San Juan 11:32 - Ti Baro a Naimbag a Damag Biblia

³² Apaman a nakadanon ni Maria iti ayan ni Jesus, nagparintumeng iti sakaananna ket kinunana, “Apo, no addaka koma ditoy idi, saan a natay ni kabsatko!”

Ti Biblia (1973)

³² Ni Maria ngarud idi dimteng idi yan ni Jesus, ket makitana, nagrucnoy cadagiti sacsacana, a cuncunana kencuana: Apo, no addaca coma ditoy idi, saan coma a natay ni cabsatco.

San Juan 11:32 Iomraidhean Croise

San Lucas 17:16

Nagparintumeng iti sangoanan ni Jesus ket nagyaman kenkuana. Samaritano daytoy a lalaki.

San Lucas 5:8

Idi makita ni Simon Pedro ti napasamak, nagparintumeng iti sangoanan ni Jesus ket kinunana, “Apo, adaywannak! Maysaak a managbasol.”

San Lucas 8:41

Ket dimteng ti maysa a tao nga agnagan Jairo, maysa a pangulo iti sinagoga sadiay. Nagrukbab iti sangoanan ni Jesus ket nagpakpakaasi kenkuana a mapan iti balayna.

San Juan 11:2

Daytoy Maria a kabsat ti masakit ti nangibukbok idi iti bangbanglo kadagiti saka ti Apo sana pinunasan iti buokna.)

San Juan 11:21

Kinuna ni Marta ken Jesus, “Apo, no addaka koma ditoy idi, saan a natay ni kabsatko!

San Juan 11:37

Ngem kinuna dagiti dadduma kadakuada, “Saan aya nga isu ti nangted iti panagkita iti daydi lalaki a bulsek? Nabalinanna koma met nga inlisi ni Lazaro iti patay.”

San Juan 4:49

“Apo,” insungbat ti ofisial, “pangngaasim ta umayka amangan no matay ti anakko.”

Paltiing 22:8

Siak ni Juan a nakangngeg ken nakakita kadagitoy a bambanag. Kalpasan ti pannakangngeg ken pannakakitak kadagitoy, nagpaklebak iti sakaanan ti anghel tapno agdaydayawak kenkuana.

Paltiing 5:14

“Amen,” insungbat dagiti uppat a sibibiag a parsua. Ket nagparintumeng dagiti panglakayen sada nagdaydayaw.

Paltiing 5:8

Bayat ti panangalana, nagruknoy dagiti uppat a sibibiag a parsua ken dagiti duapulo ket uppat a panglakayen iti sangoanan ti Kordero. Adda arpa ti tunggal maysa ken balitok a malukong a napno iti insenso nga isu dagiti karkararag dagiti tattao ti Dios.