San Juan 1:4 - Ti Baro a Naimbag a Damag Biblia

⁴ Ti Sao isu ti gubbuayan ti biag, ket daytoy a biag isu ti silaw dagiti tattao.

Ti Biblia (1973)

⁴ Adda idi kencuana ti biag, ket ti biag isu idi ti silaw dagiti tao.

San Juan 1:4 Iomraidhean Croise

Dagiti Salmo 49:6

wenno kadagiti tattao nga agtalek iti kinabaknangda, ket pagpasindayagda ti adu a sanikuada.

Dagiti Salmo 84:11

O Apo ken Diosmi, arigmo iti init ken kalasag; mangipaayka iti parabur ken dayaw. Dimo ipaidam ti nasayaat a banag kadagiti agaramid iti naimbag.

Isaias 42:16

“Idalankonto dagiti bulsek a tattaok kadagiti dalan a dida pay nagnaan. Pagbalinekto a lawag ti sipnget nga ayanda; pasayaatekto dagiti lasong-lasong a disso. Aramidek dagitoy nga awan duadua.

Malakias 4:2

Ngem kadakayo nga agtungpal kaniak, kaslanto init a lumgak ti pannakabalinko a mangisalakan ken mangyeg iti pannakapaimbag. Rumuarkayto a siraragsak a kas kadagiti urbon ti baka a naipupok.

San Mateo 4:16

Dagiti tattao nga agnaed iti kasipngetan Nakitada ti naraniag a lawag! Ket kadagiti agnaed iti nasipnget a daga ni patay Nagraniag ti lawag!”

San Lucas 2:32

Maysa a silaw a mangipakaammo kadagiti Hentil ti pagayatam. Ken mangyeg iti dayaw iti ilim nga Israel.”

San Juan 11:25

“Siak ti panagungar ken ti biag,” kinuna ni Jesus. “Ti siasinoman a mamati kaniak, uray no matay, agbiagto pay.

San Juan 12:35

“Bassit laengen a tiempo ti kaadda ti silaw kadakayo,” insungbat ni Jesus. “Agawaanyo ti agbiag ta adda pay la ti silaw kadakayo tapno dinakayo makamakam ti sipnget. Ta ti magna iti sipnget, dina ammo ti turturongenna.

San Juan 12:46

Immayak ditoy lubong a kas silaw tapno saan nga agtaeng iti sipnget dagiti amin a mamati kaniak.

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

San Juan 3:19

Daytoy ti pakaukoman: Immayen ti silaw ditoy lubong, ngem gapu ta dakes dagiti aramid dagiti tattao, ad-adda nga ayatenda ti sipnget ngem ti lawag.

San Juan 5:21

Ta kas iti panamagungar ti Ama kadagiti natay ket biagenna ida, kasta met a ti Anak ikkanna iti biag dagiti kayatna nga ikkan.

San Juan 5:26

Ta ti Ama met laeng ti pagtaudan ti biag. Pinagbalinna met ti Anakna a pagtaudan ti biag.

San Juan 8:12

Nagsao manen ni Jesus kadagiti Fariseo, “Siak ti silaw ti lubong,” kinunana. “Siasinoman a sumurot kaniak maaddaan iti silaw ti biag, ket dinto magna iti kasipngetan.”

San Juan 9:5

Bayat ti kaaddak ditoy lubong, siak ti silaw ti lubong.”

Dagiti Aramid 26:23

a masapul nga agsagaba ti Cristo, ket isunto ti umuna nga agungar tapno ipakaammona ti lawag ti pannakaisalakan kadagiti Judio kasta met kadagiti Hentil.”

1 Taga-Corinto 15:45

Ta kuna ti Nasantoan a Surat: “Ni Adan a kaunaan a tao, naparsua a naikkan iti biag.” Ngem ti maudi nga Adan, isu ti Espiritu a mangted iti biag.

Taga-Efeso 5:14

Ta ti aniaman a maipalgak a silalawag agbalin a lawag. Daytoy ti gapuna a makunkuna, “Agriingka, sika a matmaturog, Bumangonka ken ni patay! Ket lawagannakanto ni Cristo.”

Taga-Colosas 3:4

Ni Cristo ti pudno a biagyo. Inton agparang, addakayto met a kaduana ket mairanudkayto iti gloriana!

1 Juan 1:1

Isuratmi kadakayo ti nangngeg ken nakitami maipapan iti Sao ti biag nga addan manipud idi punganay. Nangngeg ken nakitami; wen, nakita ken nasagidmi.

1 Juan 1:2

Idi naiparangarang daytoy a biag, nakitami; iti kasta, paneknekan ken ipakaammomi kadakayo ti naipakaammo kadakami maipapan iti agnanayon a biag nga addan idi iti Ama.

1 Juan 5:11

Daytoy ngarud ti pammaneknek: Inikkannatayo ti Dios iti biag nga agnanayon, ket masarakan daytoy a biag iti Anakna.

Paltiing 22:1

Impakita pay ti anghel ti karayan ti danum ti biag. Nalitnaw a kas kristal ti danumna nga agubbog manipud iti trono ti Dios ken ti Kordero.

Paltiing 22:16

“Siak ni Jesus a nangibaon iti anghelko tapno saksianna dagitoy kadakayo nga adda kadagiti iglesia. Nagtaudak iti ramut ken kaputotan ni David. Siak ti naraniag a bituen ti agsapa.”