San Juan 11:55 - Ti Baro a Naimbag a Damag Biblia

⁵⁵ Asideg idin ti Fiesta ti Paskua ket adu a tattao a naggapu kadagiti barbarrio ti simmang-at idiay Jerusalem tapno aramidenda ti seremonia ti pannakadalus sakbay ti fiesta.

Ti Biblia (1973)

⁵⁵ Ket ti pascua dagiti Judio asidegen idi: ket adu ti napan sadi Jerusalem a naggapuda cadagiti awaway idi masangoanan ti pascua, tapno aggugorda.

San Juan 11:55 Iomraidhean Croise

Genesis 35:2

Kinasao ngarud ni Jacob ti familiana ken dagiti amin a naikuyog kenkuana. “Ibellengyo dagiti didiosen nga adda kadakayo,” kinunana. “Dalusanyo dagiti bagbagiyo kas mayannurot iti alagaden ket agkaweskayo iti nadalus a pagan-anay.

Ti Libro ni Job 1:5

Tunggal malpas ti padaya, bumangon a masapa ni Job ket agpuor kadagiti daton a maipaay iti pannakadalus dagiti annakna. Naipaugali nga aramidenna daytoy ta kunkunana iti bagina, “Amangan no nagbasol dagiti annakko babaen iti pananglaisda iti Dios iti unegda.”

Dagiti Salmo 26:6

Buggoak dagiti imak a mangipakita nga awan basolko, ket likmutek ti altarmo iti panagdaydayawko kenka, O Apo.

Exodo 19:10

ket kinuna ni Yahweh kenkuana, “Inka kadagiti tattao ket ibagam a dalusanda dagiti bagida ita ken inton bigat tapno agsaganada nga agdaydayaw. Masapul a labaanda dagiti pagan-anayda

Numero 9:10

nga ipakaammona daytoy kadagiti Israelita, “No adda kadakayo wenno dagiti kaputotanyo ti maibilang a narugit gapu ta nagsagid iti bangkay wenno adda iti adayo nga agbibiahe, mabalinna pay laeng a rambakan ti Fiesta ti Paskua.

Numero 9:6

Ngem adda lallaki a maibilang a narugit iti imatang ti linteg ta nakasagidda iti bangkay ti maysa a tao. Gapu iti daytoy, dida mabalin ti makipagrambak iti Paskua iti dayta nga aldaw. Dimmatagda ken ni Moises ken ni Aaron.

San Mateo 26:1

Idi nalpasen nga insuro ni Jesus amin dagitoy a bambanag, kinunana kadagiti adalanna,

San Mateo 26:2

“Ammoyo a dua nga aldaw laengen sakbay ti Fiesta ti Paskua. Mayawatto ti Anak ti Tao tapno mailansa iti krus.”

San Marcos 14:1

Dua pay nga aldaw, dumtengen ti Paskua ken ti Fiesta ti Tinapay nga awan Lebadurana. Agsapsapul dagiti panguloen a papadi ken mamaestro iti Linteg iti nalimed a panangtiliw ken panangpapatayda ken ni Jesus.

San Lucas 22:1

Umasideg idin ti Fiesta ti Tinapay nga awan Lebadurana, a maawagan iti Paskua.

San Juan 12:1

Innem nga aldaw sakbay ti Fiesta ti Paskua idi mapan ni Jesus idiay Betania nga ili ni Lazaro, daydi lalaki a pinagungarna.

San Juan 13:1

Bisperas idi ti Fiesta ti Paskua. Ammo ni Jesus a dimtengen ti oras nga ipapanawna ditoy lubong ken isusublina iti Ama. Inay-ayatna dagiti tattaona ditoy lubong. Wen, ay-ayatenna ida agingga iti panungpalan.

San Juan 18:28

Nasapa pay laeng idi ipanawda ni Jesus iti balay ni Caifas ket impanda iti palasio ti gobernador. Saan a simrek dagiti Judio iti palasio ta dida kayat ti matulawan. Ngamin, no matulawanda, dida mabalin ti mangan iti pangrabii ti Paskua.

San Juan 2:13

Asidegen ti Paskua dagiti Judio, ket napan ni Jesus idiay Jerusalem.

San Juan 2:6

Adda alagaden dagiti Judio maipapan iti panagbuggo. Isut' gapuna nga adda innem a burnay sadiay nga aglaon ti tunggal maysa iti agarup 100 a litro.

San Juan 5:1

Kalpasan daytoy, napan ni Jesus idiay Jerusalem tapno dumar-ay iti maysa a fiesta dagiti Judio.

San Juan 6:4

Asideg idin ti Fiesta ti Paskua dagiti Judio.

Dagiti Aramid 21:24

Kuyogem ida ket aggigiddankayo a mangannong iti seremonia ti pannakadalus. Bayadam ti magastoda tapno mabalinda ti agpakuskos. Iti kasta, maammoan ti amin nga awan gayam ti kinaagpayso ti damagda maipapan kenka, no di ket agbibiagka a kas mayannurot iti Linteg ni Moises.

Dagiti Aramid 21:26

Inkuyog ngarud ni Pablo dagiti lallaki, ket iti sumuno nga aldaw, inaramidda ti seremonia ti pannakadalus. Kalpasanna, simrek iti Templo ket impakaammona no mano nga aldaw ti palabasen sa aggibus ti aldaw ti pannakadalus. Isunton ti pannakaidaton ti sagut a maipaay iti tunggal maysa kadakuada.

Dagiti Aramid 24:18

Kasta ti ar-aramidek idi masarakandak idiay Templo, kalpasan ti panangileppasko iti seremonia ti pannakadalus. Awan ti adu a tao, ket awan met riribuk.

1 Taga-Corinto 11:28

Ngarud, masapul nga umuna nga usigen ti tunggal tao ti bagina sakbay a mangan iti tinapay ken inumanna ti kopa.

Santiago 4:8

Umasidegkay iti Dios, ket umasidegto met ti Dios kadakayo. Dakayo a managbasol, buggoanyo dagiti imayo! Dakayo nga aginsisingpet, dalusanyo dagiti pusoyo!

1 Samuel 16:5

“Wen,” insungbat ni Samuel. “Addaak ditoy tapno mangidatagak iti daton a mapuoran iti Apo. Dalusanyo dagiti bagbagiyo ket kumuyogkayo kaniak.” Pinadalusanna met ni Jesse ken dagiti annakna, ket inimbitaranna ida a dumar-ay iti panagidaton.