San Juan 11:25 - Ti Baro a Naimbag a Damag Biblia

²⁵ “Siak ti panagungar ken ti biag,” kinuna ni Jesus. “Ti siasinoman a mamati kaniak, uray no matay, agbiagto pay.

Ti Biblia (1973)

²⁵ Cuna kencuana ni Jesus: Siac ti panagungar ken ti biag: ti mamati caniac, uray no matay, agbiagto pay.

San Juan 11:25 Iomraidhean Croise

Dagiti Salmo 36:9

Sika ti pagtaudan ti amin a biag, ket gapu iti silawmo, makitami ti lawag.

Isaias 26:19

Agbiagto manen dagiti natay kadagiti tattaomi! Agbiagto dagiti bangkayda! Agriingto dagiti matmaturog iti tanemda; bumangondanto a mangikankanta iti ragsakda! Kas iti pannakapabang-ar ti daga gapu iti linnaaw, kasta met ti panangpagungar ni Yahweh kadagiti nabayagen a natay.

Isaias 38:16

O Apo, agbiagak a maipaay kenka; wen, sika laeng ti pagpaayak. Isublim ti napukaw a pigsak tapno umatiddog pay daytoy biag.

San Lucas 23:43

Kinuna ni Jesus kenkuana, “Ibagak kenka daytoy: Ita nga aldaw, makipagyankanto kaniak idiay Paraiso.”

San Juan 1:4

Ti Sao isu ti gubbuayan ti biag, ket daytoy a biag isu ti silaw dagiti tattao.

San Juan 14:19

Bassit laengen a tiempo ket dinakto makitan ti lubong, ngem dakayo, makitadakto. Ket gapu ta agbiagak, agbiagkayto met.

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

San Juan 3:16

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

San Juan 3:36

Ti siasinoman a mamati iti Anak maaddaan iti biag nga agnanayon. Siasinoman a di agtulnog iti Anak, dinanto maragpat ti biag, no di ket agtalinaed kenkuana ti pannusa ti Dios.

San Juan 5:21

Ta kas iti panamagungar ti Ama kadagiti natay ket biagenna ida, kasta met a ti Anak ikkanna iti biag dagiti kayatna nga ikkan.

San Juan 5:26

Ta ti Ama met laeng ti pagtaudan ti biag. Pinagbalinna met ti Anakna a pagtaudan ti biag.

San Juan 6:35

Kinuna ni Jesus kadakuada, “Siak ti tinapay ti biag. Ti umay kaniak, dinto mabisinan, ket ti mamati kaniak, dinto mawaw.

San Juan 6:44

“Awan ti makaumay kaniak no saan nga allukoyen ti Ama a nangibaon kaniak; ket pagungarekto inton maudi nga aldaw.

Dagiti Aramid 3:15

Pinatayyo ti mangiturong iti pudno a biag, ngem pinagungar ti Dios, ket dakami ti makapaneknek iti daytoy a banag.

Taga-Roma 4:17

Kas kuna ti Nasantoan a Surat, “Pinagbalinka nga ama ti adu a nasion.” Iti kasta, naimbag ti kari iti imatang ti Dios a pinati ni Abraham, ti Dios a mamagungar kadagiti natay ken mangparsua kadagiti bambanag nga awan babaen iti panagsaona.

Taga-Roma 8:2

Ta ti linteg ti Espiritu a mangted kadatayo iti biag iti kaaddatayo ken ni Cristo Jesus, winayawayaannak iti linteg ti basol ken ti patay.

1 Taga-Corinto 15:18

Kaipapananna pay a sawen a napukawen dagiti natay a nagtalinaed iti pammatida ken ni Cristo.

1 Taga-Corinto 15:29

Ita, anianto ti gunggona dagiti tattao a nabuniagan a maigapu kadagiti natay? Anianto ti namnamaenda a magun-od? No pudno ti kunada a di mapagungar dagiti natay, apay ngarud a mabuniagan dagitoy a tattao maigapu kadagiti natay?

2 Taga-Corinto 4:14

Ammomi a ti Dios a nangpagungar ken ni Apo Jesus, pagungarennakaminto met a kas ken ni Jesus ket ikuyognatayto iti saklangna.

Taga-Filipos 1:23

ta agin-innagaw kaniak dagitoy dua. Tarigagayak unay ti sumina iti daytoy a biag ket tumiponak ken ni Cristo—nasaysayaat daytoy para kaniak.

Taga-Filipos 3:10

Ti la tarigagayak isu ti pannakaammok ken ni Cristo, ti pannakapadasko iti pannakabalin ti panagungarna, ti pannakipagsagabak kenkuana ken ti panagbalinko a kas kenkuana iti ipapatayna,

1 Taga-Tesalonica 4:14

Mamatitayo a natay ni Jesus ngem nagungar met laeng. Isut' gapuna a patientayo nga alaento ti Dios dagiti natay a nagtalinaed iti pammati tapno makipagyanda ken ni Jesus.

Paltiing 1:18

Siak ti sibibiag! Natayak idi, ngem kitaem, sibibiagak iti agnanayon nga awan inggana. Adda kaniak dagiti tulbek ni Patay ken ti Hades.

Paltiing 20:5

(Saan a nagungar dagiti dadduma agingga a di malpas ti 1,000 a tawen.) Daytoy ti umuna a pannakapagungar dagiti natay.

Paltiing 21:4

Punasennanto dagiti luada. Awanton ti patay, ladingit, sangsangit wenno ut-ot agsipud ta limmabasen dagiti immun-una a banag.”

Paltiing 22:1

Impakita pay ti anghel ti karayan ti danum ti biag. Nalitnaw a kas kristal ti danumna nga agubbog manipud iti trono ti Dios ken ti Kordero.

Paltiing 22:17

“Umayka!” kuna ti Espiritu ken ti Babai a Maikallaysa. “Umayka!” kuna met ti amin a makangngeg iti daytoy. Umasideg ti siasinoman a mawaw. Awaten ti siasinoman a mayat ti danum ti biag a kas sagut.