San Juan 12:26 - Ti Baro a Naimbag a Damag Biblia

²⁶ Ti siasinoman nga agtarigagay nga agserbi kaniak, masapul a surotennak. Ta no sadino ti ayanko, addanto met sadiay ti adipenko. Ket padayawan ti Ama ti siasinoman nga agserbi kaniak.”

Ti Biblia (1973)

²⁶ No adda agservi caniac, surutennac coma: ket no adino ti yanco, agianto met idiay ti adipenco; no adda agservi caniac, isu itan-octo ni Amac.

San Juan 12:26 Iomraidhean Croise

Dagiti Salmo 17:15

Ngem makitakanto gapu ta awan dakes nga aramidko; ket gapu iti kaaddam, no makariingak mapnoakto iti rag-o.

Dagiti Salmo 91:15

No umawagda kaniak, ipangagkonto ida, addaakto kadakuada iti tiempo ti riribukda. Ispalekto ida; wen, padayawakto ida.

Dagiti Proverbio 27:18

Aywanam a naimbag ti igos ket mangankanto iti bungana. Maidaydayawto ti adipen nga agserbi a siaayat iti amongna.

Numero 14:24

Ngem agsipud ta maisupadi kadakuada ti rikna ni Caleb nga adipenko, ket nagtalinaed a napudno kaniak, ipankonto iti daga a nakitana. Tagikuaento dagiti kaputotanna ti daga

Numero 32:11

‘Gapu ta dida nagtalinaed a napudno kaniak, awanto ti agtawen iti 20 wenno nasursurok a rimmuar iti Egipto a sumrek iti daga nga inkarik kada Abraham, Isaac ken Jacob.’

San Mateo 16:24

Kalpasanna, kinuna ni Jesus kadagiti adalanna: “Ti agtarigagay a sumurot kaniak masapul a tallikudanna ti bagina, ibaklayna ti krusna, ket surotennak.

San Mateo 25:21

“‘Nasayaat ti inaramidmo, naimbag ken mapagtalkan nga adipen!’ kinuna ti amongna. ‘Gapu ta napagtalkanka iti bassit a banag, pagaywanenkanto iti adu. Umayka makipagragsak kaniak.’

San Marcos 8:34

Pinaasideg ni Jesus dagiti tattao ken dagiti adalanna. “Ti agtarigagay a sumurot kaniak,” kinunana, “masapul a tallikudanna ti bagina, ibaklayna ti krusna ket surotennak.

San Lucas 12:37

Anian a ragsak dagiti kakasta nga adipen a siririing ken sisasagana a masangpetan ti amongda. Ibagak kadakayo, agkawesto iti pagserbi, pagtugawennanto ida iti panganan, ket serbiannanto ida.

San Lucas 6:46

“Apay nga awagandak iti ‘Apo, Apo,’ ngem diyo met aramiden ti ibagak?

San Lucas 9:23

Ket kinunana kadakuada amin: “Ti agtarigagay a sumurot kaniak, masapul a tallikudanna ti bagina, ibaklayna ti krusna iti inaldaw, ket surotennak.

San Juan 10:27

Denggen dagiti karnerok ti timekko. Ammok ida, ket surotendak.

San Juan 13:16

Ibagak ti pudno kadakayo: Saan a natantan-ok ti adipen ngem ti apona. Saan met a natantan-ok ti naibaon ngem ti nangibaon kenkuana.

San Juan 14:15

Intuloy ni Jesus ti nagsao: “No ayatendak, tungpalenyo dagiti bilbilinko.

San Juan 14:3

Kalpasan ti ipapanko panangisagana iti pagyananyo, umaykayto alaen tapno addakayo met iti ayanko.

San Juan 15:20

Laglagipenyo ti imbagak kadakayo: ‘Saan a natantan-ok ti adipen ngem ti apona.’ No indadanesdak, idadanesdakayto met. No tinungpalda ti saok, tungpalendanto met ti saoyo.

