San Juan 11:9 - Ti Baro a Naimbag a Damag Biblia

⁹ “Saan aya nga adda sangapulo ket dua nga oras iti agmalem?” kinuna ni Jesus. “Saan a maitibkol ti tao no magna iti aldaw, ta makitana ti silaw ti lubong.

Ti Biblia (1973)

⁹ Simmungbat ni Jesus: awan aya ti sangapulo ket dua nga horas iti aldaw? No ti maysa a tao magna iti aldaw, saan a maitibcol agsipud ta makitana ti lawag daytoy a lubong.

San Juan 11:9 Iomraidhean Croise

Dagiti Proverbio 3:23

Awanto ti pakaan-anoam iti dalanmo ket pulos a dikanto maitibkol.

Jeremias 31:9

Agsangsangitto dagiti tattaok nga agsubli; agkarkararagdanto bayat ti panangyawidko kadakuada. Iturongkonto ida kadagiti agay-ayus a danum; nasimpa a dalan ti pagnaanda tapno dida maitibkol. Siak ti pannakaama ti Israel, ket ni Efraim ti inauna nga anakko.”

San Juan 11:10

Ngem maitibkol no magna iti rabii, ta awan ti lawag kenkuana.”

San Juan 12:35

“Bassit laengen a tiempo ti kaadda ti silaw kadakayo,” insungbat ni Jesus. “Agawaanyo ti agbiag ta adda pay la ti silaw kadakayo tapno dinakayo makamakam ti sipnget. Ta ti magna iti sipnget, dina ammo ti turturongenna.

San Juan 9:4

Masapul nga aramidentayo dagiti ipaaramid ti nangibaon kaniak ta aldaw pay. Dumteng ti rabii ket awan ti makatrabaho.

1 Juan 2:10

Ti agayat iti kabsatna, agtalinaed iti lawag, ket awan kenkuana ti pakaigapuan ti panagbasol ti sabali.