San Juan 10:10 - Ti Baro a Naimbag a Damag Biblia

¹⁰ Umay ti tulisan tapno agtakaw, agpapatay ken agdadael. Immayak tapno maaddaankay iti biag—biag nga awan pagkuranganna.

Ti Biblia (1973)

¹⁰ Ti mannanacaw saan nga umay no di tapno agtacaw, ken agpatay, ken agdadael: siac immayac tapno maaddaanda ti biag ken tapno maaddaanda ti nawadwad unay.

San Juan 10:10 Iomraidhean Croise

Isaias 56:11

Mayarigda kadagiti narawet nga aso a pulos a di mapnek. Saan a makaaw-awat dagitoy a pangulo. Aramiden ti tunggal maysa ti kaykayatna ket birokenna ti bukodna a pagimbagan.

Oseas 7:1

“Tunggal panggepko nga agasan dagiti tattaok nga Israelita tapno rumang-ayda manen, awan sabali a maiparangarang kaniak no di ti kinadakesda ken ti saan a nasayaat nga aramidda. Agiinnulbodda; serkenda dagiti balbalay tapno agtakawda; kadagiti kalsada, agsaneb dagiti tulisan.

San Mateo 18:10

“Kitaenyo diyo laisen ti uray maysa kadagitoy nga ubbing. Ibagak kadakayo a dagiti anghelesda idiay langit, kankanayon nga addada iti imatang ni Amak nga adda sadi langit.

San Mateo 20:28

a kas iti Anak ti Tao a saan nga immay a paserbian no di ket tapno agserbi ken yawatna ti biagna a pangsubbot kadagiti adu a tattao.”

San Mateo 21:13

Kinunana kadakuada, “Nailanad iti Nasantoan a Surat a kuna ti Dios, ‘Managanto ti balayko iti balay a pagkararagan.’ Ngem pagbalbalinenyo met a rukib dagiti mannanakaw!”

San Mateo 23:13

“Asikayo pay, dakayo a mamaestro iti Linteg ken dakayo a Fariseo! Aginsisingpetkayo! Serraanyo ti ruangan ti Pagarian ti Langit kadagiti tattao ngem dikay met sumrek ket paritanyo pay dagiti mayat a sumrek.

San Marcos 11:17

Kalpasanna, insurona dagiti tattao, “Nailanad iti Nasantoan a Surat a kuna ti Dios, ‘Managananto ti balayko iti balay a pagkararagan nga agpaay kadagiti amin a tattao.’ Ngem pinagbalinyo a rukib dagiti tulisan!”

San Lucas 19:10

Immay ti Anak ti Tao a mangbirok ken mangisalakan iti napukaw.”

San Juan 10:1

Sinarita ni Jesus daytoy a pangngarig kadakuada: “Ibagak ti pudno kadakayo: Ti tao a saan a sumrek iti ruangan ti pagaponan dagiti karnero, ngem kumalay-at ketdi iti sabali a pagnaan, maysa a mannanakaw ken tulisan.

San Juan 10:11

“Siak ti naimbag a pastor. Ti naimbag a pastor itedna ti biagna nga agpaay kadagiti karnerona.

San Juan 12:47

Saanko nga ukomen ti siasinoman a dumngeg iti mensahek ngem dina met tungpalen; ta diak immay tapno ukomek ti lubong no di ket tapno isalakanko.

San Juan 12:6

Sinaona daytoy, saan a gapu ta isakitna dagiti napanglaw, no di ket gapu ta mannanakaw. Isu ti agig-iggem iti kuarta, ket masansan a mangala iti maurnong.

San Juan 3:17

Ta saan nga imbaon ti Dios ti Anakna ditoy lubong tapno ukomenna ti lubong, no di ket tapno isalakanna.

San Juan 5:40

Ngem diyo met kayat ti umay kaniak tapno agbiagkayo.

San Juan 6:33

Ta ti tinapay nga ited ti Dios isu ti bumaba manipud langit a mangted biag iti lubong.”

San Juan 6:51

Siak ti sibibiag a tinapay a naggapu sadi langit. No kanen ti siasinoman daytoy a tinapay, agbiagto nga agnanayon. Ket ti tinapay nga itedkonto isu ti lasagko. Wen, itedko tapno agbiag ti lubong.”

Taga-Roma 2:21

Kasano nga isurom dagiti sabali no dimo pay maisuro ta bagim? Ikasabam ti saan a panagtakaw, ngem apay nga agtakawka?

1 Timoteo 1:15

Pudno daytoy a pagsasao a rumbeng nga awaten ken patien: Immay ni Cristo Jesus ditoy lubong tapno isalakanna dagiti managbasol. Siak ti kadadaksan kadakuada.

Hebreo 6:17

Agsipud ta kayat ti Dios nga ipakita a silalawag kadagiti umawat iti karina a dina baliwan ti panggepna, pinatalgedanna ti kari babaen iti panagsapatana.

Hebreo 7:25

Isut' gapuna a kabaelanna nga isalakan dagiti umasideg iti Dios babaen kenkuana agsipud ta agbiag nga agnanayon a mangibabaet kadakuada iti Dios.

2 Pedro 1:11

Iti kasta, mapalubosankayto a sumrek a siwawayawaya iti agnanayon a Pagarian ni Jesu-Cristo nga Apo ken Mangisalakan kadatayo.