San Juan 1:40 - Ti Baro a Naimbag a Damag Biblia

⁴⁰ Ni Andres a kabsat ni Simon Pedro ti maysa kadagiti dua a nakangngeg iti imbaga ni Juan ken simmurot ken ni Jesus.

Ti Biblia (1973)

⁴⁰ Maysa cadagiti dua a nagdengngeg ken Juan ken simmurot ken Jesus isu ni Andres, cabsat ni Simon Pedro.

San Juan 1:40 Iomraidhean Croise

San Mateo 10:2

Dagitoy dagiti sangapulo ket dua nga apostoles: umuna, da Simon (a managan Pedro) ken Andres a kabsatna; da Santiago ken Juan nga annak ni Zebedeo;

San Lucas 5:1

Iti naminsan, idi agtaktakder ni Jesus iti igid ti Dan-aw ti Genesaret, nagdidinnuron dagiti tattao nga umasideg kenkuana tapno dumngegda iti sao ti Dios.

San Juan 1:39

“Umayyo kitaen,” kinuna ni Jesus kadakuada. Nakikuyogda ken ni Jesus ket nakitada ti pagtaenganna. Gapu ta dandanin alas kuatro iti malem, nakidagusda kenkuana.

San Juan 2:2

ket naawis met ni Jesus ken dagiti adalanna.

San Juan 4:33

Iti kasta, nagsisinnaludsod dagiti adalan, “Adda aya nangyeg iti kanenna?”

San Juan 6:8

“Adda maysa nga ubing a lalaki ditoy a nagbalon iti lima a tinapay a sebada ken dua nga ikan,” kinuna ni Andres a maysa kadagiti adalanna ken kabsat ni Simon Pedro. “Ngem ania met dagitoy iti kastoy a kaadu ti tao?”

Dagiti Aramid 1:13

Idi makagtengda sadiay, napanda iti dagusda a balay ket nagtarusda iti akingngato a kuarto. Isuda da Pedro, Juan, Santiago ken Andres, Felipe ken Tomas, Bartolome ken Mateo, Santiago nga anak ni Alfeo, Simon a Patriota ken ni Judas nga anak ni Santiago.