San Juan 10:28 - Ti Baro a Naimbag a Damag Biblia

²⁸ Ikkak ida iti biag nga agnanayon, ket pulos a didanto matay. Awan ti makarabsut kadakuada kaniak.

Ti Biblia (1973)

²⁸ Ket siac iccac ida ti biag nga agnanayon: ket didanto mapucaw uray caano, ket awanto ti mangrabsut cadacuada itoy imac.

San Juan 10:28 Iomraidhean Croise

Ti Libro ni Job 17:9

Dagiti agkuna a nataknengda, umad-adda ti panangipapanda a nalintegda.

Dagiti Salmo 31:5

Kadagita imam, italekko toy kararuak. Sikanto, O Apo, ti mangisalakan kaniak; ta Dioska a mapagtalkan.

Dagiti Salmo 37:28

Ayaten ti Apo ti hustisia, dina baybay-an dagiti napudno a tattaona. Salaknibanna ida nga awan inggana, ngem mapagtalawto ti kaputotan dagiti managdakdakes.

Dagiti Proverbio 24:16

Uray no mamin-ano a matuang ti nalinteg, bumangon latta. Ngem dadaelen ti didigra ti managdakdakes.

Dagiti Proverbio 4:18

Mayarig iti bannawag ti dalan a pagnaan dagiti nalinteg. Rumaniag a rumaniag agingga a makatangkayagen ti init.

Isaias 27:3

“Siak ti mangtartaripato iti daytoy a kaubasan. Sibsibogak. Aldaw-rabii a guardiaak tapno awan ti mangan-ano.

Isaias 45:17

Ngem insalakan ni Yahweh ti Israel, ket agnanayon ti balligina; pulos a dinto maibabain dagiti tattaona.’”

Isaias 54:17

Ngem awanto ti armas a makasugat kenka, ket no adda pakaidarumam, addanto latta sungbatmo a nakasagana. Salaknibakto dagiti adipenko, ket pagballigiekto ida.” Daytoy ti sao ti Apo.

Isaias 55:3

“Ipangagdak ita, dakay a tattaok, ket umaykayo kaniak; umaykayo ket maaddaankayto iti biag. Makitulagak kadakayo iti agnanayon a tulag, ket itedkonto kadakayo dagiti bendision nga inkarik ken ni David.

Jeremias 23:4

Mangisaadakto kadagiti agtuturay a mangaywan kadakuada. Saandanton a mabuteng wenno agamak dagiti tattaok ket saankonton a dusaen ida. Siak, ni Yahweh, ti nagsao iti daytoy.”

Jeremias 31:3

nagparangak kadakuada manipud iti adayo. Tattao ti Israel, inay-ayatkayo ket itultuloyko nga ipakita ti napudno a panagayatko kadakayo.

Jeremias 31:34

Saanton a masapul nga isuroda dagiti kaarruba ken kailianda a mangammo ken ni Yahweh. Ammodakto amin a tattao, natan-ok man wenno nanumo. Pakawanekto dagiti basolda, ket lipatekton dagiti dakes nga inaramidda. Siak, ni Yahweh, ti nagsao iti daytoy.”

Jeremias 32:40

Makitulagakto kadakuada ket agnanayonto daytoy a tulag: diakto sumardeng nga agaramid iti naimbag kadakuada. Isurokto ida nga agbuteng kaniak iti amin a pusoda tapno saandak a tallikudan.

San Marcos 13:22

Ta agparangto dagiti sinan-cristo ken dagiti sinan-profeta, ket agipakitadanto kadagiti pagilasinan ken datdatlag tapno yaw-awanda dagiti pinili ti Dios.

San Lucas 23:46

Nagpukkaw ni Jesus iti napigsa: “Ama, kadagita imam yawatko ti espirituk!” Apaman a nasaona daytoy, nauyosen ti biagna.

San Juan 10:29

Natantan-ok ti inted kaniak ni Amak ngem dagiti isuamin, ket awan ti makarabsut kadakuada iti panangaywan ti Ama.

