San Juan 12:40 - Ti Baro a Naimbag a Damag Biblia

⁴⁰ “Pinagbulsek ti Dios ida, kinullaapanna dagiti isipda, tapno saanda a makakita, ken saanda a makaawat, ket saanda nga agsubli kaniak, kuna ti Dios, tapno paimbagek ida.”

Ti Biblia (1973)

⁴⁰ Pinagbulsecna dagiti matada, ket pinatangkenna ti pusoda; Di la ket ta macakitada cadagiti matada, ken macaawatda iti pusoda, ket agbalbaliwda coma ket siac agasac coma ida.

San Juan 12:40 Iomraidhean Croise

1 Ar-ari 22:20

Sinaludsod ti Apo, ‘Siasino kadakayo ti mangallilaw ken ni Ahab tapno mapan idiay Ramot ket matay sadiay?’ Nagduduma ti sinao dagiti angheles.

Dagiti Salmo 147:3

Dagiti naupay, paragsakenna, ket bedbedanna dagiti sugatda.

Dagiti Salmo 41:4

“O Apo, nagbasolak kenka,” kinunak, “kaasiannak koma ket paimbagennak.”

Dagiti Salmo 6:2

Kaasiannak kadi, O Apo, ta napaksuyanak; papigsaennak ta awanen a pulos ti pigsak.

Exodo 10:1

Kinuna ni Yahweh ken ni Moises, “Inka iti ari. Pinatangkenko ti pusona, kasta met dagiti ofisialesna tapno ipakitak kadakuada daytoy a pannakabalinko.

Exodo 11:10

Inaramid da Moises ken Aaron amin dagitoy a milagro iti sangoanan ti ari. Ngem pinatangken ni Yahweh ti puso ti ari ket dina pinalubosan dagiti Israelita a pumanaw iti pagilianna.

Exodo 14:17

Patangkenek iti kasta unay ti puso dagiti Egipcio tapno kamatenda ida. Maidaydayawakto iti panangparmekko iti ari, iti armadana, kadagiti luganna ken kadagiti nagkabalio a soldadona.

Exodo 14:4

Patangkenekto ti pusona ket kamatennanto ida. Maidaydayawakto iti panangparmekko kenkuana ken iti amin nga armadana. Maammoanto dagiti Egipcio a siak ni Yahweh.” Tinungpal dagiti Israelita ti naibilin kadakuada.

Exodo 14:8

Pinatangken ni Yahweh ti puso ti ari ket kinamatna dagiti Israelita a pumampanaw a sibaballigi.

Exodo 4:21

Kinuna manen ni Yahweh ken ni Moises, “Ita ta agsublikan idiay Egipto, aramidem dagiti amin a milagro iti sangoanan ti ari. Intedko kenka ti pannakabalin a mangaramid kadagitoy. Ngem patangkenekto ti pusona tapno dina ipalubos a pumanaw dagiti tattao.

Exodo 7:13

Nupay kasta, nagtalinaed a natangken ti puso ti ari ket, kas kinuna ni Yahweh, dina impangag ida.

Exodo 7:3

Ngem patangkenekto ti puso ti ari, ket dinakayto denggen uray no mano ti nakabutbuteng a banag ti aramidek idiay Egipto. Kalpasanna, idissuorkonto ti nadagsen a dusa iti Egipto ket iruarkonto dagiti tribu dagiti tattaok iti dayta a daga.

Exodo 9:12

Ngem pinatangken ni Yahweh ti ulo ti ari. Dina latta impangag da Moises ken Aaron a kas kinuna ni Yahweh ken ni Moises.

Isaias 26:11

Di ammo dagiti kabusormo a dusaem ida; O Apo, ibabainmo ida, ket bay-am nga agsagabada. Ipalak-ammo ti dusa nga insaganam kadakuada. Ipakitam no kasano ti panagayatmo kadagiti tattaom.

Isaias 29:10

Pinagyepyepnakayo ti Apo tapno umay ti nargaan a turogyo. Dagiti koma profeta ti pannakamata dagiti tattao ngem kinullaapan ti Apo dagiti matada.

Isaias 53:5

Ngem nasugat gapu kadagiti basbasoltayo, nasaplit gapu kadagiti dakes nga aramidtayo. Nawayawayaantayo gapu iti dusa a sinagabana, naagasantayo gapu iti pannakasapsaplitna.

Isaias 6:10

Ket kinunana kaniak, “Pagkunengem ti panunot dagitoy a tattao, pagtulengem ken pagbulsekem ida tapno dida makakita wenno makangngeg wenno makaawat. Ta no saanmo nga aramiden, amangan no agsublida kaniak ket maimbaganda.”

