San Juan 10:11 - Ti Baro a Naimbag a Damag Biblia

¹¹ “Siak ti naimbag a pastor. Ti naimbag a pastor itedna ti biagna nga agpaay kadagiti karnerona.

Ti Biblia (1973)

¹¹ Siac ti naimbag a pastor: ti naimbag a pastor itedna ti biagna gapu cadagiti carnerona.

San Juan 10:11 Iomraidhean Croise

2 Samuel 24:17

Nakita ni David ti anghel, ket kinunana ken ni Yahweh, “Siak ti nagbasol. Siak ti nagaramid iti dakes. Ania aya ti inaramid dagitoy nanumo a tattao? Siak ken ti familiak ti rumbeng a dusaem.”

Dagiti Salmo 23:1

Apo, sika ti pastorko, adda aminen a masapulko.

Dagiti Salmo 80:1

Ipangagnakami kadi, O Pastor ti Israel; denggennakami, sika a mangidaldalan iti arbanmo. Sika a situtugaw iti tronom iti rabaw dagiti kerubim,

Isaias 40:11

Aywanannanto ti arbanna a kas iti agpaspastor iti animalna. Ummongennanto dagiti urbon ti karnero ket sakruyenna ida; siaanusto a mangidalan kadagiti innada.

Isaias 53:6

Mayarigtay amin iti karnero a napukaw, nagturong ti tunggal maysa iti kinaykayatna. Ngem impabaklay ti Apo kenkuana ti dusa a maipatay koma kadatayo.

Ezekiel 34:2

Kinunana, “Anak ti tao, babalawem dagiti agtuturay iti Israel. Ibagam kadakuada a siak nga Apo a Dios, kastoy ti kunak: ‘Naitudingen ti dusayo, dakayo nga agpaspastor ti Israel. Dagiti la bagbagiyo ti asikasoenyo ngem bay-anyo met dagiti karnero.

Ezekiel 34:23

Itedkonto kadakuada ni David nga adipenko a pastorda a kakaisuna ket aywanannanto ida.

Ezekiel 37:24

Ninto adipenko a David ti arida. Agmaymaysadanto iti babaen ti maysa a mangituray ket tungpalendanto a sipapasnek dagiti lintegko.

Mikias 5:4

Inton umay, iturayannanto dagiti tattaona babaen iti bileg nga aggapu iti Apo ken ti dayag ti Apo a Dios. Natalgedto ti panagbiag dagiti tattaona agsipud ta bigbigento dagiti tattao iti sangalubongan ti kinatan-okna,

Zacarias 13:7

Kuna ni Yahweh a Mannakabalin-amin: “Tumakderka, kampilan, ket darupem ti agpaspastor a katulongak. Papatayem tapno mawarawara dagiti karnero. Darupek dagiti tattaok

San Mateo 20:28

a kas iti Anak ti Tao a saan nga immay a paserbian no di ket tapno agserbi ken yawatna ti biagna a pangsubbot kadagiti adu a tattao.”

San Juan 10:2

Ti sumrek iti ruangan, isu ti pastor dagiti karnero.

San Juan 15:13

Ti katan-okan nga ayat nga ipakita ti maysa a tao isut' panangipaayna iti biagna para kadagiti gagayyemna.

Taga-Efeso 5:2

Ti koma ayat ti mangiturong iti panagbiagyo, kas iti ayat nga impaay ni Cristo kadatayo babaen iti pannangtedna iti biagna gapu kadatayo, kas nabanglo a sagut ken daton a makaparagsak iti Dios.

Tito 2:14

Inyawatna ti biagna gapu kadatayo tapno isalakannatay iti amin a kinadakes ket pagbalinennatayo a nadalus a tattao nga agpaay kenkuana ken napasnek nga agaramid iti naimbag.

Hebreo 13:20

Pinagungar ti Dios ni Apotayo a Jesus a nagbalin a Naindaklan a Pastor dagiti karnero gapu iti ipapatayna a kas daton a nangpatalged iti agnanayon a tulag. Sapay koma ta ti Dios a gubbuayan ti talna ipaayna kadakayo ti amin a naimbag a banag a kasapulanyo tapno maaramidyo ti pagayatanna. Sapay koma ta aramidenna kadatayo ti makaparagsak kenkuana babaen ken ni Jesu-Cristo, isu a madaydayaw iti agnanayon nga awan inggana! Amen.

1 Pedro 5:4

Ket inton agparang ti Pangulo a Pastor, awatenyonto ti nadayag a korona a dinto agpukaw ti raniagna.

1 Juan 3:16

Ti pakaammoantayo no ania ti ayat isu daytoy: Impaay ni Cristo ti biagna kadatayo. Rebbengtayo met ngarud nga ipaay ti biagtayo kadagiti kakabsat!

Paltiing 7:17

agsipud ta pastordanton ti Kordero nga adda iti tengnga ti trono. Iturongnanto ida kadagiti ubbog ti danum a sibibiag. Punasento ti Dios dagiti amin a luada.”