San Juan 17:24

“Ama, intedmo ida kaniak, ket kayatko a no sadinoman ti ayanko, addada met koma sadiay tapno makitada ti dayagko. Wen, ti dayag nga intedmo kaniak, ta inayatnak sakbay a naparsua ti lubong.

San Juan 21:22

“No kayatko nga agbiag agingga iti yaayko, apay a maseknanka?” insungbat ni Jesus. “Surotennak!”

Taga-Roma 1:1

Siak ni Pablo. Maysaak nga adipen ni Cristo Jesus ken apostol a pinili ken inayaban ti Dios a mangikasaba iti Naimbag a Damagna.

Taga-Roma 14:18

Ket no kastoy ti panagserbi ti maysa a tao ken Cristo, paragsakenna ti Dios ket magun-odna ti panagraem ti padana a tao.

2 Taga-Corinto 4:5

Saan a ti bagimi ti ikasabami: Ikasabami ni Jesu-Cristo a kas Apo, ken dakami a kas adipenyo gapu ken ni Jesus.

2 Taga-Corinto 5:8

Natalgedkam unay ket adayo a kaykayatmi ti pumanaw iti balaymi tapno makipagnaedkami iti Apo.

Taga-Galacia 1:10

Iti kastoy a panagsaok, saanko a sapsapulen ti yaanamong dagiti tattao iti sasawek. Ti pananganamong ti Dios ti sapsapulek. Panggepko kadi ti agbalin a nalatak kadagiti tattao? No kasta ti panggepko, saan a rumbeng nga adipennak ni Cristo.

Taga-Filipos 1:23

ta agin-innagaw kaniak dagitoy dua. Tarigagayak unay ti sumina iti daytoy a biag ket tumiponak ken ni Cristo—nasaysayaat daytoy para kaniak.

Taga-Colosas 3:24

Laglagipenyo a gunggonaannakayto ti Apo. Awatenyonto ti tawid nga agpaay kadagiti tattaona. Ta ni Cristo ti napudpudno nga Apo a pagserserbianyo.

Taga-Colosas 4:12

Pakomustaannakayo ni Epafras a kameng met iti grupoyo. Adipen ni Cristo Jesus ket kanayon a sipapasnek a mangikarkararag kadakayo. Idawdawatna iti Dios nga agtalinaedkayo a natibker ken awan pagkuranganna nga agtungpal iti pagayatan ti Dios.

2 Pedro 1:1

Patgek a Kakabsat: Kablaawankayo, dakayo a naaddaan iti pammati a napateg kas iti pammati nga adda kadakami. Naawattayo ti maymaysa a pammati gapu ta nalinteg ti Dios ken ni Jesu-Cristo a Mangisalakan kadatayo. Sapay koma ta umad-adu ti paraburyo ken maikkankay iti talna iti pannakaammoyo iti Dios ken ni Jesus nga Apotayo. Naggapu kaniak daytoy a surat—ni Simon Pedro nga adipen ken apostol ni Jesu-Cristo.

1 Juan 5:3

Ta no ayatentayo ti Dios, kayatna a sawen a tungpalentayo dagiti bilbilinna. Saan a narigat a tungpalen dagiti bilbilinna,

San Judas 1:1

Kadakayo nga inayaban ti Dios ken agbibiag iti ayat ti Dios Ama ken iti panangsalaknib ni Jesu-Cristo: Sapay koma ta adda kadakayo ti naan-anay nga asi, talna ken ayat. Naggapu daytoy a surat ken ni Judas nga adipen ni Jesu-Cristo ken kabsat ni Santiago.

Paltiing 14:4

Isuda dagiti saan a natulawan babaen kadagiti babbai, ta nadalusda. Sumursurotda iti Kordero iti sadinoman a papananna. Isuda dagiti nasubbot iti sangkataoan ken dagiti umuna a maidaton iti Dios ken iti Kordero.

1 Samuel 2:30

Siak, ni Yahweh a Dios ti Israel, ti nangikari idi iti familiam ken iti kaputotam nga agserbida kaniak a padi iti agnanayon. Ngem ita, ibabawikon! Ta raemek laeng dagiti agraem kaniak, ket umsiek met dagiti mangumsi kaniak.