San Juan 12:16 - Ti Baro a Naimbag a Damag Biblia

¹⁶ Iti dayta a tiempo, saan a naawatan dagiti adalanna ti kaipapanan daytoy, ngem idi naitan-oken ni Jesus, nalagipda a naisurat maipapan kenkuana ket naaramid daytoy.

Ti Biblia (1973)

¹⁶ Dagitoy saan a naawatan dagiti adalanna, idi damo; ngem idi ni Jesus naitan-oken, idin nalagipda a dagitoy naisuratda a maipapan kencuana, ken inaramidda dagitoy a banag kencuana.

San Juan 12:16 Iomraidhean Croise

San Marcos 16:19

Kalpasan ti pannakisao ni Apo Jesus kadakuada, nayuli sadi langit, ket nagtugaw iti makannawan ti Dios.

San Marcos 9:32

Ngem saan a maawatan dagiti adalanna ti kaipapanan daytoy a pannursurona ket nagamakda nga agsaludsod kenkuana.

San Lucas 18:34

Awan a pulos kadagitoy ti naawatan dagiti adalan. Nailinged kadakuada ti kaipapanan dagiti balikasna, ket dida ammo no ania ti sasawen ni Jesus.

San Lucas 24:25

“Nagnengnengkayon!” kinuna ni Jesus kadakuada. “Nagrigatkayo ketdin a mamati kadagiti sinao dagiti profeta!

San Lucas 24:45

Linuktanna ti isipda tapno maawatanda dagiti Sursurat ket kinunana kadakuada,

San Lucas 9:45

Ngem dida ammo ti kaipapanan ti sinaona ta nailimed kadakuada tapno dida maawatan. Nagbutengda nga agsaludsod kenkuana maipapan iti daytoy.

San Juan 12:23

Kinuna ni Jesus kadakuada, “Dimtengen ti oras a maitan-ok ti Anak ti Tao.

San Juan 14:26

Ti Mammagbaga nga ibaonto ti Ama iti naganko, isu ti Espiritu Santo. Isuronakayto iti amin a banag ken ipalagipnanto dagiti amin nga imbagak kadakayo.

San Juan 16:4

Ngem imbagak daytoy kadakayo tapno inton dumteng ti tiempo a panangaramidda kadagitoy, malagipyonto a naisaokon kadakayo.” “Diak insigsigud nga imbaga dagitoy kadakayo, agsipud ta addaak pay idi kadakayo.

San Juan 17:5

Ama, itan-oknak ita iti imatangmo, kas iti panangitan-okmo kaniak idi addaak iti dennam sakbay a naparsua daytoy lubong.

San Juan 2:22

Isut' gapuna nga idi napagungaren ni Jesus, nalagip dagiti adalanna a sinaona daytoy. Ket namatida iti Nasantoan a Surat ken iti insao ni Jesus.

San Juan 7:39

(Sinao daytoy ni Jesus maipapan iti Espiritu ti Dios a dandanin awaten dagiti namati kenkuana. Ta iti dayta a tiempo, saan pay a naited ti Espiritu, agsipud ta di pay naitan-ok ni Jesus.)

Dagiti Aramid 2:33

Naitan-ok iti makannawan ti Dios nga Amana ket inawatna kenkuana ti Espiritu Santo kas inkarina. Daytoy ti imbuyatna kas makitkita ken mangmangngegyo ita.

Dagiti Aramid 2:36

“Ammoen ngarud ti amin a tattao iti Israel nga awan duadua a daytoy Jesus nga inlansayo iti krus ket pinagbalin ti Dios nga Apo ken Cristo!”

Dagiti Aramid 3:13

Ti Dios da Abraham, Isaac ken Jacob—ti Dios dagiti kapuonantayo—intan-okna ni Jesus nga adipenna, ni Jesus nga inyawatyo kadagiti agtuturay, ket linaksidyo iti saklang ni Pilato uray idi nalpasnan nga inkeddeng ti pannakawayawayana.

Hebreo 12:2

Ditay isinsina ti matatayo ken ni Jesus a pangulo ken mangpunno iti pammati. Saan a naupay ni Jesus gapu iti krus. Ngem gapu iti rag-o nga agur-uray kenkuana, dina pinampanunot ti pannakaibabain iti ipapatay iti krus. Adda itan a situtugaw iti makannawan ti trono ti Dios.

Hebreo 8:1

Daytoy ti kayatmi a sawen: Adda kastoy a Kangatoan a Paditayo a situtugaw iti makannawan ti trono ti Natan-ok nga Ari sadi langit.