San Juan 11:25

“Siak ti panagungar ken ti biag,” kinuna ni Jesus. “Ti siasinoman a mamati kaniak, uray no matay, agbiagto pay.

San Juan 14:19

Bassit laengen a tiempo ket dinakto makitan ti lubong, ngem dakayo, makitadakto. Ket gapu ta agbiagak, agbiagkayto met.

San Juan 17:2

Ta inikkam iti pannakabalin nga agturay kadagiti amin a tattao tapno ikkanna met iti biag nga agnanayon dagiti amin nga intedmo kenkuana.

San Juan 18:9

Kinunana daytoy tapno matungpal daydi sinaona: “Ama, awan ti uray maysa a napukaw kadagiti intedmo kaniak.”)

San Juan 3:36

Ti siasinoman a mamati iti Anak maaddaan iti biag nga agnanayon. Siasinoman a di agtulnog iti Anak, dinanto maragpat ti biag, no di ket agtalinaed kenkuana ti pannusa ti Dios.

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

San Juan 5:24

“Ibagak ti pudno kadakayo: Ti siasinoman a dumngeg kadagiti saok ken mamati iti nangibaon kaniak, maaddaan iti biag nga agnanayon. Saanton a maukom, no di ket nalasatnan ni patay ket simreken iti biag.

San Juan 6:27

“Dikay agbannog gapu iti taraon a madadael. Agbannogkayo ketdi gapu iti taraon nga agpaut iti biag nga agnanayon. Daytoy ti taraon nga itedto kadakayo ti Anak ti Tao, ta inted ti Dios Ama kenkuana ti yaanamongna.”

San Juan 6:37

Umayto kaniak dagiti amin nga ited ni Amak. Ket ti umay kaniak, diakto pagtalawen.

San Juan 6:47

“Ibagak kadakayo ti pudno: Ti mamati adda biagna nga agnanayon.

San Juan 6:68

“Apo,” insungbat ni Simon Pedro, “siasino pay aya ti papananmi? Adda kenka dagiti sao a makaited iti biag nga agnanayon.

Dagiti Aramid 7:59

Idi ub-uborenda ni Esteban, nagkararag iti Apo ket kinunana, “Apo Jesus, awatem toy kararuak!”

Taga-Roma 5:17

Agpayso a gapu iti basol ti maysa a tao, nagturay ni patay, ngem ad-adda pay a gapu iti inaramid ni Jesu-Cristo, agturay iti biag dagiti amin nga umawat iti nawadwad a parabur ken sagut ti kinalinteg.

Taga-Roma 5:2

Nayasidegtayo babaen iti pammati iti parabur ti Dios ket daytoy ita ti laklak-amentayo. Agrag-otayo ngarud iti namnama a mairanudtayo iti dayag ti Dios!

Taga-Roma 5:21

Ngarud, kas ti panagturay ti basol babaen ken ni patay, kasta met ti panagturay ti parabur ti Dios babaen iti kinalinteg a mangiturong kadatayo iti biag nga agnanayon babaen ken ni Jesu-Cristo nga Apotayo.

Taga-Roma 5:9

Babaen iti darana, napalintegtayon iti sangoanan ti Dios. Ad-adda pay ngarud a maisalakantayto gapu kenkuana.

Taga-Roma 6:23

Ta patay ti supapak ti basol. Ngem biag nga agnanayon ti isagut ti Dios gapu iti pannakikaykaysatayo ken ni Cristo Jesus nga Apotayo.

Taga-Roma 8:1

Ngarud, saan a masentensiaan a madusa dagiti agbibiag ken ni Cristo Jesus.

Taga-Roma 8:29

Dagiti pinili idin ti Dios, tinudinganna met ida nga agbalin a kas iti Anakna tapno agbalin ti Anak nga inauna kadagiti adu nga agkakabsat.

