San Juan 11:28 - Ti Baro a Naimbag a Damag Biblia

²⁸ Apaman a naisao ni Marta daytoy, nagsubli ket inayabanna a sililimed ni Maria a kabsatna. “Adda ni Maestro,” kinunana, “ket paayabannaka.”

Ti Biblia (1973)

²⁸ Ket idi nasaonan daytoy, napan ket inayabanna iti nalimed ni Maria a cabsatna, a cuncunana: Ti Mannursuro adda ditoy ket ayabannaca.

San Juan 11:28 Iomraidhean Croise

Zacarias 3:10

Inton dumteng dayta nga aldaw, agbiagkayto a natalged ken narang-ay, ket tunggal maysa addanto kaubasan ken kaigosanna a pangawisanna kadagiti kaarrubana.”

San Mateo 26:18

Kinunana kadakuada, “Inkayo iti maysa a tao iti siudad ket ibagayo kenkuana, ‘Kuna ti Maestro: Dimtengen ti orasko. Ditanto balaymo ti pangrambakanmi iti Paskua kadagiti adalak.’ ”

San Marcos 10:49

Nagsardeng ni Jesus. “Ayabanyo man ditoy,” kinunana. Inayabanda ngarud ti bulsek. “Agragsakka!” kinunada kenkuana. “Tumakderka, ta paayabannaka.”

San Marcos 14:14

Surotenyo iti balay a serkanna ket kunaenyonto iti akimbalay: ‘Kuna ti Maestro, Sadino ti kuarto a pangananminto kadagiti adalan iti pangrabii ti Paskua?’

San Lucas 22:11

ket kunayo iti akimbalay, ‘Pasaludsod ti Maestro no sadino ti kuarto a panganandanto kadagiti adalanna iti pangrabii iti Paskua.’

San Juan 1:41

Sinapulna a dagus ni Simon a kabsatna ket imbagana kenkuana, “Nasarakanmi ti Mesias!” (Kayatna a sawen, “Cristo.”)

San Juan 1:45

Nasarakan ni Felipe ni Natanael ket kinunana kenkuana, “Nasapulanmi ti tao a sinarita ni Moises iti libro ti Linteg, ken dagiti Profeta. Isu ni Jesus a taga-Nazaret nga anak ni Jose.”

San Juan 10:3

Isu ti ilukatan ti agay-aywan iti ruangan. Denggen dagiti karnero ti timekna no awaganna dagiti nagnaganda, ket iruarna ida.

San Juan 11:20

Idi nadamag ni Marta a sumungsungad ni Jesus, rimmuar a nangsabat kenkuana. Ngem nagbati ni Maria iti uneg ti balay.

San Juan 11:29

Idi mangngeg ni Maria daytoy, rimmuar a dagus a mangsabat ken Jesus. (

San Juan 11:30

Saan pay a nakadanon ni Jesus iti barrio, ta adda pay laeng iti disso a nangsabatan kenkuana ni Marta.)

San Juan 13:13

“Awagandak iti ‘Maestro’ ken ‘Apo,’ ket pudno la ketdi ti kunayo.

San Juan 20:16

“Maria!” kinuna ni Jesus. Simmango ni Maria ket kinunana kenkuana iti Hebreo, “Rabboni!” (Kayatna a sawen, “Maestro.”)

San Juan 21:7

Ti adalan a dinungdungngo ni Jesus kinunana ken ni Pedro, “Isu daytoy ti Apo!” Idi nangngeg ni Simon Pedro nga isu ti Apo, nagbado (ta nakauksob idi) ket timmappuak iti danum.

1 Taga-Tesalonica 5:11

Daytoy ti gapuna nga agpipinnaregta ken agtitinnulongkayo a kas iti ar-aramidenyo.

Hebreo 12:12

Ingatoyo ngarud dagiti naktang nga imayo! Papigsaenyo dagiti nakapsut a tumengyo!