San Juan 12:23 - Ti Baro a Naimbag a Damag Biblia

²³ Kinuna ni Jesus kadakuada, “Dimtengen ti oras a maitan-ok ti Anak ti Tao.

Ti Biblia (1973)

²³ Ket ni Jesus sumungbat cadacuada, a cuncunana; Dumtengen ti horas a ti Anac ti tao maitanoc.

San Juan 12:23 Iomraidhean Croise

Isaias 55:5

Ayabamto dagiti ganggannaet a nasion; saandaka idi nga am-ammo, ngem ita, agtataraydan nga umay tumipon kenka. Siak, ni Yahweh a Diosmo, ti Nasantoan a Dios ti Israel, ti mangaramidto kadagitoy, ket ikkankanto iti dayaw ken dayag.”

Isaias 60:9

Isuda dagiti nagluganan dagiti tattao ti Dios; naggapuda iti adayo a daga, isangpetda ida. Nagitugotda kadagiti pirak ken balitok a pammadayaw iti nagan ni Yahweh, ti Nasantoan a Dios ti Israel, a nangisungsong kadagiti amin a nasion nga agraemda kadagiti tattaona.

San Mateo 25:31

“Inton umay ti Anak ti Tao a kas Ari a kuyogen dagiti amin nga angheles, agtugawto iti nadayag a tronona.

San Mateo 26:45

Kalpasanna, nagsubli kadagiti adalan ket kinunana: “Ania? Matmaturog ken agin-inanakayo pay kadi? Dimtengen ti oras a mayawat ti Anak ti Tao iti ima dagiti managbasol.

San Marcos 14:35

Immadayo bassit sa nagpakleb iti daga, ket inkararagna a no mabalin koma maliklikanna dayta nga oras ti panagsagaba.

San Marcos 14:41

Idi kapamitlo ni Jesus ti agsubli, kinunana kadakuada: “Ania? Matmaturog ken agin-inanakayo pay laeng? Husto daytan! Dimtengen ti oras! Kitaenyo, mayawaten ti Anak ti Tao kadagiti managbasol.

San Juan 12:16

Iti dayta a tiempo, saan a naawatan dagiti adalanna ti kaipapanan daytoy, ngem idi naitan-oken ni Jesus, nalagipda a naisurat maipapan kenkuana ket naaramid daytoy.

San Juan 12:27

Intuloy ni Jesus ti nagsao: “Ita, mariribukak. Ania ti aramidek? Kunak kadi, ‘Ama, ilisinak koma iti daytoy nga oras’? Ngem daytoy met ti gapu ti immayak tapno lasatek daytoy nga oras ti panagsagaba.

San Juan 13:1

Bisperas idi ti Fiesta ti Paskua. Ammo ni Jesus a dimtengen ti oras nga ipapanawna ditoy lubong ken isusublina iti Ama. Inay-ayatna dagiti tattaona ditoy lubong. Wen, ay-ayatenna ida agingga iti panungpalan.

San Juan 7:39

(Sinao daytoy ni Jesus maipapan iti Espiritu ti Dios a dandanin awaten dagiti namati kenkuana. Ta iti dayta a tiempo, saan pay a naited ti Espiritu, agsipud ta di pay naitan-ok ni Jesus.)