San Juan 12:45 - Ti Baro a Naimbag a Damag Biblia

⁴⁵ Ti makakita kaniak, makitana met ti nangibaon kaniak.

Ti Biblia (1973)

⁴⁵ Ket ti macakita caniac, makitana ti nangibaon caniac.

San Juan 12:45 Iomraidhean Croise

San Juan 12:41

Kinuna ni Isaias daytoy ta nakitana ti dayag ni Jesus, ket nagsao iti maipapan kenkuana.

San Juan 15:24

Awan koma ti pakabasolanda no diak inaramid iti imatangda dagiti banag nga awan sabali a makaaramid. Ngem ita, nakitadan ti inaramidko ket guraendakami a dua ken ni Amak.

San Juan 6:40

Ta pagayatan ni Amak nga amin a makakita ken mamati iti Anak adda biagna nga agnanayon. Ket pagungarekto ida inton maudi nga aldaw.”

2 Taga-Corinto 4:6

Ti Dios a nagkuna, “Agraniag ti silaw manipud iti kasipngetan!” ket isu met laeng ti Dios a nangted iti silawna kadagiti pusomi tapno maammoanmi ti dayag ti Dios iti rupa ni Cristo.

Taga-Colosas 1:15

Ni Cristo ti pudno a ladawan ti saan a makita a Dios. Isu ti inauna nga Anak, kayatna a sawen, katatan-okan kadagiti amin a parsua.

Hebreo 1:3

Ti Anak ti mangipakita iti dayag ti Dios. Isu ti napaypayso a ladawan ti kinadiosna. Isu pay ti mangtartarawidwid iti amin a lubong babaen iti mannakabalin a saona. Kalpasan ti pananggun-odna iti pannakapakawan ti basol ti sangkataoan, nagtugaw sadi langit iti makannawan ti Kangatoan a Pannakabalin.

1 Juan 5:20

Ammotayo nga immayen ti Anak ti Dios, ket inikkannatayo iti pannakaawat tapno maammoantayo daydiay a pudno. Addatayo kenkuana a pudno, wen, addatayo ken ni Jesu-Cristo nga Anakna. Isu ti pudno a Dios ken ti biag nga agnanayon.