San Juan 11:54 - Ti Baro a Naimbag a Damag Biblia

⁵⁴ Isut' gapuna a saanen a nagnagna a silalatak ni Jesus idiay Judea, ngem pimmanaw sadiay ket napan iti asideg ti let-ang, iti ili a managan Efraim. Nagyan sadiay agraman dagiti adalan.

Ti Biblia (1973)

⁵⁴ Ni Jesus ngarud saanen a nagna a nalatac iti yan dagiti Judio; no di ket nanipud idiay napan iti away nga asideg iti let-ang, iti maysa nga ili a managan Efraim: ket nagian idiay agraman dagiti adalanna.

San Juan 11:54 Iomraidhean Croise

2 Samuel 13:23

Napalabas ti dua a tawen. Iti maysa nga aldaw a pappapukisan ni Absalom dagiti karnerona idiay Baal Hazor iti asideg ti Efraim, inawisna dagiti amin a lallaki nga annak ti ari.

2 Cronicas 13:19

Intuloy ni Abias ti panangsunsonna iti armada ni Jeroboam ket sinakupna ti sumagmamano kadagiti siudadna: Betel, Jesana ken Efron, agraman dagiti barrio iti asideg ti tunggal siudad.

San Juan 10:40

Napan manen ni Jesus iti ballasiw ti karayan Jordan, iti disso a namumbuniagan ni Juan ket nagyan sadiay.

San Juan 18:20

Simmungbat ni Jesus, “Nagsaoak a silalatak kadagiti tattao. Masansan a mangisursuroak iti uneg dagiti sinagoga ken iti Templo a paguurnongan dagiti amin a tattao. Awan a pulos ti imbagbagak iti nalimed.

San Juan 7:1

Kalpasan daytoy, sinursor ni Jesus ti Galilea. Dina kinayat ti agdaliasat idiay Judea, ta gandaten a papatayen dagiti papangulo a Judio.

San Juan 7:10

Napan met laeng nakifiesta ni Jesus idi nakapanen dagiti kakabsatna. Ngem saan a nagpadlaw a napan.

San Juan 7:13

Nupay kasta, awan ti nagsao a silalatak maipapan kenkuana ta mabutengda kadagiti papangulo a Judio.

San Juan 7:4

Ta awan ti tao a mangilimed iti aramidna no tarigagayanna ti aglatak. Yantangay ar-aramidem dagitoy, ipakaammom ngarud ti bagim iti entero a lubong!” (