San Juan 12:27 - Ti Baro a Naimbag a Damag Biblia

²⁷ Intuloy ni Jesus ti nagsao: “Ita, mariribukak. Ania ti aramidek? Kunak kadi, ‘Ama, ilisinak koma iti daytoy nga oras’? Ngem daytoy met ti gapu ti immayak tapno lasatek daytoy nga oras ti panagsagaba.

Ti Biblia (1973)

²⁷ Ita adda a naririboc ti cararuac: ket ania ti saoecto? Ama, isalacannac itoy nga horas. Ngem maipanggep itoy immayac iti daytoy nga horas.

San Juan 12:27 Iomraidhean Croise

Dagiti Salmo 6:3

Mariribuk unay toy kararuak. O Apo, kaanonto a tulongannak?

Dagiti Salmo 88:3

Nakaad-adu a rigat ti nagpasarak ket ita asidegakon ken patay.

Isaias 38:15

Ngem ania ti masaok? Inaramid daytoy ti Apo. Nasakit ti nakemko ket diak makaturog. Nagsao kaniak ket inaramidna daytoy.

Isaias 53:3

Inuy-uyaw ken saanmi nga inawat, inibturanna ti rigat ken panagsagaba. Awan kimmita kenkuana— dimi inkaskaso a kasla awan serserbina.

San Mateo 11:25

Iti dayta a tiempo, kinuna ni Jesus, “Agyamanak kenka, Ama nga Apo ti langit ken daga, ta impakitam kadagiti awan adalna ti inlemmengmo kadagiti mamasirib ken kadagiti nasaririt.

San Mateo 11:26

Wen, Ama, naaramid daytoy ta isu ti pagayatam.

San Mateo 26:42

Immadayo manen ni Jesus tapno mapan agkararag. “Ama,” kinunana, “no masapul nga inumek daytoy a kopa ti panagsagaba, maaramid koma ti pagayatam.”

San Mateo 26:45

Kalpasanna, nagsubli kadagiti adalan ket kinunana: “Ania? Matmaturog ken agin-inanakayo pay kadi? Dimtengen ti oras a mayawat ti Anak ti Tao iti ima dagiti managbasol.

San Lucas 22:53

Inaldaw a nakipulpulapolak kadakayo idiay Templo, ngem didak inan-ano. Nupay kasta, daytoyen ti orasyo—ti oras a panagturay ti sipnget.”

San Juan 11:41

Inikkatda ti bato. Timmangad ni Jesus ket kinunana, “Ama, agyamanak ta impangagnak.

San Juan 12:23

Kinuna ni Jesus kadakuada, “Dimtengen ti oras a maitan-ok ti Anak ti Tao.

San Juan 13:21

Kasta unay ti pannakariribuk ni Jesus idi nasaonan daytoy ket impalgakna, “Ibagak ti pudno kadakayo: Maysanto kadakayo ti mangliput kaniak.”

San Juan 18:37

Isut' gapuna a sinaludsod ni Pilato, “No kasta, maysaka nga ari?” “Nasaomon,” insungbat ni Jesus. “Nayanakak ditoy lubong tapno paneknekak ti pudno. Dumngeg kaniak ti siasinoman nga adda iti pudno.”

1 Timoteo 1:15

Pudno daytoy a pagsasao a rumbeng nga awaten ken patien: Immay ni Cristo Jesus ditoy lubong tapno isalakanna dagiti managbasol. Siak ti kadadaksan kadakuada.

Hebreo 2:14

Yantangay ta tattao dagitoy nga annak, kas awagna kadakuada, nagbalin met ni Jesus a tao a kas kadakuada ket nakiraman iti kinataoda. Inaramidna daytoy tapno babaen iti ipapatayna, pukawenna ti Diablo nga adda pannakabalinna ken ni patay,

Hebreo 5:7

Bayat ti panagbiag ni Jesus ditoy daga, inyikkis ken insangitna ti nagkararag ken nagdawat iti Dios a makaisalakan kenkuana iti patay. Impangag ti Dios agsipud ta natulnog ken napakumbaba.