San Juan 10:7 - Ti Baro a Naimbag a Damag Biblia

⁷ Kinuna manen ni Jesus kadakuada, “Ibagak ti pudno kadakayo: Siak ti ruangan a pagserkan dagiti karnero.

Ti Biblia (1973)

⁷ Kinuna manen, ngarud ni Jesus cadacuada; Pudno, pudno cunac cadacayo, siac ti ruangan dagiti carnero.

San Juan 10:7 Iomraidhean Croise

Dagiti Salmo 100:3

Bigbigenyo a ti Apo ket Dios. Isu ti namarsua kadatayo, ket kukuanatayo. Wen, tattaonatayo, ket datayo ti arbanna.

Dagiti Salmo 79:13

Dakami a tattaom, dakami a karnero iti arbanmo, agnanayon nga agyamankamto kenka, ket idaydayawdakanto iti amin a tiempo.

Dagiti Salmo 95:7

Isu ti Diostayo; datayo dagiti tattaona nga ay-aywananna, ti arban a tartaraonanna. Ita nga aldaw, denggenyo ti ibagana:

Isaias 53:6

Mayarigtay amin iti karnero a napukaw, nagturong ti tunggal maysa iti kinaykayatna. Ngem impabaklay ti Apo kenkuana ti dusa a maipatay koma kadatayo.

Ezekiel 34:31

“Dakayo a karnerok, ti arban a tartaraonak, tattaokayo ket siak ti Diosyo,” kuna ti Apo a Dios.

Ezekiel 36:38

Mapnonto iti tattao dagiti narba a siudad; mapnodanto a kas iti pannakapno ti Jerusalem kadagiti karnero a mapuoran a kas daton iti aldaw ti fiesta. Ket maammoandanto a siak ni Yahweh.”

San Juan 10:1

Sinarita ni Jesus daytoy a pangngarig kadakuada: “Ibagak ti pudno kadakayo: Ti tao a saan a sumrek iti ruangan ti pagaponan dagiti karnero, ngem kumalay-at ketdi iti sabali a pagnaan, maysa a mannanakaw ken tulisan.

San Juan 10:9

“Siak ti ruangan. Maisalakanto ti siasinoman a sumrek kaniak; sumrek ken rummuarto ket makasarakto iti pagaraban.

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

Taga-Efeso 2:18

Gapu ken Cristo, mabalintay amin ti umasideg iti Ama, Judio man wenno Hentil, babaen iti maymaysa nga Espiritu.