San Juan 12:6 - Ti Baro a Naimbag a Damag Biblia

⁶ Sinaona daytoy, saan a gapu ta isakitna dagiti napanglaw, no di ket gapu ta mannanakaw. Isu ti agig-iggem iti kuarta, ket masansan a mangala iti maurnong.

Ti Biblia (1973)

⁶ Ngem kinunana daytoy, saan a gapu ta isakitna dagiti napanglaw, no di ket gapu ta mannanacaw, ket agsipud ta isu ti agiggem ti supot, innalana dagiti naipisoc.

San Juan 12:6 Iomraidhean Croise

Dagiti Salmo 14:1

“Awan Dios,” kuna ti maag iti pusona. Rinukerda amin ken makarimon dagiti aramidda; awan ti uray maysa nga agaramid iti naimbag.

Dagiti Proverbio 29:7

Ammo ti naimbag a tao ti kalintegan ti napanglaw, ngem saan a maawatan dagiti managdakdakes dagita a bambanag.

Ezekiel 33:31

Isut' gapuna nga agdudupudop dagiti tattaok nga umay dumngeg kenka, ngem dida tungpalen ti ibagam nga aramidenda. Napno iti ayat dagiti balbalikasda ngem dagiti inaagum nga aramidda.

San Mateo 21:13

Kinunana kadakuada, “Nailanad iti Nasantoan a Surat a kuna ti Dios, ‘Managanto ti balayko iti balay a pagkararagan.’ Ngem pagbalbalinenyo met a rukib dagiti mannanakaw!”

San Lucas 8:3

ni Juana nga asawa ni Cusa a katalek ni Herodes, ni Susana ken adu pay a babbai a nangipaay kadagiti sanikuada a kas tulong ken ni Jesus ken kadagiti adalanna.

San Juan 10:13

Agtaray ti makitangtangdan agsipud ta patangtangdanan laeng ket awan ti panangisakitna kadagiti karnero.

San Juan 12:5

“Apay a di nailako daytoy a bangbanglo iti 300 a denario ket maited ti kuarta kadagiti napanglaw?” kinunana.

San Juan 13:29

Agsipud ta ni Judas ti agig-iggem iti kuarta, impagarup dagiti dadduma kadagiti adalan nga imbaga ni Jesus kenkuana a mapan gumatang iti kasapulanda iti fiesta. Adda met dagiti nangipagarup a mapan mangted ni Judas iti kuarta kadagiti napanglaw.

1 Taga-Corinto 6:10

wenno dagiti agag-agaw, naagum, mammartek, mamadpadakes wenno dagiti mannanakaw—awanto kadakuada ti makipagtagikua iti Pagarian ti Dios.

Taga-Galacia 2:10

Ti laeng dinawatda isu ti pananglaglagipmi kadagiti napanglaw kadakuada. Isu met ti inkagkagumaak nga ar-aramiden.

1 Taga-Tesalonica 5:22

ket liklikanyo ti amin a kita ti kinadakes.

Santiago 2:2

Kas pangarigan, dumar-ay iti taripnongyo ti nabaknang ken ti napanglaw. Nagsingsing ti baknang iti balitok ken nagaruat iti napintas idinto a rutayrutay ti pagan-anay ti napanglaw.

Santiago 2:6

Ngem pabainanyo met ti napanglaw! Sinno kadi ti mangirurumen ken mangidarum kadakayo? Dagiti babaknang!