San Juan 10:25 - Ti Baro a Naimbag a Damag Biblia

²⁵ “Imbagakon kadakayo,” insungbat ni Jesus, “ngem didak met patien. Dagiti aramidko babaen iti turay ni Amak ti mangpaneknek iti maipapan kaniak.

Ti Biblia (1973)

²⁵ Simmungbat cadacuada ni Jesus: Imbagac cadacayo ket dicay mamati: dagiti aramid nga aramidec iti nagan ni Amac, dagita ti mangpanecnec iti maipapan caniac.

San Juan 10:25 Iomraidhean Croise

San Juan 10:32

“Adu ti naimbag nga aramid nga impaaramid kaniak ti Ama iti imatangyo,” kinuna ni Jesus kadakuada. “Ania kadagitoy ti gapu a panguboranyo kaniak?”

San Juan 10:37

No diak ar-aramiden dagiti aramid ni Amak, saan koma a masapul a patiendak.

San Juan 10:38

Ngem no aramidek ida, uray no didak patien, patienyo koma dagiti ar-aramidko tapno mapaneknekanyo nga adda ti Ama kaniak, ket addaak iti Ama.”

San Juan 11:47

Iti kasta, nakitaripnong dagiti Fariseo ken panguloen a papadi kadagiti kamkameng ti Sanhedrin. “Ania ti aramidentayo?” kinunada. “Adu ti nakaskasdaaw nga ar-aramiden daytoy a tao!

San Juan 12:37

Uray no inaramidna amin dagitoy a milagro iti imatangda, saanda a namati kenkuana

San Juan 14:11

Mamatikayo nga addaak iti Ama ket adda met ni Ama kaniak; no saan, mamatikayo gapu kadagitoy nga aramid.

San Juan 20:30

Adu pay dagiti milagro nga inaramid ni Jesus iti imatang dagiti adalanna, ngem saan a naisurat iti daytoy a libro.

San Juan 3:2

Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

San Juan 7:31

Nupay kasta, adu kadagiti tattao ti namati kenkuana. “Inton umay ti Cristo, agaramidto ngata iti ad-adu a milagro ngem ti inaramid daytoy a tao?” kinunada.

San Juan 8:12

Nagsao manen ni Jesus kadagiti Fariseo, “Siak ti silaw ti lubong,” kinunana. “Siasinoman a sumurot kaniak maaddaan iti silaw ti biag, ket dinto magna iti kasipngetan.”

San Juan 8:24

Isut' gapuna a kinunak kadakayo a mataykayto kadagiti basbasolyo. Wen, mataykayto kadagiti basbasolyo no dikay mamati a ‘Siak’ ti ibagbagak.”

San Juan 8:56

Nagragsak ni Abraham nga amayo ta ninamnamana a makita ti aldawko; nakitana ket naragsakan.”

San Juan 8:58

Kinuna ni Jesus, “Ibagak ti pudno kadakayo: Sakbay a nayanak ni Abraham, addaakon.”

Dagiti Aramid 10:38

“Ammoyo ti maipapan ken ni Jesus a taga-Nazaret, ken ti panangkonsagrar ti Dios kenkuana babaen iti pannangtedna kenkuana iti Espiritu Santo ken pannakabalin. Iti sadinoman a lugar a napanan ni Jesus, nagar-aramid iti naimbag ken nangpapaimbag kadagiti pinarparigat ti Diablo, gapu ta adda kenkuana ti Dios.

Dagiti Aramid 2:22

“Kakabsat nga Israelita, denggenyo dagitoy innak ibalikas! Nadiosan a panggep ti nakaibaonan ni Jesus a taga-Nazaret. Napaneknekan kadagiti milagro, datdatlag ken pagilasinan nga inaramid ti Dios babaen kenkuana. Ammoyo daytoy ta naaramidda iti imatangyo.

Hebreo 2:3

Kasanonto ngarud ti panaglisitayo no ditay ikankano daytoy a naindaklan a pannakaisalakan? Ti Apo a mismo ti immuna a nangipakaammo iti daytoy a pannakaisalakan. Dagiti nakangngeg kenkuana ti nangpatalged kadatayo a pudno daytoy.