San Juan 12:42 - Ti Baro a Naimbag a Damag Biblia

⁴² Uray no kasta, adu kadagiti papangulo a Judio ti namati ken ni Jesus. Ngem saanda nga inlatlatak gapu iti butengda kadagiti Fariseo amangan no mapagtalawda iti sinagoga.

Ti Biblia (1973)

⁴² Nupay casta, uray cadagidi agturay adu dagiti namati kencuana: ngem gapu cadagidi Fariseo saanda nga imparangarang, amangan no maparuarda iti sinagoga:

San Juan 12:42 Iomraidhean Croise

Dagiti Proverbio 29:25

Ti buteng isu ti pakadadaelam, ngem no agtalekka iti Apo, awan ti pakaan-anoam.

Isaias 51:7

“Denggendak, dakay a makaammo iti nalinteg, dakay a mangipapuso iti pannursurok. Dikay agbuteng no lalaisen ken um-umsiendakayo dagiti tattao;

Isaias 57:11

Kuna ti Apo, “Siasino dagitoy a didiosen a mamagbuteng kadakayo tapno iti kasta, agulbodkayo kaniak ket lipatendak a mamimpinsan? Insardengyo kadin ti panagdaydayawyo kaniak agsipud ta nabayag a nagulimekak?

Isaias 66:5

Dakayo nga agbuteng ken agtulnog iti Apo, denggenyo ti kunana, “Agsipud ta napudnokayo kaniak, guraendakayo ti sumagmamano kadagiti kailianyo, ket awan ti panangikankanoda kadakayo. Rabrabakendakayo ket kunada, ‘Kayatmi a makita a naragsakkayo; ngarud, ipakita koma ti Apo ti kinatan-okna ket isalakannakayo.’ Ngem isudanto ti maibabain!

Jeremias 38:19

“Kabutengko dagiti Judio a kimmappon kadagiti taga-Babilonia,” insungbat ni Ari Zedekias, “amangan no isuda ti pakayawatak ket parigatendak.”

San Mateo 10:32

“Siasinoman a mangipaduyakyakto kaniak, ipaduyakyakkonto met iti imatang ni Amak sadi langit.

San Lucas 12:8

“Ibagak kadakayo: Ti mangipakaammo kadagiti tattao iti pannakikaduana kaniak, kastanto met ti aramiden ti Anak ti Tao iti imatang dagiti angheles ti Dios.

San Lucas 23:13

Pinaayaban ni Pilato dagiti panguloen a papadi, dagiti agtuturay ken dagiti tattao.

San Lucas 6:22

“Nagasatkayo no guraendakayo dagiti tattao, no didakay awaten, no pabainandakayo, no kunada a dakeskayo, gapu iti Anak ti Tao!

San Juan 11:45

Adu kadagiti tattao a simmarungkar ken Maria ti nakaimatang iti inaramid ni Jesus, ket namatida kenkuana.

San Juan 12:11

Gapu iti napasamak kenkuana, adu kadagiti Judio ti simmina kadagiti panguloda ket namatida ken ni Jesus.

San Juan 16:2

Pagtalawendakayto kadagiti sinagogada. Umayto ti tiempo nga ipagarup ti pumatay kadakayo nga aramidenna daytoy a kas pagrebbenganna iti Dios.

San Juan 19:38

Kalpasanna, dinawat ni Jose a taga-Arimatea ken ni Pilato ti pammalubos nga alaenna ti bangkay ni Jesus. (Maysa idi ni Jose a pasurot ni Jesus, ngem inlimedna ta mabuteng kadagiti agtuturay a Judio.) Impalubos ni Pilato. Napan ngarud ni Jose ket innalana ti bangkay ni Jesus sana impanaw.

San Juan 3:2

Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

San Juan 7:13

Nupay kasta, awan ti nagsao a silalatak maipapan kenkuana ta mabutengda kadagiti papangulo a Judio.

San Juan 7:31

Nupay kasta, adu kadagiti tattao ti namati kenkuana. “Inton umay ti Cristo, agaramidto ngata iti ad-adu a milagro ngem ti inaramid daytoy a tao?” kinunada.

San Juan 9:22

Sinao dagiti nagannak daytoy agsipud ta mabutengda kadagiti papangulo a Judio a nanganamongen a mapagtalaw iti sinagoga ti siasinoman a mangibaga a mamati a ni Jesus isu ti Cristo.

San Juan 9:34

“Nayanak ken dimmakkelka iti basol, dakam ket ti isuromon?” insungbatda kenkuana ket pinagtalawda iti sinagoga.

Dagiti Aramid 5:41

Pimmanaw dagiti apostoles iti saklang ti Sanhedrin. Kasta unay ti ragsakda ta imbilang ida ti Dios a maikari nga agsagaba iti pannakaibabain gapu ken ni Jesus.

Taga-Roma 10:10

Ta babaen iti puso, mamatitayo, ket mapalintegtayo iti Dios. Babaen iti bibig, agipaduyakyaktayo, ket maisalakantayo.

1 Juan 4:15

No ipaduyakyak ti maysa a tao a ni Jesus ket Anak ti Dios, agtaeng iti Dios ket agtaeng met kenkuana ti Dios.

1 Juan 4:2

Daytoy ti pakaammoanyo iti Espiritu ti Dios: Siasinoman a mangbigbig nga immay ni Jesu-Cristo iti lasag, adda kenkuana ti Espiritu nga agtaud iti Dios.