San Juan 11:33 - Ti Baro a Naimbag a Damag Biblia

³³ Nakita ni Jesus nga agsangsangit ni Maria ken dagiti tattao a kimmuyog kenkuana. Natignay ti pusona ket kasta unay ti ladingitna.

Ti Biblia (1973)

³³ Idi nakita ngarud ni Jesus nga isu agsangsangit, ken agsangsangit met dagiti Judio nga nanguyog kencuana, nagladingit iti nakemna ket nagsennaay,

San Juan 11:33 Iomraidhean Croise

San Marcos 3:5

Sipupungtot ni Jesus a kimmita kadakuada. Nupay kasta, inay-ayna ida gapu iti kinatangken ti uloda. “Unnatem ta imam,” kinunana iti lalaki. Inunnat ti lalaki ti imana ket immimbag.

San Marcos 9:19

Kinuna ni Jesus kadakuada, “Tattao nga awanan pammati! Kasano pay kabayag ti kaaddak iti dennayo? Kasano pay kabayag ti panaganusko kadakayo? Yegyo man kaniak ta ubing.”

San Juan 11:19

ket adu a taga-Judea ti napan nangliwliwa kada Marta ken Maria gapu iti ipapatay ti kabsatda a lalaki.

San Juan 11:31

Simmurot dagiti tattao nga adda iti balay a mangliwliwa ken ni Maria idi timmakder ken nagdardaras a rimmuar. Impagarupda a mapan agsangit ni Maria iti ayan ti tanem.

San Juan 11:34

“Sadino ti nangitanemanyo kenkuana?” sinaludsod ni Jesus. “Umaymo kitaen, Apo,” insungbatda.

San Juan 11:35

Nagsangit ni Jesus.

San Juan 11:38

Kasta unay manen ti ladingit ni Jesus idi umasideg iti tanem a rukib a naserraan iti bato.

San Juan 12:27

Intuloy ni Jesus ti nagsao: “Ita, mariribukak. Ania ti aramidek? Kunak kadi, ‘Ama, ilisinak koma iti daytoy nga oras’? Ngem daytoy met ti gapu ti immayak tapno lasatek daytoy nga oras ti panagsagaba.

San Juan 13:21

Kasta unay ti pannakariribuk ni Jesus idi nasaonan daytoy ket impalgakna, “Ibagak ti pudno kadakayo: Maysanto kadakayo ti mangliput kaniak.”

Taga-Roma 12:15

Makipagragsakkayo kadagiti agragsak. Makipagsangitkayo kadagiti agsangit.

Hebreo 4:15

Maawatan ti Kangatoan a Padi nga agserserbi kadatayo ti kinakapuytayo. Kas kadatayo, napadas iti amin a kita ti sulisog ngem saan a nagbasol.