Deuteronomio 33:3

Ayaten ti Apo dagiti tattaona, ket salaknibanna dagiti kukuana. Agrukbabtayo ngarud iti sakaananna, ket tungpalentayo dagiti bilinna.

Taga-Filipos 1:6

Kapkapnekak a ti Dios a nangirugi iti daytoy naimbag nga aramid kadakayo, ileppasna agingga iti Aldaw a panagsubli ni Cristo Jesus.

2 Taga-Tesalonica 2:13

Masapul a kanayon nga agyamankam iti Dios gapu kadakayo, kakabsat, dakayo nga ay-ayaten ti Apo. Ta dakayo ti pinili ti Dios kas umuna a maisalakan babaen iti bileg ti Espiritu a mangpasanto kadakayo ken babaen iti pammatiyo iti kinapudno.

1 Timoteo 1:16

Daytoy ti gapuna a kinaasiannak ti Dios tapno iparangarang ni Cristo Jesus ti di agpatingga nga anusna kaniak, siak a kadadaksan a managbasol, tapno agserbiak nga ulidan kadagiti amin a mamatinto kenkuana, ket awatenda ti biag nga agnanayon.

2 Timoteo 1:12

Daytoy ti gapuna a sagsagabaek dagitoy. Ngem saanak a maupay, agsipud ta ammok no siasino ti pinatik ket awan duaduak a kabaelanna nga aywanan ti intalekna kaniak agingga iti dayta nga Aldaw.

Hebreo 7:25

Isut' gapuna a kabaelanna nga isalakan dagiti umasideg iti Dios babaen kenkuana agsipud ta agbiag nga agnanayon a mangibabaet kadakuada iti Dios.

1 Pedro 1:5

Agpaay dagitoy kadakayo. Babaen iti pammati, aywanannakayo ti Dios agingga a dumteng ti pannakaisalakan a naisagana a maipaduyakyak iti kamaudianan a tiempo.

1 Juan 1:2

Idi naiparangarang daytoy a biag, nakitami; iti kasta, paneknekan ken ipakaammomi kadakayo ti naipakaammo kadakami maipapan iti agnanayon a biag nga addan idi iti Ama.

1 Juan 2:19

Nupay no kaduatayo idi dagitoy a tattao, pinanawandatayo agsipud ta iti kinapudnona, saantayo a kadua ida. No kaduatayo ida, nakipagtaengda koma kadatayo. Ngem pimmanawda tapno nalawag a makita nga awan kaduatayo kadakuada.

1 Juan 2:25

ket daytoy ti inkari ni Cristo kadatayo—ti biag nga agnanayon.

1 Juan 5:11

Daytoy ngarud ti pammaneknek: Inikkannatayo ti Dios iti biag nga agnanayon, ket masarakan daytoy a biag iti Anakna.

San Judas 1:1

Kadakayo nga inayaban ti Dios ken agbibiag iti ayat ti Dios Ama ken iti panangsalaknib ni Jesu-Cristo: Sapay koma ta adda kadakayo ti naan-anay nga asi, talna ken ayat. Naggapu daytoy a surat ken ni Judas nga adipen ni Jesu-Cristo ken kabsat ni Santiago.

San Judas 1:21

Agtalinaedkayo iti ayat ti Dios. Agpannuraykay iti kaasi ni Apotayo a Jesu-Cristo a mangted kadakayo iti biag nga agnanayon.

San Judas 1:24

Madaydayaw koma ti Dios a mangaywan kadakayo tapno saankayo a matnag. Isu met ti mangidatag kadakayo a sidadalus ken siraragsak iti sangoananna. Iti maymaysa a Dios a Mangisalakan kadatayo babaen ken ni Apotayo a Jesu-Cristo, maited koma ti dayag, tan-ok, pannakabalin ken turay, manipud idi ugma, ita, ken iti agnanayon! Amen.

1 Samuel 2:9

“Salaknibanna ti biag dagiti napudno a tattaona, ngem mapukaw ti managdakdakes iti kasipngetan; saan nga agballigi ti tao babaen iti bukodna a pigsa.