraidhean Croise

San Juan 13:18

“Saan a dakay amin ti pakaiturongan dagiti sasawek. Ammok dagiti pinilik. Ngem masapul a matungpal ti adda a naisurat, ‘Kinugtarannak ti nakipangan kaniak.’

San Juan 13:2

Madama idi ti panangrabii ni Jesus ken dagiti adalanna. Inserrek ti Diablo iti panunot ni Judas nga anak ni Simon Iscariote ti panggep a mangliput ken ni Jesus.

San Juan 13:21

Kasta unay ti pannakariribuk ni Jesus idi nasaonan daytoy ket impalgakna, “Ibagak ti pudno kadakayo: Maysanto kadakayo ti mangliput kaniak.”

San Juan 13:26

“Ti pangtedakto iti isawsawko a tinapay,” insungbat ni Jesus. Nangala ngarud iti tinapay ket insawsawna sana inted ken Judas nga anak ni Simon Iscariote.

San Juan 17:12

Bayat ti kaaddak kadakuada, inaywanak ida babaen iti pannakabalin ti naganmo nga intedmo kaniak. Sinalaknibak ida, ket awan ti uray maysa kadakuada a napukaw, malaksid daydi tao a naituding a mapukaw tapno matungpal ti Nasantoan a Surat.

San Juan 18:4

Agsipud ta ammo ni Jesus ti amin a mapasamak kenkuana, sinabatna ida. “Siasino ti sapsapulenyo?” kinunana.

San Juan 2:25

Saanna a masapul ti siasinoman a mangibaga kenkuana maipapan iti tao ta ammona a mismo ti panunot ken kababalin ti tao.