Isaias 6:9

Kinunana, “Inka ibaga daytoy a mensahe kadagiti tattao: ‘Uray no ipasnekyo ti dumngeg, diyo maawatan. Uray ipasnekyo ti kumita, diyo ammo ti mapaspasamak.’”

Jeremias 3:22

Agsublikayo, dakay amin a nangtallikud iti Apo; paimbagennakayto ket pagbalinennakayto a napudno. Kunayo, “Wen, agsublikami iti Apo, agsipud ta isu ti Diosmi.

Jeremias 5:21

Dumngegkayo, dakay a maag ken nakuneng a tattao, dakayo nga adda matana, ngem saan a makakita, dakayo nga adda lapayagna, ngem saan a makangngeg.

Ezekiel 12:2

Kinunana, “Anak ti tao, agnaedka iti sidong dagiti nasukir a tattao. Adda matada, ngem saanda a makakita; adda lapayagda, ngem saanda a makangngeg agsipud ta nasukirda.

Ezekiel 14:9

“No maallilaw ti maysa a profeta ket saan a pudno ti ipakaammona, siak ti nangallilaw kenkuana. Ilaksidko kadagiti tattao ti Israel.

Oseas 14:4

Kuna ti Apo, “Pakawanekon dagiti tattaok Ayatek ida iti amin a pusok ta nagbaawen ti pungtotko kadakuada.

Oseas 6:1

Kuna dagiti tattao, “Agsublitayo iti Apo. Rinangrangkaynatayo, wen, ngem agasannatayto; sinugatnatayo ngem bedbedannanto dagiti sugattayo.

San Mateo 15:14

“Saanyo a pakadanagan ida. Bulsekda a mangidadaulo. Ket no idalan ti bulsek ti padana a bulsek, matnagda a dua iti abut.”

San Marcos 4:12

Iti kasta, ‘Uray no kitkitaenda, dida mailasin, Uray no dengdenggenda, dida maawatan. No mailasin ken maawatanda Amangan no agsublida iti Dios ket pakawanennanto ida.’”

San Marcos 6:52

Dida naawatan ti pudno a kaipapanan ti panangpaadu ni Jesus kadagiti tinapay. Dida matukod a panunoten.

San Lucas 4:18

“Adda kaniak ti Espiritu ti Apo. Pinilinak a mangikasaba iti Naimbag a Damag kadagiti napanglaw, Imbaonnak a mangiwaragawag iti pannakawayawaya dagiti balud, Iti pannakakita manen dagiti bulsek, Iti pannakaruk-at dagiti maparparigat,

San Lucas 8:10

“Naipakaammo kadakayo dagiti palimed ti Pagarian ti Dios,” insungbat ni Jesus. “Ngem maipakaammo dagitoy kadagiti dadduma babaen kadagiti pangngarig, tapno ‘uray kitkitaenda, dida mailasin, ken uray dengdenggenda, dida maawatan.’”

San Juan 12:39

Gapu iti daytoy, saanda a nabalinan ti namati. Ta kinuna pay ni Isaias:

San Juan 9:39

Kinuna ni Jesus, “Immayak mangukom ditoy lubong tapno makakita dagiti bulsek, ket agbulsek dagiti makakita.”

Dagiti Aramid 15:3

Pinarubbuatan ida dagiti kamkameng ti iglesia. Bayat ti ilalabasda idiay Fenicia ken Samaria, impadpadamagda kadagiti mamati sadiay no kasano a nakombertir dagiti Hentil. Ket napalalo a rag-o dagiti kakabsat iti daytoy.

Dagiti Aramid 28:26

Ta kinunana, ‘Inka ibaga iti daytoy nga ili: Dengngegkayto la a dengngeg ngem dikayo makaawat; Kitakayto la a kita ngem dikayo makailasin.

Dagiti Aramid 3:19

Agbabawikayo ngarud ket agsublikay iti Dios tapno pakawanenna dagiti basbasolyo. No aramidenyo daytoy,

Taga-Roma 9:18

No kasta ngarud, kaasian ti Dios ti kayatna a kaasian, ket patangkenenna ti ulo ti kayatna a patangkenen.

Deuteronomio 29:4

Ngem agpapan ita, saanna nga inlawlawag kadakayo ti kaipapanan dagiti padpadasyo.

Josue 11:20

Ta ni Yahweh ti akinnakem iti panagpingetda a makiranget kadagiti Israelita tapno madadaelda a mamimpinsan ket mapapatayda amin nga awan asi. Daytoy ti imbilin ni Yahweh ken ni Moises.