San Juan 12:2 - Ti Baro a Naimbag a Damag Biblia

² Insaganaanda sadiay iti pangrabii. Nagserbi ni Marta ket maysa ni Lazaro a nakisango ken ni Jesus iti panganan.

Ti Biblia (1973)

² Iti casta inyaramidanda idiay ti maysa a panangrabii; ket ni Marta nagrservi, ngem ni Lazaro maysa cadagidi nakisango kencuana iti panganan.

San Juan 12:2 Iomraidhean Croise

Kanta ni Solomon 4:16

“Agriingka, O angin ti amianan; angin ti abagatan, pul-oyam ti hardinko tapno agwaras ti banglona. Umay koma ti ay-ayatek iti hardinna ket mangan kadagiti kaimasan a bungana.”

San Mateo 26:6

Adda idi ni Jesus idiay Betania, iti balay ni Simon nga agkukutel.

San Marcos 14:3

Adda idi ni Jesus idiay Betania iti balay ni Simon nga agkukutel. Idi madama a mangmangan, dimteng ti maysa a babai a nakaiggem iti sangabotelia a nardo, maysa a nangina a bangbanglo. Binuongna ti botelia sana imbukbok ti bangbanglo iti ulo ni Jesus.

San Lucas 12:37

Anian a ragsak dagiti kakasta nga adipen a siririing ken sisasagana a masangpetan ti amongda. Ibagak kadakayo, agkawesto iti pagserbi, pagtugawennanto ida iti panganan, ket serbiannanto ida.

San Lucas 14:12

Kinuna met ni Jesus iti nangawis kenkuana, “No yawismo ti maysa a pangaldaw wenno pangrabii, dimo awisen dagiti gagayyemmo wenno dagiti kakabsat, kakabagian wenno babaknang a kaarrubam. Ta awisendakanto met, ket iti kasta, supapakandakanto iti impaaymo kadakuada.

San Lucas 22:27

Siasino aya ti naturturay, ti sumango iti panganan wenno ti mangserbi kenkuana? Saan aya a ti maserbian? Ngem addaak kadakayo a kas maysa nga agserbi.

San Lucas 5:29

Kas pammadayawna ken ni Jesus, nangisagana ni Levi iti dakkel a padaya idiay balayna. Timmabuno ti adu nga agsingsingir iti buis ken dadduma pay a tattao.

Paltiing 3:20

Denggem, addaak nga agtatakder iti ruar ket agtuktuktokak iti ruangan. No adda makangngeg iti timekko ket luktanna ti ruangan, sumrekakto iti balayna ket agkalanglangkamto a mangan.