San Juan 10:16 - Ti Baro a Naimbag a Damag Biblia

¹⁶ Adda pay dagiti karnerok nga awan ditoy a pagaponan. Masapul nga yaponko met ida. Ipangagdanto ti timekko, ket agbalindanton a maymaysa nga arban nga aywanan ti maymaysa a pastor.

Ti Biblia (1973)

¹⁶ Adda met sabsabali a carneroc a saanda a naitipon itoy a pagtaracnan: dagidiay masapul nga iyegco ket denggendanto ti timecco; ket addanto maymaysa nga arban, ken maymaysa a pastor.

San Juan 10:16 Iomraidhean Croise

Genesis 49:10

Ikutan ni Juda ti setro, agnanayon nga agturay dagiti kaputotanna. Yegto dagiti nasion dagiti sagut a pagbayadda kenkuana. Ket agtamedda a mangipakita iti panagtulnogda.

Dagiti Salmo 86:9

Umayto dagiti amin a nasion a pinarsuam, ket agrukbabdanto iti sangoanam. Idaydayawdanto ti naganmo.

Eclesiastes 12:11

Mayarig dagiti pagsasao dagiti masirib kadagiti natirad a kayo a pagabog dagiti agpaspastor kadagiti karnero. Inted ti Dios ti kakaisuna a Pastortayo amin.

Isaias 11:10

Iti dayta nga aldaw, maibayogto ti ramut ni Jesse ket maibilangto a pagilasinan dagiti nasion. Aguummongdanto iti naarian a siudadna ket ipaaydanto ti pammadayaw kenkuana.

Isaias 43:6

Bilinekto ti amianan a palubosanna ida, ibagakto iti abagatan a dina igawid ida. Palubosanyo nga agsubli dagiti tattaok manipud kadagiti adayo a daga, manipud iti amin a suli ti lubong agawidda.

Isaias 49:6

Kinuna ti Apo kaniak, “Adda nangnangruna a trabaho nga ipaaramidko kenka nga adipenko! Saanmonto la nga isubli ti kinatan-ok dagiti Israelita a nakalasat, ngem pagbalinenkanto pay a silaw kadagiti pagilian— tapno maisalakan ti sangalubongan.”

Isaias 52:10

Aramaten ti Apo ti bilegna a nasantoan; isalakanna dagiti tattaona, ket makita ti sangalubongan.

Isaias 56:8

Inkari ni Apo Dios kadagiti tattaona nga Israelita, isuda nga inyawidna manipud iti nakaibellenganda a kas balud, nga ad-adunto pay dagiti yegna a tattao a tumipon kadakuada.

Ezekiel 34:12

kas iti panangaywan ti agpaspastor kadagiti nawarawara a karnerona a naummong manen. Alaekto ida kadagiti amin a lugar a nakaiwarawaraanda iti daydi nasipnget ken nakabutbuteng nga aldaw.

Ezekiel 34:23

Itedkonto kadakuada ni David nga adipenko a pastorda a kakaisuna ket aywanannanto ida.

Ezekiel 34:6

Ngarud, nagtawataw dagiti karnerok kadagiti nangato a turod ken kabambantayan. Naiwaraswarasda iti rabaw ti daga ket awan ti nangbirok wenno nangsapul kadakuada.’

Ezekiel 37:22

Pagmaymaysaekto ida a kas maysa a nasion iti daga, kadagiti bantay ti Israel. Maymaysanton ti ari a mangituray kadakuada ta didanton mabingay iti dua a pagarian.

Ezekiel 37:24

Ninto adipenko a David ti arida. Agmaymaysadanto iti babaen ti maysa a mangituray ket tungpalendanto a sipapasnek dagiti lintegko.

Oseas 1:10

Umadunto dagiti Israelita. Kasdanto iti darat ti taaw a saan a marukod wenno mabilang ti kaaduda. Kuna ti Dios kadakuada, “Saan a dakayo dagiti tattaok,” ngem umayen ti aldaw a kunana kadakuada, “Dakayo ti annak ti sibibiag a Dios!”

Zacarias 2:11

Iti dayta a tiempo, adunto a nasion ti kumamang iti Apo ket agbalindanto a tattaona. Makipagnaedto kadakayo, ket maammoanyonto nga imbaonnak kadakayo.

San Mateo 17:5

Agsasao pay laeng ni Pedro idi adda naraniag nga ulep a nanglinong kadakuada. Adda timek a naggapu iti ulep a nagkuna, “Daytoy ti Anakko a dungdungngoek ken pakaragsakak unay. Dumngegkayo kenkuana!”

