San Juan 12:34 - Ti Baro a Naimbag a Damag Biblia

³⁴ “Kuna ti Linteg nga agbiag nga agnanayon ti Cristo,” insungbat dagiti tattao. “Apay a kunam a masapul a maibayog ti Anak ti Tao? Siasino daytoy nga Anak ti Tao?”

Ti Biblia (1973)

³⁴ Simmungbat ngarud kencuana dagidi adu a tao: Nangngegmi iti Linteg, a ti Cristo mataginayonto: ket casano ti panagcunam: Masapul a ti Anac ti tao maipangato? Siasino daytoy Anac ti tao?

San Juan 12:34 Iomraidhean Croise

2 Samuel 7:13

Isunto ti mangbangon iti templok, ket itultuloyto dagiti kaputotanna ti agturay a kas ari.

Dagiti Salmo 110:4

Insapata ti Apo ket dinanto ibabawi: “Padikanto nga agnanayon, a kas iti kinapadi ni Melkisedec.”

Dagiti Salmo 72:7

Agari koma ti kinalinteg bayat ti panagbiagna, adda koma rang-ay agingga nga awanen ti bulan.

Isaias 53:8

Natiliw ken naikeddeng a madusa, ket naipanaw a mapapatay; awan ti nangay-ay iti gasatna. Napapatay gapu kadagiti basol ti sangkataoan.

Isaias 9:7

Dumakkelto a dumakkel ti bilegna a kas ari; addanto latta kappia iti pagarianna. Isunto ti sumukat ken ni Ari David nga agturay. Ibataynanto ti turayna iti kinapudno ken kinalinteg manipud ita ingganat' inggana. Aramiden nga aramiden amin daytoy ti Apo a Mannakabalin-amin.

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Daniel 7:14

Inawatna sadiay ti pannakabalin, dayaw ken ti naarian a panagturay tapno agserbi kenkuana dagiti tattao iti amin a nasion, puli ken pagsasao. Agnanayonto ti pannakabalinna, ket dinto agpatingga ti pagarianna.

Daniel 7:27

Maitedto ti pannakabalin ken ti kinatan-ok dagiti amin a pagarian ditoy lubong kadagiti tattao ti Kangatoan a Dios. Agturaydanto iti agnanayon ket agserbi ken agtulnogto kadakuada dagiti amin a pagarian ditoy daga.”

Mikias 4:7

Awan ti kabaelanda ket adayoda iti dagada, ngem ipamuspusak a mangabaroanan manen dagiti natda agingga nga agbalinda a nabileg a nasion. Iturayakto ida idiay Bantay Sion manipud iti dayta a tiempo agingga iti agnanayon.”

San Mateo 16:13

Idi dimteng ni Jesus iti disso nga asideg iti ili ti Cesarea Filipos, sinaludsodna kadagiti adalanna, “Siasino ti Anak ti Tao iti panagkuna dagiti tattao?”

San Mateo 21:10

Idi simrek ni Jesus idiay Jerusalem, nariribuk dagiti amin a tattao iti siudad. “Siasino daytoy?” sinaludsodda.

San Mateo 8:20

Simmungbat ni Jesus kenkuana, “Adda rukib dagiti musang, ken adda umok dagiti tumatayab, ngem awan pagiddaan ken paginanaan ti Anak ti Tao.”

San Juan 10:34

“Naisurat iti Lintegyo a kinuna ti Dios: ‘Dakayo ket didioskayo!’” insungbat ni Jesus.

San Juan 12:32

Inton maibayogak ditoy daga, guyugoyekto nga umay kaniak dagiti amin a tattao.” (

San Juan 15:25

Nupay kasta, mapasamak ti kastoy tapno matungpal ti naisurat iti Lintegda: ‘Ginuradak nga awan gapgapuna.’

San Juan 8:28

Iti kasta, kinuna ni Jesus kadakuada, “Inton maibayogyo ti Anak ti Tao, maammoanyonton a ‘Siak’ ti ibagbagak. Kasta met nga awan ti aramidek a sisiak, ngem sawek laeng ti insuro kaniak ti Ama.

Taga-Roma 3:19

Ita, ammotayo a ti amin a linaon ti Linteg agpaayda kadagiti agbibiag iti babaen ti Linteg. Adda ti Linteg tapno sumardeng amin a pambar dagiti tattao ket idatagna ti entero a lubong tapno ukomen ti Dios.

Taga-Roma 5:18

Ngarud, kas iti pannakadusa ti sangkataoan gapu iti basol ti maysa a tao, kasta met ti pannakapakawan ken pannakaited ti biag kadagiti amin a tao gapu iti nalinteg nga aramid.

Hebreo 7:24

Ngem sibibiag nga agnanayon ni Jesus, ket saan nga agsardeng ti panagserbina a kas padi.