San Juan 10:1 - Ti Baro a Naimbag a Damag Biblia

¹ Sinarita ni Jesus daytoy a pangngarig kadakuada: “Ibagak ti pudno kadakayo: Ti tao a saan a sumrek iti ruangan ti pagaponan dagiti karnero, ngem kumalay-at ketdi iti sabali a pagnaan, maysa a mannanakaw ken tulisan.

Ti Biblia (1973)

¹ Pudno, pudno, cunac cadacayo, ti saan a sumrec iti ruangan ti pacayaponan dagiti carnero, no di ket cumalay-at iti sabali a dalanan isu met laeng ti mannanacaw ken tulisan.

San Juan 10:1 Iomraidhean Croise

Jeremias 14:15

Siak, ni Yahweh, ibagak kenka ti aramidekto kadagitoy a profeta a saanko nga imbaon ngem agsaoda iti naganko ket kunada nga awan ti gubat ken bisin a dumteng iti daytoy a daga. Papatayekto ida iti gubat ken bisin.

Jeremias 23:21

Kinuna ti Apo, “Diak imbaon dagitoy a profeta ngem napanda latta. Awan ti mensahe nga intedko kadakuada, ngem nagsaoda latta iti naganko.

Jeremias 23:32

Imdenganyo ti kunak. Siak ni Yahweh. Busorek dagiti profeta a mangibaga iti tagtagainepda a pasig nga ulbod. Saritaenda dagitoy a tagtagainep ket yaw-awanda dagiti tattaok babaen iti panagulbod ken panagpangasda. Diak imbaon wenno imbilin a mapanda. Saanda a makatulong kadagiti tattaok. Siak, ni Yahweh, ti nagsao iti daytoy.”

Joel 2:9

Sipapardasda a mangraut iti siudad; kalay-atenda dagiti bakud; ulienda dagiti balbalay, ket kasda la mannanakaw a sumrek iti tawa.

San Mateo 7:15

“Agannadkayo kadagiti sinan-profeta. Umayda kadakayo ket agparangda a kas karnero, ngem iti kinapudnona, narawetda a lobo.

San Juan 10:7

Kinuna manen ni Jesus kadakuada, “Ibagak ti pudno kadakayo: Siak ti ruangan a pagserkan dagiti karnero.

San Juan 3:3

“Ibagak kenka ti pudno,” kinuna ni Jesus. “Awan ti makakita iti Pagarian ti Dios malaksid no mayanak manen.”

Taga-Roma 10:15

Kasano a maiwaragawag ti mensahe, no saan a maibaon dagiti mangasaba? Kas kuna ti Nasantoan a Surat, “Nagsayaat ketdin ti yaay dagiti mangyeg iti naimbag a damag!”

Taga-Roma 16:18

Dagiti agaramid kadagitoy, saanda nga agserserbi ken ni Cristo nga Apotayo, no di ket iti bukodda a paggarteman. Allilawenda dagiti nasingpet a tattao babaen kadagiti napipintas a balikas ken makaay-ayo a panagsao.

Tito 1:11

Pasardengem ida agsipud ta riribukenda dagiti adu a familia babaen iti panangisuroda kadagiti saan a maiparbeng tapno makakuartada laeng.

Hebreo 5:4

Awan ti mangdutok iti bagina a kangatoan a padi. Ti laeng Dios ti makabalin, kas iti panangdutokna ken ni Aaron.

1 Pedro 1:10

Daytoy a pannakaisalakan ti inam-amiris ken sinuksukimat dagiti profeta a nangipadto iti sagut nga ited ti Dios kadakayo.

2 Pedro 2:1

Iti napalabas, timmaud dagiti sinan-profeta iti Israel. Kasta met nga addanto dagiti sinan-maestro nga umay kadakayo. Awanto ti makadkadlaw iti panangiserrekda kadagiti makadadael ken saan a pudno a pannursuro ket laksidendanto ti Apo a nangsubbot kadakuada. Iti kasta, kellaatto a dumteng ti pannakadadaelda.

2 Pedro 2:3

Gapu iti kinaagumda, pagsapuldanto ti panangipakaammoda kadagiti parbo a sarsarita. Ngem nabayagen a nakasagana ti Mangukom kadakuada, ket saan a matmaturog ti Mangdadael kadakuada.

1 Juan 4:1

Ay-ayatek a gagayyem, diyo patien ti amin nga agkuna nga adda ti Espiritu kadakuada, ngem suotenyo ida no agtaud iti Dios ti espiritu nga adda kadakuada. Ta nagwarasen ditoy lubong ti adu a sinan-profeta.