San Lucas 15:8

Intuloy ni Jesus, “Wenno kas pangarigan, adda sangapulo a bagi ti pirak ti maysa a babai, ket no mapukawna ti maysa, ania ti aramidenna? Gangtanna ti pagsilawan, sagadanna ti balayna, ket agbirok a sipapasnek agingga a masapulanna.

San Juan 10:11

“Siak ti naimbag a pastor. Ti naimbag a pastor itedna ti biagna nga agpaay kadagiti karnerona.

San Juan 10:2

Ti sumrek iti ruangan, isu ti pastor dagiti karnero.

San Juan 10:27

Denggen dagiti karnerok ti timekko. Ammok ida, ket surotendak.

San Juan 10:3

Isu ti ilukatan ti agay-aywan iti ruangan. Denggen dagiti karnero ti timekna no awaganna dagiti nagnaganda, ket iruarna ida.

San Juan 10:4

No mairuarnan dagiti karnero, magna iti sangoda ket sumurotda kenkuana, agsipud ta mailasinda ti timekna.

San Juan 10:5

Saanda a sumurot iti ganggannaet no di ket itarayanda, agsipud ta saanda a mailasin ti timekna.”

San Juan 11:52

ket saan laeng a gapu kadakuada no di ket tapno pagkaykaysaenna amin dagiti naiwaraswaras nga annak ti Dios.)

San Juan 17:20

“Saan laeng nga is-isuda ti idawdawatak. Idawdawatak met dagiti mamati kaniak gapu iti mensaheda.

San Juan 6:37

Umayto kaniak dagiti amin nga ited ni Amak. Ket ti umay kaniak, diakto pagtalawen.

Dagiti Aramid 15:14

Kaipalpalawag ni Simon ti panangipakita ti Dios iti panangipategna kadagiti Hentil, babaen iti panangpilina kadagiti tattao a maipaay iti naganna.

Dagiti Aramid 18:10

ta addaak kenka. Awanto ti mangranggas kenka, agsipud ta adu ti taok iti daytoy a siudad.”

Dagiti Aramid 22:14

“‘Pinilinaka ti Dios dagiti kapuonantayo,’ kinunana, ‘tapno maammoam ti pagayatanna, tapno makitam ti nalinteg nga Adipenna ken tapno mangngegmo ti mismo a timekna.

Taga-Roma 11:25

Adda palimed, kakabsatko, a kayatko a maammoanyo tapno diyo ipagarup a masiribkayo. Daytoy ti palimed: Agpatingganto ti panagsukir dagiti Israelita, ngem santo la agpatingga inton makompleto ti bilang dagiti Hentil a mamati iti Dios.

2 Taga-Tesalonica 2:13

Masapul a kanayon nga agyamankam iti Dios gapu kadakayo, kakabsat, dakayo nga ay-ayaten ti Apo. Ta dakayo ti pinili ti Dios kas umuna a maisalakan babaen iti bileg ti Espiritu a mangpasanto kadakayo ken babaen iti pammatiyo iti kinapudno.

Hebreo 13:20

Pinagungar ti Dios ni Apotayo a Jesus a nagbalin a Naindaklan a Pastor dagiti karnero gapu iti ipapatayna a kas daton a nangpatalged iti agnanayon a tulag. Sapay koma ta ti Dios a gubbuayan ti talna ipaayna kadakayo ti amin a naimbag a banag a kasapulanyo tapno maaramidyo ti pagayatanna. Sapay koma ta aramidenna kadatayo ti makaparagsak kenkuana babaen ken ni Jesu-Cristo, isu a madaydayaw iti agnanayon nga awan inggana! Amen.

1 Pedro 2:10

Saankay idi a tattao ti Dios, ngem ita tattaonakayon. Diyo ammo idi ti kaasi ti Dios, ngem ita inawatyon ti kaasina.

1 Pedro 2:25

Mayarigkay idi kadagiti karnero a nayaw-awan. Ngem ita, naisublikayon a sumurot iti Pastor ken Agaywan kadagiti kararuayo.

1 Pedro 5:4

Ket inton agparang ti Pangulo a Pastor, awatenyonto ti nadayag a korona a dinto agpukaw ti raniagna.

Paltiing 3:20

Denggem, addaak nga agtatakder iti ruar ket agtuktuktokak iti ruangan. No adda makangngeg iti timekko ket luktanna ti ruangan, sumrekakto iti balayna ket agkalanglangkamto a mangan.