San Juan 11:40 - Ti Baro a Naimbag a Damag Biblia

⁴⁰ “Diak kadi imbaga kenka a no mamatika, makitamto ti dayag ti Dios?” kinuna ni Jesus.

Ti Biblia (1973)

⁴⁰ Ni Jesus cunana kencuana: Diac aya kinuna kenca, a no mamatica, makitam ti dayag ti Dios?

San Juan 11:40 Iomraidhean Croise

2 Cronicas 20:20

Kabigatanna, sinapa dagiti tattao ti napan iti lugar nga awan matagtagitao iti asideg ti Tekoa. Idi agrubbuatda, kinuna ni Jehosafat kadakuada, “Tattao ti Juda ken Jerusalem, agtalekkayo iti Apo a Diosyo, ket sarangtenyonto ti kabusoryo. Patienyo ti ibagbaga dagiti profetana ket agballigikayto.”

Dagiti Salmo 63:2

Agpakitaka kaniak koma iti santuario; maimatangak koma ti bileg ken dayagmo.

Dagiti Salmo 90:16

Ipakitam kadi kadakami nga adipenmo dagiti nakaskasdaaw nga aramidmo. Ipakitam met kadagiti kaputotanmi ti nadayag a pannakabalinmo.

Exodo 16:7

Inton agsapa no bigat, makitayonto ti dayag ti Apo. Nangngegna ti panagsaoyo iti maibusor kenkuana. Wen, isu ti nagsaoanyo iti dakes ta ipatpatungpalmi laeng dagiti bilinna.”

San Mateo 17:20

“Gapu ta bassit ti pammatiyo,” insungbat ni Jesus. “Laglagipenyo a no adda pammatiyo a kas iti kadakkel ti bukel ti mostasa, mabalinyo a kunaen iti daytoy a bantay, ‘Umaliska ket inka sadiay,’ ket umalis. Mabalinyo nga aramiden ti uray ania!”

San Marcos 9:23

“Apay a kunam ‘No kabaelam’? Amin a banag kabaelan ti tao nga adda pammatina,” kinuna ni Jesus.

San Juan 1:14

Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

San Juan 11:4

Idi mangngeg ni Jesus daytoy, kinunana, “Saan nga ipatay ni Lazaro ti sakitna. Maaramid daytoy tapno maidaydayaw ti Dios, ket isunto met ti pakaidayawan ti Anak ti Dios.”

San Juan 12:41

Kinuna ni Isaias daytoy ta nakitana ti dayag ni Jesus, ket nagsao iti maipapan kenkuana.

San Juan 9:3

“Awan ti pakainaigan ti kinabulsek daytoy a tao iti basolna wenno iti basol dagiti nagannak kenkuana,” insungbat ni Jesus. “Bulsek daytoy tapno makita kenkuana ti pannakabalin ti Dios.

Taga-Roma 6:4

Ngarud, idi nabuniagantayo, naikaduatayo ken ni Cristo a naitanem, ket nairanudtayo iti ipapatayna tapno, kas iti pannakapagungar ni Cristo babaen iti nakaskasdaaw a pannakabalin ti Ama, sumurottayo met koma iti baro a panagbiag.

2 Taga-Corinto 3:18

Ngarud, datayo amin nga awan abbong ti rupana, ipakitatayo ti dayag ti Apo. Balbaliwannatayo dayta met laeng a dayag nga aggapu iti Apo nga isu ti Espiritu tapno umaspingtayo kenkuana iti naranraniag pay a dayag.

2 Taga-Corinto 4:6

Ti Dios a nagkuna, “Agraniag ti silaw manipud iti kasipngetan!” ket isu met laeng ti Dios a nangted iti silawna kadagiti pusomi tapno maammoanmi ti dayag ti Dios iti rupa ni Cristo.