San Juan 10:20 - Ti Baro a Naimbag a Damag Biblia

²⁰ Adu kadakuada ti nagkunkuna, “Linuganan ti demonio. Agmauyong! Apay a dumngegkayo kenkuana?”

Ti Biblia (1973)

²⁰ Ket adu cadacuada kinunada: Adda sairona, ket mauyong; apayapay denggenyo?

San Juan 10:20 Iomraidhean Croise

Isaias 53:8

Natiliw ken naikeddeng a madusa, ket naipanaw a mapapatay; awan ti nangay-ay iti gasatna. Napapatay gapu kadagiti basol ti sangkataoan.

Jeremias 29:26

“Pinagbalinnaka ti Apo a padi a kas sukat ni Jehoyada, ket sikan ti pangulo nga ofisial iti Templo. Pagrebbengam a kawaran ken pabaklayan iti landok ti tunggal mauyong nga aginkukuna a profeta.

San Mateo 10:25

Ngarud, mapnek koma ti agad-adal no agbalin a kas iti maestrona; kasta met ti adipen, no agbalin a kas iti apona. No Beelzebub ti ipanaganda iti pangulo ti maysa a familia, naal-alasto pay ti maipanagan kadagiti kamkameng ti familiana.”

San Mateo 11:18

“Immay ni Juan ket nagay-ayunar ken saan nga immin-inum iti arak, ket kunkuna dagiti tattao nga isu ket linuganan ti demonio.

San Mateo 9:34

Ngem kinuna dagiti Fariseo, “Ti pangulo dagiti demonio ti mangmangted kenkuana iti pannakabalin a mangpaksiat kadagiti demonio.”

San Marcos 3:21

Apaman a nadamag daytoy dagiti kabagianna, napanda iti ayan ni Jesus tapno ipanawda. “Agmauyongen,” kunkuna ngamin dagiti tattao.

San Juan 7:20

“Agmauyongka!” insungbat dagiti tattao. “Siasino ti agpanggep a mangpapatay kenka?”

San Juan 8:52

“Ita, mapnekkamin nga adda demoniom!” kinuna dagiti Judio. “Natay ni Abraham kasta met dagiti profeta, ngem kunam a dinto matay ti siasinoman a mangtungpal iti saom.

Dagiti Aramid 26:24

Iti kasta a panangikalintegan ni Pablo iti bagina, binugkawan ni Festo a kunana, “Agmauyongka, Pablo. Pagmauyongennaka ti adu nga adalmo.”