San Juan 11:11 - Ti Baro a Naimbag a Damag Biblia

¹¹ Kalpasan ti panangibaga ni Jesus iti daytoy, insarunona a kinuna, “Matmaturog ni gayyemtayo a Lazaro, ngem innak riingen.”

Ti Biblia (1973)

¹¹ Sinaona dagitoy: ket calpasanna, cunana cadacuada: Ni Lazaro a gayyemtayo matmaturog; ngem innac tapno riingec iti turogna.

San Juan 11:11 Iomraidhean Croise

2 Ar-ari 4:31

Immun-una a simmangpet ni Gehazi iti balay ti Sunamita. Iniggamanna ti sarukod iti ngatoen ti ubing ngem awan ti uni wenno aniaman a pakakitaan a sibibiag. Iti kasta, nagsubli a napan nangsabat ken ni Eliseo ket kinunana, “Saan a mariing ti ubing.”

2 Cronicas 20:7

Sika ti Diosmi. Idi dumteng dagiti tattaom nga Israelita iti daytoy a daga, pinagtalawmo dagiti agnanaed ditoy samo inted ti daga kadagiti kaputotan ni Abraham a gayyemmo tapno tagikuaenda iti agnanayon.

Exodo 33:11

Makisao ken ni Moises iti sangonsango a kas iti pannakisao ti maysa a tao iti gayyemna. Agsubli met laeng ni Moises iti kampo ngem agbati iti uneg ti Tolda ti agtutubo a katulongan ni Moises, ni Josue nga anak ni Nun.

Isaias 41:8

“Ngem sika, Israel nga adipenko, sika, Jacob a pinilik, dagiti kaputotan ni Abraham a gayyemko.

Daniel 12:2

Adunto kadagiti natay ti agbiagto manen. Agbiagto iti agnanayon ti dadduma kadakuada, ket dagiti dadduma, iti agnanayon a pannakaibabain.

San Mateo 27:52

naglukat dagiti tanem, ket napagungar dagiti adu a nasantoan a tattao.

San Mateo 9:24

kinunana, “Rummuarkayo amin! Saan a natay ti ubing—matmaturog laeng.” Kinatkatawaanda ni Jesus.

San Marcos 5:39

Simrek ni Jesus ket kinunana kadakuada, “Apay nga umariwawakayo? Apay nga agdungdung-awkayo? Saan a natay ti balasitang; matmaturog laeng!”

San Juan 11:10

Ngem maitibkol no magna iti rabii, ta awan ti lawag kenkuana.”

San Juan 11:12

“Apo,” insungbat dagiti adalan, “no matmaturog laeng, umimbagto.”

San Juan 11:13

Kayat a sawen ni Jesus a natayen ni Lazaro ngem impagarupda a nagsao maipapan iti gagangay a pannaturog.

San Juan 11:3

Nangibaon ngarud dagiti agkabsat iti mangipakaammo ken ni Jesus. “Apo,” pinaibagada, “masakit ti patpatgem a gayyem.”

San Juan 3:29

Ti nobio ti akinkukua iti nobia; ti gayyem ti nobio agsiput ken agdengngeg ket maragsakan no mangngegna ti timek ti nobio. Ngarud, naan-anayen ti ragsakko.

Dagiti Aramid 7:60

Nagparintumeng ket impukkawna, “Apo, dimo koma ipabasol daytoy kadakuada.” Ket natay apaman a naisaona daytoy.

1 Taga-Corinto 15:18

Kaipapananna pay a sawen a napukawen dagiti natay a nagtalinaed iti pammatida ken ni Cristo.

1 Taga-Corinto 15:34

Agsublikay iti nasayaat a panunotyo ket dikay agbasolen. Ibagak nga agbain koma ti sumagmamano kadakayo a di makaammo iti Dios.

1 Taga-Corinto 15:51

Ibagak kadakayo daytoy a palimed: saantayto a matay amin, ngem mabalbaliwantayto amin iti apagdarikmat,

Taga-Efeso 5:14

Ta ti aniaman a maipalgak a silalawag agbalin a lawag. Daytoy ti gapuna a makunkuna, “Agriingka, sika a matmaturog, Bumangonka ken ni patay! Ket lawagannakanto ni Cristo.”

Deuteronomio 31:16

Kinuna ni Yahweh ken ni Moises, “Asidegen ti ipapataymo ket kalpasan ti ipapataymo, tallikudandakto dagiti tattao ket salungasingenda ti katulaganmi. Baybay-andakto ket agdaydayawdanto kadagiti didiosen dagiti pagano iti daga a dandanidan sakupen.

1 Taga-Tesalonica 5:10

a natay gapu kadatayo tapno makipagbiagtayo kenkuana, sibibiagtayo man wenno nataytayton inton umay.

Santiago 2:23

Ket pimmudno ti maysa a paset ti Nasantoan a Surat: “Namati ni Abraham iti Dios, ket imbilang ti Dios a nalinteg gapu iti pammatina.” Isut' gapuna a naawagan ni Abraham a “gayyem ti Dios.”